اشعر بالنفور تجاه البنات وده حصل مؤخرا وبعد اكتر من حوار فاشل.. 27سنه وبهرب من كلام واسألة الناس وان صحابي كلهم خطبو وانا لا غير الاهل..
حقيقي بقيت بهرب من السيره دي.. ومبقتش طايق حد يكلمني فيها.. هل في حلول.. او اقتراحات للعلم اني شغال في مكان مفهوش ستاات غالبا صحرا بروح يومين ف الاسبوع يعني فرصي ف التعارف ضعيفه لوحدها
عادي جدا الزواج مش فرض في سن معين حضرتك محتاج تاخد وقتك الكافي للخروج من صدمات التجارب التي فشلت في السابق ادي نفسك فرصتها في الابتعاد شويه ولكن بعقلانيه يعني طبيعي تكون مش طايق السيرة دي حاليا ولكن متخليش نفسك تتمادى في تعميم حكمك على اي تجربة جديدة بالنسبه لكلام الاهل والصحاب كل ال هتعمله انك هتثبت رد واحد للكل بممجرد فتح السيرة دي ويكون رد مهذب ومسكت ويقفل الحوار زي ( انا شايل الموضوع من دماغي حاليا ) ( مش حابب اتكلم في السيرة دي الفترة دي ) ( ياريت محدش يفتح معايا كلام في النقطه دي ) وهكذا مرة على مرة الناس هتعرف وهتسكت وتستلم لرغبتك ولما يجي النصيب ربنا هيشرح صدرك للامر من عنده وهيفتح قلبك من تاني للزوجه المناسبه ولكن انصحك انك تدعي كتير رب اني لما انزلت الي من خير فقير وانصحك كمان متخليش قفلتك من الحاجه الفطريه للزواج دي تطول معاك مدة اكتر من سنه او سنتين بالكتير اوي لان كل ده من عمرك ربنا يقدر لك الخير
تم النشر السبت، ٧ أكتوبر ٢٠٢٣
٢٧سنه مش سن كبير بالعكس خالص والعبره مش بمن سبق حاول أن اسئله الناس دي متحسسكش بالنقص أو اي احساس سلبي غير الدائره المجتمعيه ال انت فيها عندي فكره لذيذه جمعيه رساله فيها انشطه جميله جدا زي مثلا قافلات طبيه أو انشطه اخري بيكون فيها شباب بنات واولاد متشاركين ولذيذين جداا حاول تشارك في الانشطه دي هتكون شخص مختلف خالص وافضل بكتير
تم النشر الأحد، ٨ أكتوبر ٢٠٢٣
حل المشكله دي في انك تدرك ايه بيضايقك منهم اصلا و بعدين تحله و برضو لازم تراجع نفسك لو فيه موضوع قديم مع بنت و ضايقك اقفله
تم النشر الأحد، ٨ أكتوبر ٢٠٢٣
مش نفور ...انت زهقت بس من المواضيع الغير مناسبة اولا خد فترة هدنه راجع معاييرك فى الاختيار راجع الوسط اللى بتختار منه مناسب للمعايير ولا لا لما ترجع للموضوع ابقى خلى فى وسطاء يجيبولك تفاصيل تساعدك انك تتاكد من معاييرك الاول قبل اى خطوة او جرب موقع الصالون ...موقع محترم وعليه ممكن تقابل ولى امر العروسة كمان www.elsalon.net ...متاح ايضا تطبيق للموقع
تم النشر السبت، ٧ أكتوبر ٢٠٢٣
اكيد الحمدلله شكرا
تم النشر السبت، ٧ أكتوبر ٢٠٢٣
وبعدييييين سنك لسه صغير ....يمكن من حظك الحلو حالات الرفض ديه جت لانه مفيش فيهم خير ... رب الخير لا يأتى الا بالخير
تم النشر السبت، ٧ أكتوبر ٢٠٢٣
متركزش... كل حاجه سبحان الله هتيجى فى وقتها وليها معاد.... بدون أى ترتيب او تفكير ... نصيبك هيدركك أينما كنت
تم النشر السبت، ٧ أكتوبر ٢٠٢٣
لعرض السؤال في فدني اضغط هنا