انا محتاجه دكتور نفساني يساعدني اتخلص من عقدة حياتي انا شبه ميته ارجوكم ساعدوني 💔💔 اعتبروني بنتكم انا بموت كل يوم اكتر من اللي قبله 💔 انا في شخص دخل حياتي دمرها و كل ما باخد قرار اني هبعد بلاقيه بيلعب علي مشاعري و بيخليني ارجع فقراري و يرجع يعاملني وحش و يدمرني تاني و كل ما اتعب جامد و اخد القرار ابعد يتلاعب بمشاعري تاني عشان عارف اني بحبه و مبقدرش ابعد عنه بسهوله فبيخليني ارجع فقراري و مفيش يومين و بيسوء فيها تاني💔💔💔و انا تعبت نفسيا و مش لوحدي انا كل اللي حواليا بقوا متأثرين بيا و شايفني بموت بالبطئ 💔💔
انتي عندك مشكلة اصلا في تقديرك لنفسك ف احترامك لذاتك في الشعور بأهمية كرامتك وقُدسية مشاعرك.... انتي محتاجه توقفي ظلمك لنفسك اولا وتحرريها وتحسي بقيمتها ووقتها كل ده هيتغير.... قربي من ربنا 💙
تم النشر الجمعة، ١٥ سبتمبر ٢٠٢٣
بصي أنا بنت يعني زي زيك وي أي بنت بتحب أن يكون ليها شخص تحبه وى يحبها وى اظن أنتي عارفه كويس اوي أنه مش بيحبك بس بتضحكي على نفسك مش اكتر لان أنتي بتحبي وأنا فهم كل مشاعرك دي بس ده مش حب في مثل او مقولة بتقول :(الحب الحقيقي بيكون بين طرفين بس لو كان بين طرف واحد ده مش حب حقيقي) طول مانتي بتضحكي على نفسك مستحيل تنسي لازم تبعدي عنه على قد ما تقدري ومع الوقت صدقيني هتنسي بس حاولي ........... حاولي عشان تنسي لأنك عامله زي انسان متعلق في خيط زي الشعر بس مهما كان ده خيط وهيجي في يوم ينقطع فبعدي احسن ما ينقطع من الاول لازم تبعدي قبل ما تلاقي هوا اللي بعد وأنتي عمرك ساعتها ما هتنسى لكن لو انت اللي اخذت الخطوه دي مع الوقت هتنسى هتنسي بجد لأنك أنتي اللي اخذتي الخطوه الاولى جربي واعملي له حظر.............. حظر من حياتك كلها وفي مقولة بتقول:(اللي بعيد عن العين بعيد عن القلب) اسمعي مني بجد أنا زى زيك بس أنا عقلي اكبر من سني أنا عندي ١٦سنه بس أنا أعرف حاجات كتير اوي اتمنى تكون فهمتي المعلومه اللي انا عايزه اوصلها لك سلام
تم النشر الخميس، ١٤ سبتمبر ٢٠٢٣
طول ما مشاعرك اقوى من عقلك مفيش حاجة هتتغير انتى سايبة مشاعرك هى اللى تسوق وبتسمعيها اكتر من عقلك تخيلى دايما مشاعرك دى بنت فى مرحلة المراهقة ....والعقل هو الاب والام لو سيبنا البنت دى تخرج وهى لابسه شورت عشان هى مبسوطة كده ...البنت هتضيع حرفيا وبعد مدة قصيرة كل العيلة هتقع فى مصيبة لكن لو الاب والام وقفوا وقفة حازمة وقالوا لا يعنى لا ان شالله يلطشوها قلم عشان تفوق من العك ده ....فالامور اكيد هتاخد مسار مختلف القلم ده مش لازم يبقى مادى ...بس انتى محتاجة تلطشى نفسك قلم معنوى كده قبل ما تلاقي امصيبة والضياع نازل يلطش فيكى اسوأ خسارة هى خسارة الانسان لنفسة ,,,,,,انما اى حد تانى ...والله حتى لو عليه نوتيلا خسارته لا تقارن بخسارتك نفسك ابدا
تم النشر الأربعاء، ١٣ سبتمبر ٢٠٢٣
انا مهما حاولت اعمل موف اون و ابعد بأقل حركه منه او تفكير فيه او ف ازاي كنا كويسين و خططنا لمستقبلنا سوا برجع نقطه الصفر و برجعله تاني 💔💔
تم النشر الخميس، ١٤ سبتمبر ٢٠٢٣
ما هو انتي المفروض تقطعي علاقتك بيه، لان من الواضح انتي السبب ف انك ترجعي له مش هو .. يعني انتي بتسيبي الباب موارب شوية، لو سبتي الباب موارب هيدخل ويتسرسب منه الهواء، بس ساعتها هتيجي وتقولي الهواء دخل ليه وازاي؟ انتي السبب .. انتي اللي سبتيه من الاول. فهماني!
تم النشر الخميس، ١٤ سبتمبر ٢٠٢٣
اقطعي علاقتك نهائي بيه اعملي بلوك ليه من كل حاجه وجمدي قلبك كدا دا اولا قربي من ربنا اكتر وانزلي اشتغلي وخدي كورسات متسبيش نفسك لدماغك وانتي هتتعودي والله اوعي تخلي حد يلعب بمشاعرك ولا بيكي أنتي اغلي من كدا بكتيير
تم النشر الخميس، ١٤ سبتمبر ٢٠٢٣
لازم يكون بداخلك إرادة حازمة وعزيمة قوية وقبل دول الدعاء والاستعانة بالله عزوجل والاعتصام به والاحتماء به أنه سبحانه وتعالى يحميكي منه فالإرادة والعزيمة سببان تعرفي من خلالهم تساعدي نفسك بيهم بعد الدعاء والاستعانة بالله والاعتصام به ومش تسلمي نفسك ليه بسبب أنك عارفه أنه مش صادق وبيلعب على مشاعرك علشان تبقي معاه لازم في مواقف في حياتك تبقي فيها قوية وأقوي من أي شيء في حياتك يسبب ليكي أي متاعب نفسية وغير ذلك امنعي أنه يعرف يوصل ليكي عن طريق تغيير رقم الهاتف ترك أصدقاء ليكي بيوصلك من خلالهم حاولي مش تأذي نفسك بسبب شخص أنتي عارفه عنه أنه بيلعب على أي شيء علشان يقضي وقت فراغه بس معاكي أنتي أهم من يكون شخص زي ده في حياتك كوني قوية أمام أي شيء تمر بيه يسبب ليكي ما ذكرتيه وآسف على الإطالة
تم النشر الخميس، ١٤ سبتمبر ٢٠٢٣
شوفي البوست ده باجاباته .. هو عن ازاي تعملي موف اون من علاقة سامه https://fedni.net/q/23362448/ازاي-ممكن-الانسان-يعمل-move-on وطبعا لو محتاجه نتكلم اكتبيلي بعد ما تقريه.
تم النشر الأربعاء، ١٣ سبتمبر ٢٠٢٣
واستاعينو بصبر والصلاه وشوفي حد قريب منك حد يفهم قلبك ومشاعرك
تم النشر الأربعاء، ١٣ سبتمبر ٢٠٢٣
لعرض السؤال في فدني اضغط هنا