انا كنت في حصة و كنت مقررة اني هقعد ساكته من غير ما أتكلم كتير أو بصوت عالي بس بعد كده حصل العكس تماما و كنت مهيبرة شوية و كنت بتكلم مع صاحبتي و قولتلها إن في واحدة عطتني عين و قعدت أقول حسبي الله فيها البنت دي و حكيتلها إنها عاملتني وحش و كدا رغم اني كنت بساعدها و بحبها و كل الكلام ده بصوت عالي و كل الي في المجموعة سمعوا هم مش كلهم كلهم يعني بس الناس الي مهتمة ليها سمعت و منهم شخص معجبة بيه و حاليا انا ندمانه جدا جدا اني اتكلمت و اني كنت بتكلم بصوت عالي رغم إنه عادي يعني الكل كان بيتكلم بس برضو حاسه بتأنيب ضمير و حاسة انه شكلي بقى وحش اوي خصوصا إن في الأول كنت هادية جدا طول الوقت لكن بدأت أبقى مهيبرة و حاسة بضيقة شديدة إني اتكلمت من الأول و بفكر أغير المجموعة تنصحوني بإيه لأن بجد تعبت إن كل مرة بكون بالشكل ده
بكون هادية في الأول و الناس تاخد عني انطباع كويس و بعد كده لما اتكلم و اتفاعل معاهم بحس إنهم أخدوا عني انطباع وحش و خصوصا الشخص الي معجبة بيه ده حاسة انه خلاص بقي بيكرهني و بفكر إني أغير المجموعة خالص و ارتاح من كل ده و أحاول إني أكون ساكته طول الوقت في المجموعة الجديدة
ياريت حد يساعدني لان بجد تعبت من الموضوع ده و بيخليني أكره نفسي اكتر و كتر كل مرة
السلام عليكم. بصي مش محتاجه تغيري المجموعه مش محتاجه تعملي حاجه قد ما انت محتاجه تكوني على طبيعتك ومش محتاجه ان انت تخلي نفسك هاديه يعني لو انت طبيعتك ينفع تبقى اهدى اوكي فهيبقى دي طبيعتك اللي هتتعاملي بها لكن انك تحاولي تضغطي على نفسك وتباني هاديه علشان الناس تشوفك كده تمام ويحبوكي فلا ما فيش داعي مش محتاجه تعملي كده عموما الصح اه انك ما تتكلميش عن نفسك في وسط ناس كتير وناس كتير تعرف تفاصيل عنك الصح ان تكون البنت صوتها منخفض وما يكونش صوتها عالي كده منعلعه يعني الناس اعملي ده لنفسك علشان تحافظي لنفسك على صوره تكوني راضيه عنها مش علشان الناس تشوفك بشكل ما لان كل ما هتحاولي تكوني على غير طبيعتك طبيعتك هتغلبك فاذا كنت حابه تكوني تباني هاضافه تصرفاتك الحاليه ونبره صوتك جربي نفسك تبقى اقل بدل ما تغير المجموعه تغيري المجموعه تروحي مجموعه تانيه عادي جدا الموضوع هيتكرر يعني الموضوع حاسه بالهم بيكرهوني وكده يعني لو في حد بيكره. بالسلامه ايه المشكله يعني ما تسعيش انك تكوني عايزه ترضي الناس او تبيني لهم شويه يحبوها كفايه انك تكوني انت ردي عن نفسك وعارفه انك بتعملي الصح.
تم النشر الثلاثاء، ٢٨ مايو ٢٠٢٤
يا حبيبتي، فشارحة مشكلتك بشكل جيد وده خطوة عظيمة لأنك واعية بمشاعرك وتصرفاتك وتتمني تحسينها. أول حاجة عايزة أقولك إن ده طبيعي إن الإنسان يتوتر أو يحس إنه ما كانش على طبيعته في موقف معين. وإنت مش الوحيدة اللي بيحصلها كده. خليني أقولك بعض النصايح اللي ممكن تساعدك في المواقف المستقبلية: كوني مرنة مع نفسك : مش كل مرة هتقدر تكوني مثالية في تصرفاتك. مهم جدا تكوني رحيمة مع نفسك ومش تكتر التركيز على الأخطاء اللي بتحصل. التواصل الصريح : لو حاسه بضيقة أو ندم، احكي لحد قريب عليكي أو اكتبي في دفتر عشان ترتاحي وتخرجي الطاقة السلبية دي. التفكير بنظرة إيجابية : بدل ما تكرهي نفسك على اللي حصل، فكري إزاي تقدري تتحسني وبمزاج كويس؟ التوازن بين الهدوء والحيوية : كوني نفسك، لو في مجموعة ممكن التعبير عنها يكون مميز، ليه لأ؟ الفكرة إنك تكوني مرتاحة بما تسويه. المعجب بيكي : الشخص اللي معجبة بيه لو كان مهم ليكي، ممكن تتكلمي معاه بطريقة لطيفة وتوضحي له إنك كنت متوترة وإن ده مش تصرفك الأصلي. بالنسبة للانتقال لمجموعة جديدة، خلي ده اختيار أخير. جربي تحسني من استراتيجياتك في التواصل وتقبلي نفسك بدلاً من الهروب. بالتوفيق يا قمر، وافتكري دايما إن تحقيق التوازن الداخلي بياخد وقت وصبر، مش لحظي. لو محتاجة حاجة تانية، أنا موجودة هنا لمساعدتك.
تم النشر الاثنين، ٢٧ مايو ٢٠٢٤
لعرض السؤال في فدني اضغط هنا