انا 18سنه انا فضولي اوي بذات في حوار الجن الحاجات المشبه لدي وي اللي كان بي يثير فضولي اوي الافلام و المسلسلات اللي كان ليها عبرة عن الحاجات دي علشان هم كان بي يبلغو في مونتاج اللي في الفلم او المسلسل لو لي علاقة بي الجن فجت في مره لقيت حد من اهل صحابي ملبوس واهلو كانو هيجيبو حد علشان يخرج الجن من الشخص ده وانا علشان كنت عايز اشوف الحوار علي الحقيقه مش فرجه علي حاجه حضرت الجالسه دي اول يم الشيخ بدا جسمي اتنفض وحسيت برعشه كدة المهم اني محصلش اللي كان بيحصل في الافلام و المسلسلات طلع حاجات بسيطه بس تخوف سيكه وفي نص الجالسه كدة لقيت الشيخ مره وحده قعد يزعق ويقلهم اني اطلع بره علشان نجمي خفيف وبتاع انا مفهمتش بس كنت خايف ومن سعت مرجعت وانا تفكيري ليه طلعني بره معني كنت خايف بس تعمقت بي زياده في الحوار ده وعرفت حاجات كتيره عن الجن و القرين ++اني كمان مش بصلي اعتبر خالص ومش بقراءة قران ولا حفظ غير كام حاجه قليله كمان اني الاول مكنتش بخاف من القعد في البيت لوحدي حته لو في الضلمه وحلين انا مش عارف ولا انام ولا اقعد في مكان لوحدي ودايما وانا داخل انام ببقي عندي احساس ان في حد حواليه وسالت شيخ عندنا قلي صلي وقراء قران وبعد مابقيت بصلي متقطع وبقراء وانا لسه خايف وبقيت مش عارف انام النوم العميق نومي بقي نوم قلق لو حد عندو حل او نصيحه يقول وشكرا
شيل من دماغك إن هما ليهم تحكم في حاجة بعينها من غير ربنا ما بيكون أذن، ربنا لما بيأمر حاجة حتي الشياطين بتطيعه، ف لو حصلك حاجة بيبقي قدر ربنا مقدره لك جايز تتعلم بيه حاجة لسة متعلمتهاش، مثلا إنك تبطل تفكر في الحاجات إللي مش هتفيدك وتقرب من ربنا وجايز دي خطوة تخليك تصلي بما إنك قولت مش بتصلي، ف قبل ما تنام حط ف دماغك إن "والله خير حافظا وهو أرحم الراحمين" و "ما هم بضارين به من أحد إلا بإذن الله" وأقرأ عن قصة سيدنا موسي وسحرة فرعون وإن كيدهم مغلبش إللي ربنا معاه هتلاقيها في سورة طه والقصص وسور تانية كتير، أبدا بس تمعن القرآن وأعرف إنك أقوي بدليل أنه في أوقات جن عادي كتير حوالينا ومبيعملناش حاجة حتي لو كنت أية وعادة بجد إللي يخاف من العفريت يطلعله، والشيطان فعلا كيده ضعيف في الأخر متحضرش عفريت مش عارف تصرفه وأقرأ حاجة مفيدة تنفعك مش الكلام إللي ملوش فايدة دة واستبدل المسلسلات دي بمسلسلات وأفلام وثائقية أو حتي كارتون أفيد كتير من النوع دة من الأعمال
تم النشر الأحد، ١ أكتوبر ٢٠٢٣
داوم على قراءة آية الكرسي ثلاث مرات قبل النوم، ونوم على الوضوء، و اثبت على صلاتك وأذكار بعده وقراءتك القرآن. و انسى موضوع الجن و اعلم أن للجن خالق، ألا و هو اللهﷻ، و الجن لا يضرك إلا بإذن الله.
تم النشر الأحد، ١ أكتوبر ٢٠٢٣
لا اعرف معنى نجم خفيف اتمنى حد يفيدك وانصحك تبتعد عن هذه الخزعبلات لانه الجن لا يستطيع تلبس الانسان وسمعته من شيخ
تم النشر الاثنين، ٢ أكتوبر ٢٠٢٣
في البداية حضررتك الجن خلق الله تعالى كمثلنا نحن ف بعض الأشياء واجبة عليك مثل الصلاة انت لا تُصليها وبعض الأشياء يجب أنك كمُسلم أن تواظب عليها وليس خيِفة من الجن وإنما هي عبادات مثل قراءة القرآن وأذكار الصباح والمساء ذِكر الله والصلاة على وقتها ف الحبل والصِلة اللتى بينك وبين الله قد قطعتها بنفسك ف هنا يأتي قول الله تعالى {وَمَنۡ أَعۡرَضَ عَن ذِكۡرِي فَإِنَّ لَهُۥ مَعِيشَةٗ ضَنكٗا وَنَحۡشُرُهُۥ يَوۡمَ ٱلۡقِيَٰمَةِ أَعۡمَىٰ} طه : 124 فالحل هُنا أن تلتزم بصلاتك و وِردك اليومي وليس خِفة من الجن وإنما عبادة و طلب رضا الله عز وجل وأعلم يا صديقى إذا كان الله معك فمن عليك إذا !!؟ ومثالا على هذا أُبي بن كعب رضي الله عنه عندما جاه جن وعلى شكل إنسان ف مسك يده و وجدها يد حمار قال ما أنت قال أنا جني فقال أهكذا خلقكم قال نعم وبعدها أكمل أُبي بن كعب حياته بدون خوف او مشكلة وجزاك الله كل خير
تم النشر الاثنين، ٢ أكتوبر ٢٠٢٣
أنا زيك بالظبط وفضولية وممكن فضولى ده يعملى مشكلة ،المهم أنا شبهك بالظبط بس إختلاف فى الأحداث إنى عرفت الموضوع ده وبحثت فيه بسبب حد من أقاريبى عنده مشكلة بسبب السحر فدأت أبحث وأشوف عشان أقدر أساعدهم وكنت بعرف أنام عادى وكل حاجة عادى ،بس اللى خلانى بدأت أخاف إنى إتفرجت على فيلم رعب بس مش رعب أوفر بس فيلم تحس أحداثه واقعية وده اللى خلانى أتأثر ومش عارفة أنام لدرجة إنى بقيت بكره الليل وبخاف أنام بليل وبنام الصبح ولازم يكون حد صاحى فى نفس الأوضة اللى أنا نايمة فيها ولازم أشغل قرأن جمبى على سورة البقرة، ونفسيتي تعبت أوى لدرجة كرهت البلد اللى معمولة فيها الفيلم ولغتهم ولو قاعدة فى أوضة لازم أشغل النور كله ،وبسبب الموقف ده رجعت أصلى تانى بعد ماقعدت فترة مش بصلى وحسيت بنعم أنا كنت غافلة عنها اللى هما أهلى كنت ممكن أقعد لوحدى عادى من غيرهم بس بقيت بحس بقيمتهم ،اللموضوع ده كان حاصل من شهر ٧ ،اللى خالنى أتحسن شوية إنى كنت بقرأ كل شوية سورة البقرة وأنتظم فى الصلاة بالذات صلاة الفجر وقيام الليل وبقيت بصلى عادى حتى لو مفيش حد من أهلى صاحى ،وبقيت بحب أشغل قرأن كل شوية مع إنى كنت بسمعه عادى قبل اللى حصل بس مكنتش بشغل قرأن أوى ،وعرفت قيمة الأذكار اللى كنا بنقولها مع إنى بردوه مكنتش بقرأ أوى ،الأهم عشان ترتاح من اللى إنت فيه إبعد عن الموضوع ده خالص أو أى حاجة توصلك بيه وإشغل نفسك بحاجة تانية ومتوهمش نفسك بحاجة بخصوص الموضوع ده ،وإنتظم فى صلاتك بالذات صلاة الفجر وقيام الليل فيهم راحة نفسية جميلة وأهم حاجة وإنت بتصليهم متحطش حاجة فى دماغك وركز فى الصلاة ،وإقرأ سورة البقرة على حسب قدرتك فى القراءة لو مش هتقدر تقرأ مرة واحدة ممكن تقسمها على حسب ظروفك، وإلتزم بالاذكار لأنها مهمة جدا ،وحاجة كمان مهمة مفيش نتيجة بتيجى من أول مرة لازم تلتزم فى اللى بتعمله عشان تحس بالنتيجة، وشغل قرأن ،وأهم حاجة تواجه خوفك عشان لو فضلت خايف هتتتعب ،وفى حاجة كمان الشيطان أو الجن بيحب يشوف الإنسان خايف وبيستغل ضعفك ده لإثارة الخوف والفزع جواك ، وأفتكر كمان إنهم أضعف من كده، وفى فيديو شفته صدفه لشيخ إسمه حازم شومان بيحكى إن صديق ليه كان قاعد فى شقة والنور قطع وفجأة ظهر جن ليه فصديقه مهتمش بيه وراح رجع النور ونام تانى وصديقه قاله إنه قارئ أذكار النوم وأية الكرسى اللى بتحميه منهم فمهتمش باللى ظهره ، الخلاصة إنك تقول أذكارك ومتهتمش بيهم لأن كلام ربنا بيحميك من شرهم بإذن الله، أنا الحمد الله دلوقتى بقيت كويسة عن الأول بكتير مكنتش كده خلاص بس حاولت أواجه مشكلتي وألتزم باللى قولتلك عليه وكمان سعات بحس بخوف بس مش زى الأول ،واخر حاجة إتحكم فى فضولك وإدعى ربنا يحميك إنت وأهلك من شرهم،وأنا أسفة جدا على الإطالة بس حبيت أقولك على تجربة مشابة ليك وإزاى إتغلبت عليها.
تم النشر الثلاثاء، ٣ أكتوبر ٢٠٢٣
مفيش اكتر من انك تتعرف على ربنا اكتر وعلى قدرته وعلى ضعفك قصاد قدرة ربنا وعلى ضعف كل المخلوقات قصاد قدرة ربنا افهم تفسير ومعنى ادعية الاذكار اللى بتحصنك من شرور اى شىء خلقة ربنا ربنا بما نزل اول كلمة فى القرأن ( اقرأ ) كانت لهدف عظيم .....انك لو مقرأتش فى كل شىء هتكون ضعيف واول حاجة بعد اقرأ ( باسم ربك الذى خلق ) نصيحتى ليك ...اقرأ وتعرف على خالقك هو اولى بالمعرفه قبل اى شىء اخر مخلوق
تم النشر الاثنين، ٢ أكتوبر ٢٠٢٣
كنت بخاف جدا من الجن والحاجات دي المهم أن واحده صاحبتي قالتلي أن احنا اقوى منهم بكتير قوي نفسك بالجمله دي واقرأ الاذكار قبل ما تنام وادعي دعاء النوم وسلم أمرك لله ونام
تم النشر الاثنين، ٢ أكتوبر ٢٠٢٣
اشغل وقتك ب حاجه تانيه عشان نفسيتك متتعبش انا كنت زيك كده زمان وضيعت وقت كبير ف المكان الغلط
تم النشر الاثنين، ٢ أكتوبر ٢٠٢٣
قال النبي ﷺ من قال حين يصبح: "بسم الله الذي لا يضر مع اسمه شيء في الأرض ولا في السماء وهو السميع العليم" ثلاث مرات لم يصبه شيء حتى يمسي ومن قالهن ثلاث مرات حين يمسي لم يصبه شيء حتى يصبح. انتهى أو كما قال ﷺ. ولكن اسمحلي كيف ترضى لنفسك بمثل هذا فحياة بلا صلاة ولا قراءة قرآن كميت بلا قبر وعما قليل ستدفع إلى قبرك. قال الله تعالى ( ومن أعرض عن ذكري فإن له معيشة ضنكا، ونحشره يوم القيامة أعمى ) فاتق الله في نفسك وعد إلى رشدك واعزم النية على ألا تترك فرضا من الآن فصاعدا وأن تعود تدريجيا لتقراء من كتاب الله ولو الشيء اليسير، وأما ما ذكرت من قول الشيخ لك فدعك منه ولا يضيرك ذلك، ولا عليك من الظلام أو الوحدة فإنك لا تضر ولا يصيبك شيء إلا بإذن الله وحده، يا غلام اني اعملك كلمات احفظ الله يحفظك، احفظ الله تجده تجاهك، ولعل سبب هذا الذعر والخوف هي نفسك فقط، لذهاب الطمئنينة منها لأنك معرض عن ذكر الله وقد قال جل جلاله ( الذين ءامنوا وتطمئن قلوبهم بذكر الله، ألا بذكر الله تطمئن القلوب ) فبذكرك ربك يطمئن قلبك وتسكن نفسك والضد بالضد يحصل.
تم النشر الأحد، ١ أكتوبر ٢٠٢٣
الف لا بأس عليك إن شاء الله
تم النشر الأحد، ١ أكتوبر ٢٠٢٣
لعرض السؤال في فدني اضغط هنا