السّلام عليكُم ورحمةُ اللّٰه وبركاته ^^.
ازاي اقدر اتعافىٰ من التحرُش انا بنت 17 سنةة اتعرضت للتحرش الجسدي مرتين وبين المرتين دول لما احس اني في حد عاوز يقرب مني بحاول اكون قويةة على قد ماقدر عشان ده ميحصلش اول مره اتعرضت فيها للموضوع ده كان سنيسني 13 سنةة كنت ماشية فِ الشارع انا ولدتي و اختي وفي واحد جه شوفت خيالو ونا ماشية نزل وقرب مني ولمسني انا اتصدمت من الموقف اخساس مؤذي اوي بس انا متكلمتش مش عارفةة اوصفلكو احساسي اوي بس تحس ان الدماغ مش قادر يتصرف حسيت جسمي متصلب مكانة ومعرفتش اعمل اي ف ونا ماشية بصيت للراجل ده كان بيبصلي وبيضحك نص ضحكةة شوفو اا تقريبا اتخطيت الموقف ده من اسبوعين ودي وقعة التحرش التانيةة كنت ف العربية وكنت قادعه ع الحرب وكان في راجل قاعد ورايا تمام قبل ما ننزل بشويةة حسيت في حد بيلمس جزء ف جسمي ف قولت يمكن مفيش حاجةة بس حسيت اللمسةة شويةة اكتر من مالمره الي فاتت المهم بصيت ورايا كده لقيت الرجال حاطط ايدو عند ضهري كده وواخد وضع الاستعداد ان اول ما اداري وشي قدام هيلمسني تاني فاهمين؟ شوفو الراجل كان بيلمسني ف جزء من المؤخره بظهر صباعُه تمام انا اما شوفته مش عارففةة اقلولكو حسيت بإي بالظبط بجد تعبت كنت هعيط ازاي يعمل كده داريت وشي بعدين لقيته لمسني تاني روحت ناديت السواق قولتو ان الشخص ده بيسلمني وكده ف زعقلو والناس اللي ف العربيةة كمان الراجل كان هيقول عليا اني كدابةة بس قال معملتش حاجةة هما قالو هيا هتتبل عليك ليا ومده فاهمين بس مقدرتش اسحتمل نزلت من العربيةة وفضلت اعيط لغابت ما وصلت الدرس شوفو انا اللي زعلني انا بحاول اجتهد اني ميكنش فيا حاجةة تثير راجل عشان غريزه الراحل متتقرنش بينا احنا البنات تمام وعشان لو حد معندوش مقدره انه يتجوز مفتهنهوش بلبسي او صوتي او شكلي فاهمين مش بحط نفسي ف موضوع شُبهة على قد ما اقدر بجد وفبالي ان الرجاله كلهم مش وحشين ودليل على كده ان بين فترات التحرش 4 سنسن حتى لو في تحرش لفظي حصل ف الفتره دي انا بقدر اتخطاه شوفو انا حجات كتيرة حصلت معايا ونا عندي 8 سنين بس الحمد للله انا بس حاسهان خايفة. من الرجاله شويةة او بقيت بخاف كده فاهمين انا عاوزة اكون زوجةة تسعد جوزها وكل حاجةة بس انا نظره الراجل لجسم الست بتخوفني جدا حتى عارفة. ان مفروض ده حاحةوتسعدني لما جوزي يبص لجسمي او يتغزل فيا بس انا حاسهت اني مش هقدر ممكن يكرن اللي حصل ده لان انا جسمي يبين اكبر من سني بس انا بلبس واسع ولابسه الخمار ومش بضيق الحزام مؤخرا مبقاش بلبسه الحمد لله كل ده عشان هو فرض وعشان مأذيش راجل بسببي فاعمين انا مش عارفةة ارتب كلامي بس انا كنت حابةة فكره اوجود راجل ف حياه الست دي بتكون اضافه حلوه لحياتها وكذلك هو بس مش عارفةة انا بقيت بخاف اني اقعد ع الحرف لمجرد ان راجل يتجرأ ويلمس حاجةة مش من حقه التفكير تعبني اوي بجد بس انا بتاعمل الحمد لله ولو ومش بيبان عليا اني خايفةة ولا حاجةة انا بس بقيت خايفةة من جوايا ومش ببين ده جسمي ده ملكي امانه ربنا شايلها معايا و هستأمن جوزي عليه لما اتجوز لي بني ادام يجي يلمس حاجةة مش من حقو ويخليني اتأذي من الاحساس اللي سببهولي لا حول ولا قوة الا بالله عاوزة كلام يطمني بس عاوزة احس ان هقدر اكون زي الاول واحسن كمان عارفةو اني هعدي المحنةة دي ونا مويسةة واقوى بس متعرفوش انا بخاف ازاي ومش ببين لان مش مفروض ابين اصلا. معلش طولت بس كنت محتاجةة اتكلم شكرا لو كملت القرأه لغايت هنا
و السّلام عليكُم ورحمةُ اللَّهُ وبركاته.
اللي لمسوكي دول ناس في قلوبهم مرض مش ناس طبيعيين .. والله أعلم باللي هيقابلوه في حياتهم الزوجية بعد كدة والبلاوي دة موجودة في قلوبهم .. ربما تذكر لوحده دة يهون عليكي شوية! أنت طالما لابسة محتشم فيكفيكي فخرا أنك قلت سمعنا وأطعنا لآية (يا أيُّها النَّبِيُّ قُلْ لأزْواجِكَ وبَناتِكَ ونِساءِ المُؤْمِنِينَ يُدْنِينَ عَلَيْهِنَّ مِن جَلابِيبِهِنَّ ذَلِكَ أدْنى أنْ يُعْرَفْنَ فَلا يُؤْذَيْنَ وكانَ اللَّهُ غَفُورًا رَحِيمًا) .. فوضي أمرك إلى الله في من آذاك بعد ما عملت بوصية الله لك فإن الله يغار أن تنتهك حرماته وستجدي الراحة النفسية إن شاء الله فإن الله يقتص للشاة من الشاة الأخرى التي نطحتها فما بالك بالإنسان؟
تم النشر الأربعاء، ٦ سبتمبر ٢٠٢٣
انتى ماشاء الله عليكى واعية وجميلة ونضيفة ودى كلها اختبارات ( قوية شوية ) بس دليل انك عارفه تفرقى بين احساسك بزوجك مستقبلا ان شاء الله غير احساسك واشمئزازك من الغريب ...دليل انك بدأتى تتخطى بالفعل الاختبارات القوية دى. وانك تاخدى احتياطك مش معناه انك متخطيتيش الامر ... التزامك مش هيمنعك من اذى المؤذيين .... الانبياء لم يسلموا ممن الاذى رغم صحة ما امنوا به وصلاحهم المعروف عنهم . المؤذيين المرضى ..بيعملوا كده من ضعفهم ...لانهم مش قادرين يحققوا القوة فى مواضع تانيه حقيقية . تقابليهم انتى بقوتك فتقضى عليهم وتكتسبى ثقة ....اوعى تخجلى لان مش انتى اللى صاحبة الغلط
تم النشر الجمعة، ٨ سبتمبر ٢٠٢٣
وعليكم السلام ورحمة الله وبركاته،،، لازم تكوني عارفه انك مش مسؤولة عن اي شخص مريض وغير سوي، انتي طالما لبسك محتشم متخافيش من اي حاجه، وعجبتيني انك مسكتيش ف اخر مرة. واي حد يلمسك او يعمل حاجه مش مظبوطة، متخافيش وخدي حقك .. الناس ديه صدقيني بتبقى خايفة، ولو تلاحظي انك لما قولتي للسواق على اللي بيعمله هو خاف وقلق، ف صدقيني هما اساسا بيبقوا خايفين جدا احسن يتكشفوا. ف اي حد يعملك اي حاجه خليكي قوية وجامده ومتبينيش ضعفك قدامه، وخدي حقك، ولو لزم الامر طلعي كاميرا فونك وصوريه، علشان يبقى عبره لمن يعتبر. ولو عايزة توصلي الموضوع ل اكتر من كده، روحي واعملي محضر كمان طالما صورته واضحه. متخافيش من اي حاجه .. اللي معاه الحق ميخافش. وحاولي تفكري بمنطقيه شوية هي مش كل الرجالة وحشة زي ما انتي متخيلة، وطالما انتي بتحافظي ع نفسك وبتصونيها .. ربنا هيحفظك باذن الله.
تم النشر الخميس، ٧ سبتمبر ٢٠٢٣
اولاً ربنا يحفظك و يسترك و يبعد عنك ولاد الحرام، ثانياً بالرغم من انك عملتى كل حاجة علشان تسترى نفسك ايه رأيك فى دماغ مجتمعك الوسخ اللى مش شايف غير انك سترتى نفسك علشان انتى جميلة ولو لبست و عملتى اللى على كيفك تبقى انتى كذا و هى عايزة حد يتحرش بيها؟! المشكلة مش فى لبسك قد ما هى ان الرجالة مخها عاوز سنفرة. نصيحتى هى ما تسكتيش تلاقيه اتحرش فيه حلين الأول تدورى و بكل عزمك تبصيله بحزم و هفيه على صداغه و بأوسخ الألفاظ اشتميه يابن الشر.... طبعاً انتى فاهمة لأن ماقدرش اكتبها علشان الرقابة، حاولى تخدى بحقك فى لحظتها لأن ده الحل لأن السكوت مش هيجيب نتيجة و الرجالة الحمدلله انعدمت! ما تزعليش و ما تقليش ان كل الرجالة كدة لأن الشيطان هيبقى عاوز يدخلك فى دوامة هدمر كل حياتك استعيذى بالله منه لما تجيلك الفكرة ده اما الحل التانى فبصراحة انا نسيته فبتأيف لكى! حتى اشعار آخر.🙂
تم النشر الخميس، ٧ سبتمبر ٢٠٢٣
انتي بنت اصول ومحترمه متخليش اي حاجه تأثر عليكي عشان الي بيعملو كدا بيبقو مرضي نفسيين عيشي حياتك ومتفكريش ف الموقفين دول تاني
تم النشر الخميس، ٧ سبتمبر ٢٠٢٣
العفو منِك 💜.
تم النشر السبت، ١٦ سبتمبر ٢٠٢٣
إن شاء الله انا وانتى يا حبيبى شكرا
تم النشر السبت، ١٦ سبتمبر ٢٠٢٣
أتمنى دايما تكونِي بخير وتتعافِي من اي حاجة مريتي بيها.
تم النشر السبت، ١٦ سبتمبر ٢٠٢٣
بجد عندك حق ربنا معانا انا مش فاهمة استفادو اية لما آذونا بس ربنا هيرجع حققنا منهم وبجد كلامك أثر فيا شكرا ♥
تم النشر السبت، ١٦ سبتمبر ٢٠٢٣
خدي وقتِك فِ الزعل بس متنسيش إن فِي حياة وراكِي لازك تعشيها قبل ما نندَم ومتعقديش نفسِك من كل الرجالة محتاجةة تزودي حِرص شويةة ومتسكتِيش تانِي الكلام هيطلع منِك بالعافيةة وممكن يكون فِ رعشةة فِ صوتِك او انِك بتعيطي بس ده كله لِصالحِك، ممكن تتفي فِ وشة وطلعي غضبك فِ اي حد يعمل معاكِ كده الاحساس اللي انتِ حاسة ده نابِع من كونِك بتخافِي على جسمِك حاولي تحافظي عليه على قد متقدري ومتحطيش نفسك فِ موضِع شُبه واقرأي الاذكار الصباح بعد الفجر لغايت الشروق و المساء قبل المغرب بِ ربع ساعةة فاهمةة واتوكلي على الله ومش هلومك لو مقدرتيش تتكلمي فِ او مره ولا اول مرتين عشان جسمك بتصلب مكانه وبتكوني حرفيا مصدُومةة لكن حاولي الاحساس اللي هيجيلك بعدها هتتبسطي مِنةة حاولي بجد وازعلي ع اللي حصل بس متوقفيش حياتِك ع الزعل ده لسة هتتجوزي وهتكونِي ماما اكتسبي خبرة واتعلِمي متخافِيش واستعيني بالله.
تم النشر الجمعة، ١٥ سبتمبر ٢٠٢٣
اول حاجه فيه مرات كثيره بيحصل كده ف ناس مبيقوش متربين علي الاخلاق ولا التربيه أنا عارفه أن الموضوع صعب جدا بس مش هتوقفي حياتك عليه انتي بتلبسي ماشاء الله تبارك الله لبس واسع انتي مش بعملي حاجه غلط ولا بتلفتي حد بس ف ناس كده طبيعتهم كده مفيش فإيدنا غير أننا نقول حسبنا الله ونعم الوكيل لأنهم بيكرهونا ف اننا ننزل حتى أو نتعامل مع اي حد بس عايزه اقولك انسي الموضع لازم تنسيه على شان تقدري تكملي حياتك حفظي على نفسك زي ما نتي بتحفظي عليها ادعي ربنا أنه يرزق بالزوج الصالح وعايزه اقولك ان ربنا مش هيضيع حزنك ولا زعلك هيجيهولك يوم القيامه عايزاكي تنسي الفكره دي كأنها حلم أو كابوس وحش ونستيه عشان تقدري تكملي حياتك انتي لو منستيش مش هتقدري تكمل حياتك زي اي حد زي ما فيه ناس وحشه فيه ناس حلوه لازم تنسي عشان أما يجيلك شخص مناسب تديله فرصه لكن لو منستيش مش هادي لاي حد فرصه ودي حاجه وحشه وبتمنالك أن يبعد عنك كل شر ويرزق بالزوج الصالح
تم النشر الخميس، ٧ سبتمبر ٢٠٢٣
بجد حسبى الله و نعم الوكيل انا بردو حصل معايا موقف شبة اللى حصل معاكى و بجد نفسيتى تعبت
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا