انا اسمي سدين بنت عندها 16 سنه بس من زمان لما بلاقي حد بيحبني بحب اكسب اهتمامو اكتر واخليه يشفق عليا فا كنت بخترع مشاكل مش حقيقه في حياتي عشان اصعب عليه من 5 شهور عرفت شلة صحاب وحبيتهم اوي كنا ولاد وبنات في الصيف كنا كل يوم مع بعض وكده خلصت الأجازه وبقينا بنتقابل خميس وجمعه بس المهم من كام يوم كده انا كذبت عليهم وقولت انو ابويا كان بيعذبني وحوارات من دي فا هما اتعاطفو معايا حصل من يوم بقى اني كذبت عليهم وقولت كمان ان امي غلطت مع واحد غير الي كنت عايشه معاه وخلفتني وقولت ان ابو اخواتي جاي من السعودية كمان اسبوع ورافض وجودي فا ماما قررت انها توديني شقه في ميامي الشقه دي مفهاش اكل ولا ميه ولا نور ولا اي حاجه جيت بليل قالو يوصلوني انا كده اتزنقت زنقة كلاب فا قولت لا انا خايفه وقعدت اعيط واعيططط والحوار ده وصل لأختي الكبيره وخسرت صحابي لماعرفو اني كدابه وبحاول اكلمهم كلهم رافضين ده انتو رأيكو اعمل اي
انسى بقى صحابك دول دلوقتى انتى عندك مشكله حبيبتى محتاجة تتعالج الاول وبعدها ارجعى لاصحابك دول او غيرهم شوفى ايه اللى منقصلك الاهتمام فى حياتك؟ ...ومن امتى انتى مدمنه الكذب والتأليف ده ؟
تم النشر السبت، ٢٨ أكتوبر ٢٠٢٣
بصي انتي ناقصك اهتمام من أهلك وده هو السبب انك بدوري عليها في اي حد فا انتي عملتي كده عشان عايزه اهتمام ومن رائي انك تروحي تقولي لصحابك انك مكنش قصدك كذب أو حاجه كل الموضوع أنه نقص اهتمام
تم النشر السبت، ٢٨ أكتوبر ٢٠٢٣
اهم شيء في. كلامك دا هو انك تعرفي انك مريضه ولازم تتعالجي دا مرض عندك سيبك من جوا الصحاب دا الموضوع ليه بعد اكبر من كده وانتي في بداية كلامك اعترفتي بمرضك اعتراف ضمني فنرجو منك عرض نفسك علي طبيب لكي يشخص حالتك ونسأل الله الشفاء لك 🌸🤲
تم النشر الأحد، ٢٩ أكتوبر ٢٠٢٣
حطى ف بالك أن الكذب مهما طال هيجى يوم ويتكشف وأنه صفه مش حلوه خالص حاولى تكلميهم وتشرحى موقفك انتى عاوزه اهتمام وتعاطف من الناس بس احنا ممكن ناخد اهتمام من أصحابنا من غير منعيش دور الضحيه وأننا التعامل معانا مش كويس حاولى تصححى غلطك وان شاء الله يسامحوكى هو هياخد وقت معاكى شويه وكمان عشان يوقفوا فيكى تانى بس حاولى وبجد وحاولى تشيلى حته الكذب دى
تم النشر السبت، ٢٨ أكتوبر ٢٠٢٣
مكنش لازم تكذبي من البداية ولازم تعرفي ان الكدب من اقبح الاخلاق والصفات التي يمكن ان يتصف بها الشخص
تم النشر السبت، ٢٨ أكتوبر ٢٠٢٣
انتي بتحبي الناس تستعطف معاكي تمام لكن مجاش في بالك انتي ممكن بكدا تخسربهم ممكن نقول مجاش في بالك حاولي تخليهم يسامحوكي واشرحيلهم شعورك انتي اكيد مفتقده حاجه او بتحسي ان ناقصك حاجه ف عايزه الكل يكون معاكي ومهتم بيكي ف دخلتي بحوارات وحجات عشان تلفتي نظرهم ليكي دوري الاول جوالي اي ال ناقصك ممكن يكون عدم اهتمام حد بيكي وانتي عايزه كدا وصعب تلاقي اهتمام من حد ف اهتمي انتي بنفسك وخلي عندك ثقه ومتكذبيش لأنك بتحطي نفسك في موقف صعب وبتحسي بإحراج وانك مش قادره تبصي للشخص ال قدامك ف متحطيش نفسك في موقف زي كدا دي كانت غلطه واحنا بشر نغلط ونتعلم من غلطنا ولو كررتي الغلط متلميش الا نفسك لازم نتعلم من أخطأنا ومنقعش فيها تاني ف انتي اعتذري ومتكررهاش لا معاهم ولا مع غيرهم ولا مع نفسك حتى خليكي بطبيعتك وهتحبي نفسك وتقبليها ودوري ع السبب ال بيخليني تكذبي بالشكل الافر دا وهتلاقي حل لي ان شاء شاء
تم النشر السبت، ٢٨ أكتوبر ٢٠٢٣
عندك مشكله في نقص الاهتمام فا تبغي تكوني محور التعاطف للناس
تم النشر الأحد، ٢٩ أكتوبر ٢٠٢٣
لعرض السؤال في فدني اضغط هنا