حبيبتي المطلقه مش حاجه عيب ولا حتى قليله لكن النظره ليها فى المجتمع من بعض الناس بتكون غريبه معرفش ليه الغباء ده لكن للاسف كده حتى النظره للراجل المطلق ممكن تكون غريبه لكن ده بيحصل من الناس الغير سويه والمريضه فقط ركزى ، لو حد عاقل وناضج هيكون عارف ان المطلق والمطلقه زى اى حد كان ليه تجربه بالحلال ومتوفقش فيها كام حد بيكلم فى الحرام ولكن لسه مخدش موقف رسمي ف بيقولوا عليه أنه عادى قدام مش مطلق مع إن هو عمل الانيل من كده الناس دول مهما عملنا مش هنعجبهم والله وهما ملهموش غير الكلام عاوزه اقولك مثلا الست الى بتعيب فيكى عشان مطلقه هى نفسها الست الى هتلاقيها اه لسه متجوزه ولكن طافحه المرار حرفيا مع جوزها ومش عاوزه تاخد الخطوه بتاعتك عشان الناس كلهم والله يبنتى عاوزين ياخدوا خطوة الطلاق بس قدامك بيقولوا لا ازاى انتى اتطلقتى الحياه كده والله اعلم الناس بتحب تظهر المثاليه ومن جواهم يتمنوا ياخدوا موقف ويعملوا زيك شوفى كام واحده لو خدت خطوه زيك واتطلقت من الحد الخاين والى مش كويس بدل ما تخلف منه وتجيب لينا عيال مش سويه شوفى العالم هيكون احسن ازاى بس فى ناس بتجبر نفسها عشان ميتقالش عليها انها مطلقه شوفتى. الغباء وصل لفين ؟ حاولى تلاقي ليكى شغل ضرورى أو يكون ليكى حاجه تعتمدى عليها بالنسبه للزوج اتمنى ربنا يرزقك بحد كويس ويعوضك صدقينى كل حاجه ف ايد ربنا احنا ندعى بس وإن شاءالله ربنا يعوضك وادعي كتير اوى اوى احنا ف احسن الايام للدعاء وانا هدعيلك وإن شاءالله ربنا يرزقك ويعوضك خير
سيبك من موضوع الجواز ده نصيب محدش بياخد اكتر من نصيبه عدم وجود اطفال ليكي ده بحد ذاته شىء هيخفف العبء عنك بكتير وكل حاجه كان ليها سبب صدقيني انتى احسن من غيرك بكتير ولو حد خير ليكي هيجيلك والى يغير فكرته عنك بعد ما يعرف انك مطلقه ده ميستاهلكيش
تم النشر الثلاثاء، ١٨ مارس ٢٠٢٥
انا كملت حياتي واشتغلت بس كذا حد بيبقي عاوز يتقدم لي بس لما يعرف اني منفصله يتراجع في كلام انا مش معايا اولاد ومكملتش سنه جواز يعني بردوا في ناس قالتلي انتي لو اتطلقتي مش هتتجوزي شاب انتي ممكن تاخدي راجل سنه كبير او ممكن تتجوزي واحد كان متجوز قبل كده
تم النشر الثلاثاء، ١٨ مارس ٢٠٢٥
ممكن افهم منك ايه السبب ؟ هل الناس الى حواليكي قالولك كلام مزعج مثلا ولا انتى خايفه حد يرفض يتجوزك بسبب انك مطلقه ولا ايه ؟
تم النشر الثلاثاء، ١٨ مارس ٢٠٢٥
انا مش عارفه اتقبل ده من جوايا حاسه انه تقيل عليا
تم النشر الثلاثاء، ١٨ مارس ٢٠٢٥
لعرض الإجابة في فدني اضغط هنا