انا مش متقبله فكره اني اكون مطلقه مش عاوزه كده بس كل ده غصب عني انا مقدرتش اكمل حياتي مع واحد خاين دمر حياتي وسبب لي وجع والم ودخلت في مرحله اكتئاب ونفسيتي كانت زفت ولحد دلوقتي بحاول اني ادوي جرحي تعبت وانا بداري عن الناس وجعي اللي بينهش في روحي وانا عماله اقول واصبر نفسي ان ربنا هيعوضني عن كل اللي عشته بس بيجي عليا وقت مش ببقي قادره اكمل واضحك على نفسي وأبين اني مبسوطه
ولسه اصعب حاجه همر بيها لم اكون مطلقه مكنتش عاوزه اعيش الاحساس الوحش ده ولم افتكر الاقي نفسي بيضيق اووي ومخنوقه الحياه عمرها ماادتني حاجه بحبها لا عمري جربت اني احب واتحب مع اني كان نفسي اجرب الشعور ده واحس ان ليا سند وكتف بعد ربنا حد يخاف عليا ويحبني ويقدرني واهم حاجه يتقبلني وانا في اسوأ حالاتي
بس ملقتش كل ده لقيت نفسي وحيده بين اربع حيطان بقيت على قد ما اقدر اغمض عيني عن كل اللي حواليا وأخبي نفسي من عين الناس وأبقى وحيده الدنيا بردوا ماسبتنيش في حالي ادتني كتير؟
كل احساس وحش حسيت بيه ومش متقبله اني اكون كده
بصى هقولك حاجة .. سيدنا ايوب كان من غنياً وذو عزوة وعائلة كبيرة .. فلما اصابه مرض هجره كل من حوله ومات أولاده كلهم وهجرته زوجته فى اواخر ايام مرضه بسبب مرضه وبقى وحيداً .. ماذا فعل !! استأنس بالذى لم يتركه وحده وهو الله ، وظل يدعو وصبر على دعائه وبلاءه .. وظل ثابتاً لسنوات على هذا الابتلاء يدعو الله ، لم ييأس حتى فى يوم من الايام استجاب الله له ، فعادت له زوجه وعوضه الله بأولاد خيرا ممن ماتوا وعمرا جديدا وغنى اكبر مما كان عليه .. وكأنه لم يخسر شىء ، كذلك حال يعقوب فى ذروة ابتلاءه ظل يدعو الله كثيراً ويبكى له ويشكوه همه .. لسنوات .. حتى استجاب الله له ورد له يوسف واخوه ليسوا أشخاصا عاديين بل من وجهاء مصر ، وزاده بأن جعله يعيش فى رخاء بعد شده وفقر أصابهم وفتح الله عليهم ، وتصالح إخوته فيما بينهم مع يوسف وأخيه بعدما أوقع الشيطان الحقد بينهم .. هذا هو حال من يستأنس بالله ولذلك أقول لك انضمى لهؤلاء العظماء وامتثلى أمر الله بطاعته والجأى له وابكى له واشكوه همك ، كلما ضاق صدرك ولا تشكى لغيره اشكى إلى الله فقط ... يقيناً فى الله سيفرج الله همك ويعوضك خيراً مما فاتك كما فعل مع الكثير من عباده كانوا أشد كربا وهما منك .. ويرفع برجوعك له درجاتك عنده بإذن الله .. فك الله همك وكربك وكل مكروب ومهوم .. آمين
تم النشر الثلاثاء، ١٨ مارس ٢٠٢٥
السلام عليكم ورحمه الله وبركاته تجربه الانفصال او الطلاق من تجربه مش سهله خالص خالص وفعلا فعلا هي من الحاجات اللي بيكون فيها كسر نفسي للنساء خلينا نقول انه اول حاجه هي من اول كلمه انت كتبتيها انا مش متقبله طول ما انت مش متقبله نفسك مش متقبله وضعك ازاي هتبقى ايه منتظره انه تكون العالم من حواليك بيبص لك بنظره تقبل انت في الاساس هتبقي بصه الناس من حواليكي ان هم مش متقبلينك رغم ان هم ممكن يكون مش فارق معاهم حاجه بس ده هيكون بسبب انه انت اللي مش متقبله نفسك ولا متقبله الوضع الحالي من تعليقاتك كده انا شفت حاجه برده محتاجه انك تركزي عليها قوي وهي فكره انه انا ما كنتش استاهل كده طب خلينا نركز في الفكره دي كويس قوي لان هي بتكون من اكبر. الاسباب اللي بتكون ااا مخليه الشخص يكون بيعاني والمعاناه دي بتكون لانه فاكر انه الميزان بيكون واحده قصاد واحده يعني لما انا اكون طايب وحنين وبدي كل حاجه حلوه ده معناه ان انا هاخذ كل حاجه حلوه لكن ده مش حقيقي.لان الموازين بتاعه البشر. ملها كل ما نغير الافكار دي هنبدا نستوعب انه سياق الحياه الطبيعيه العاديه. هيحتاج ان احنا نتقبل مختلف ردود الافعال اللي ممكن توصل لنا بعد ما احنا تكون افعالنا كويسه وكل نيتنا خير وقصدنا كويس. الذكريات اللي عدت عليك وكل الوقت اللي انت افنديه لازم تعرفي ان هو ما راحش على الفاضي الوقت اللي انت. افنتيه ده كله ده كان ليكي وكله اتحسب لك ليه لان كانت نيتك كويسه ولكن النتيجه في الاخر ما كانش ليكي يد فيها وده اللي هيحصل ف اكيد مش عايزين نحس ان احنا في حاجه مش صالحنا تاني نبدا نركز في كل التفاصيل اللي جايه وابدا اتقبل انه ايه المشكله اصلا ان انا دلوقتي منفصله ايه العيب اللي عندي وايه اللي ناقصني اللي ناقصك هو نفس اللي ناقصك من وقت ما انت كنت متجوزه خلي بالك مفيش حاجه هنا تبدلت انت فاكره انك كده افتقدتي شيء وانت كده كده كنت مفتقده حتى وانت في البيت مع نفس الراجل.ي حاجات كثير طيب انا هقدر اتعامل ازاي انا هقدر اتعامل اول ما اتقبل اول ما اشوف انه دي مرحله من حياتي وخلصت ودلوقتي بتبدا مرحله جديده المرحله الجديده دي في ايدي انا انا اللي هاقدر اشكل المرحله الجديده دي بس لو انتبهت لكل التفاصيل اللي انا هبدا ابني عليها المرحله الجديده دي لو سبت المرحله الجديده دي تتشكل منها لنفسها او الظروف اللي حواليا او المحيط اللي حواليا هو اللي يشكلها بالشكل او بالتفاصيل الاساسيه فهنا هبقى زي ما انا خسرت في وجهه نظري المرحله اللي فاتت هيبقى في مرحله جايه هي كمان مش هتكون فيش علاقه بالموضوع ده خالص انا ممكن اكون طيب وكويس وكل حاجه ولكن ربنا يرزقني بابتلاء صعب. وفي اذيه هل ده معناه انه انا؟ هل ده معناه ان انا اتاذيت علشان خاطر انا طيب لا طب هل ده معناه انه الطيب لازم تاذي لا
تم النشر الثلاثاء، ١٨ مارس ٢٠٢٥
حبيبتي المطلقه مش حاجه عيب ولا حتى قليله لكن النظره ليها فى المجتمع من بعض الناس بتكون غريبه معرفش ليه الغباء ده لكن للاسف كده حتى النظره للراجل المطلق ممكن تكون غريبه لكن ده بيحصل من الناس الغير سويه والمريضه فقط ركزى ، لو حد عاقل وناضج هيكون عارف ان المطلق والمطلقه زى اى حد كان ليه تجربه بالحلال ومتوفقش فيها كام حد بيكلم فى الحرام ولكن لسه مخدش موقف رسمي ف بيقولوا عليه أنه عادى قدام مش مطلق مع إن هو عمل الانيل من كده الناس دول مهما عملنا مش هنعجبهم والله وهما ملهموش غير الكلام عاوزه اقولك مثلا الست الى بتعيب فيكى عشان مطلقه هى نفسها الست الى هتلاقيها اه لسه متجوزه ولكن طافحه المرار حرفيا مع جوزها ومش عاوزه تاخد الخطوه بتاعتك عشان الناس كلهم والله يبنتى عاوزين ياخدوا خطوة الطلاق بس قدامك بيقولوا لا ازاى انتى اتطلقتى الحياه كده والله اعلم الناس بتحب تظهر المثاليه ومن جواهم يتمنوا ياخدوا موقف ويعملوا زيك شوفى كام واحده لو خدت خطوه زيك واتطلقت من الحد الخاين والى مش كويس بدل ما تخلف منه وتجيب لينا عيال مش سويه شوفى العالم هيكون احسن ازاى بس فى ناس بتجبر نفسها عشان ميتقالش عليها انها مطلقه شوفتى. الغباء وصل لفين ؟ حاولى تلاقي ليكى شغل ضرورى أو يكون ليكى حاجه تعتمدى عليها بالنسبه للزوج اتمنى ربنا يرزقك بحد كويس ويعوضك صدقينى كل حاجه ف ايد ربنا احنا ندعى بس وإن شاءالله ربنا يعوضك وادعي كتير اوى اوى احنا ف احسن الايام للدعاء وانا هدعيلك وإن شاءالله ربنا يرزقك ويعوضك خير
تم النشر الثلاثاء، ١٨ مارس ٢٠٢٥
عزيزتي، أشعر بألمك ومعاناتك ولا شك أن تجربة الطلاق، خاصةً عندما تكون مملوءة بالخيانة والكسر، قد تكون صعبة للغاية. من الطبيعي أن تشعري بالحزن والرفض لهذه المرحلة، ولكن يجب أن تتذكري أن هذه المشاعر أيضًا جزء من عملية الشفاء والنمو. أنت تمرين بمرحلة صعبة، لكن ذلك لا يعني نهاية الأمل أو السعادة في حياتك. من المهم أن تعطي لنفسك الوقت لتشعري بالجرح وتعافيه، فلا تتعجلي في الشفاء. محور الأمر هو كيف يمكنك استخدام هذه التجربة لتطوير نفسك وبناء حياة أفضل تتناسب مع ما تستحقينه. حاولي التركيز على الأشياء التي تجعلك تشعرين بالسعادة أو بالإنجاز، حتى لو كانت صغيرة، مثل ممارسة هواية جديدة أو تعلم مهارة جديدة أو الانخراط في أنشطة تطوعية. كل خطوة صغيرة يمكن أن تساعدك في الخروج من حالة الانكسار. تذكر أن الله سبحانه وتعالى قد ضمن لنا الأمل، وأن ما تعيشينه اليوم ليس سوى مرحلة في حياتك. ربما عليك طلب الدعم من أصدقاء مقربين أو متخصصين يساعدونك في تجاوز هذه المشاعر، فهذا لا يعد ضعفاً بل دليل على القوة والإرادة. وأخيرًا، لا تتنازلي عن أحلامك في الحب والسعادة. ابدئي من جديد بحب نفسك أولاً، واعتني بك وبصحتك النفسية، فهذا هو الأساس لبداية حياة جديدة مليئة بالفرحوالتقبل.
تم النشر الاثنين، ١٧ مارس ٢٠٢٥
شكرا علي النصيحة بس مش هينفع اني ارجع تاني واكمل حياتي عادي لانه مش خاين وبس زي ماحضرتك قلت لو هو شخص كويس ومحترم وبيقدر بس للاسف هو مش كده خالص ده ممكن يألف ميه كدبه وحوار عشان يطلع نفسي مش غلطان ومش بيهمه هو اذى مين او ظلم مين حتى لو مراته بس انا والله كان نفسي اعيش حياه مستقله واكون عائله حاسه ان الموضوع خارج من ايدي ودي اراده ربنا
تم النشر الخميس، ٢٠ مارس ٢٠٢٥
تم النشر الخميس، ٢٠ مارس ٢٠٢٥
ازاي بعد الاذي النفسي اللي اتسبب فيه تقول ارجع واكمل وانا لوكنت لقيت حتي لو 1%ان الشخص ده بيحبني وخايف علي زعلي كنت مشيت ده غير الصدمات اللي مش عارفه اتجاوزها لحد دلوقتي وبعاني منها ده غير اني مفكرش اني لم يعمل كده ويخون هتبقي نتيجه اللي عمله دي اي وهتوصل لحد فين
تم النشر الخميس، ٢٠ مارس ٢٠٢٥
انك ترجع لورا وتفكر شويه وتعقلها وتختار الطريق الصح احسن ما تكمل حياتك كلها فطريق غلط ، حياتك كده كده هتعشيها لو في امل تكملي وهوا شخص كويس لكن ضعف زي اي بناؤدم يبقي الافضل انك تعفي عنه وتديله فرصه ، لو لا يبقي خلاص عيشي حياتك ومتفكريش وربنا هيعوضك
تم النشر الخميس، ٢٠ مارس ٢٠٢٥
بتقولك خااين و بهدل نفسيتها و حالها بالشكل ده تكمل معاه ازاي ارحملها تبعد عنه
تم النشر الأربعاء، ١٩ مارس ٢٠٢٥
حاولي تدي نفسك فرصه حاولي تكملي ف العلاقه متخربيش حياتك يمكن ربنا يعدي الفتره دي وتكملو حياتكم كويس
تم النشر الثلاثاء، ١٨ مارس ٢٠٢٥
لعرض السؤال في فدني اضغط هنا