ممكن اكون واعى بظروفى وحالتى ونفسى اكتر... عندى مشكله فى المشاعر لانها طلعت قبل كدا فى المكان الغلط والشخص الغلط وفى وجع فى قلبى لسه... هو عدى سنه بس لسه متأثر بس أنا واعى واعرف معلومات كتير اوى عن نفسى وعن الى حواليا بس التطبيق صعب حاسس ان عقلى فى حته وقلبى فى حتة تانيه
ربما لم تتعاف بشكل صحيح. يعني هل تسمح لنفسك باستعادة الذكريات؟ أو تتواجد في محيط يذكرك بما يؤلمك؟
تم النشر الأحد، ٤ أغسطس ٢٠٢٤
فى البداية كده.انك تكون واعى بنفسك وبالظروف المحيطة بيك ده يوضح انك انسان ناضح . كتير مننا بيمر بمواقف وعلاقات بنتصدم فيها ونلاقى أن الأشخاص دول مش شبهنا وأننا مش متفقين معاهم وده بيولد مشاعر بنحس بيها بتسبب وجع وحزن ونبقى متأثرين بيها جدا. حاول انك الفترة دى تكتب كل اللى بتحس بيه وكل الأفكار اللى جواك. حكم عقلك فى اى تصرف هتعمله وشوف ده هيكون فى مصلحتك وهيضيف ليك ولا لاء الموقف قبل ما تندفع فى اى تعامل فيه خليك مع نفسك شويه وفكر كويس قبل أى قرار لو ليك صديق مقرب أو لايف كوتش اتكلم معاهم وشاركهم افكارك لأن الدعم النفسى مهم جدا اهم حاجه الإرادة علشان تقدر توصل لهدفك .ويكون عندك صبر لأن التغيير بياخد وقت بس مع التأقلم الموضوع هتتعود عليه وهيبقى مختلف
تم النشر الأحد، ٤ أغسطس ٢٠٢٤
السلام عليكم ورحمه الله وبركاته. الوعي مش ضروري يكون وعي عقلي بس الوعي لازم يكون وعي شعوري برده اني اكون عارف انا الشعور ده طالع من جوايا ليه هي ايه الفكره اللي وراه يعني لو انا لسه رغم انه الموقف خلص الا اني لسه حاسس بالوجع طب الوجع ايه الفكره اللي وراك الوجع ده ممكن علشان انا ما كنتش متوقع ان ده يحصل فيبقى الوجع جاي من التوقع هو ده الوعي بقى ان انا اكون واعي انه لسه انا عندي خلل في مساله التوقع والصاده بتاعها كبير جدا واكون واعي ان الصدا بتاعها لسه ما خلصش واحترم ده في نفسي يعني احترم انه انا شخصيتي ومشاعري ونفسيتي لسه بيتردد جواها الوجع ده بسبب انه انا توقعي كان كبير. فوعي هيسمح لي ان انا اتحمل الفتره بتاعه التعافي واكون مدركها وما نكرههاش على نفسي.
تم النشر الأحد، ٤ أغسطس ٢٠٢٤
أهلاً بيك! أول حاجة، أنا معاك وأفهم مشاعرك. فعلاً، الوعي بالنفس وبالظروف حاجة مهمة، لكن مش دايمًا سهل نطبق الكلام ده في حياتنا. أنت قاعد في نص المعركة، لأنك واعي لمشاعرك وتجاربك، بس كمان لازم تتقبل الألم اللي جالك بسبب التجارب الماضية. حاسس إن قلبك وعقلك مش متوافقين، وده طبيعي بعد تجربة صعبة. ممكن تبدأ بشوية خطوات بسيطة: التقبل: حاول تتقبل مشاعرك بدون ما تحكم عليها. خذ لحظة مع نفسك وفكر في اللي حاسيه واسمح لنفسك تحس بالوجع. التعبير عن المشاعر: جرب تكتب في يومياتك عن مشاعرك، أو حتى تتكلم مع شخص تثق بيه. التعبير عن المشاعر يمكن يساعدك تتخلص من شوية من الحمل. التمارين الذهنية: حاول تمارس تمارين التركيز أو التأمل، عشان تعيد توصيل عقلك بقلبك. يمكن يساعدك على الاسترخاء وفهم مشاعرك بشكل أعمق. الخطوات الصغيرة: خذ خطوات بسيطة تتجه فيها لمستقبل أحسن. سواء كنت تحب تتعلم حاجة جديدة أو تطلع مع صحابك، كل خطوة تقلل من الحمل اللي حاسه. لا تنسَ إنه شفاء النفس بياخد وقت، ولكن مع الوعي والإرادة، تقدر توصل لمرحلة أفضل. أنا هنا لو كنت محتاج أي مساعدة أو نصائح أكتر.
تم النشر الأحد، ٤ أغسطس ٢٠٢٤
ربنا يعوضك خير ويفرحك ويريح قلبك ويكتبلك اللي في الخير
تم النشر الأحد، ٤ أغسطس ٢٠٢٤
لعرض السؤال في فدني اضغط هنا