أؤمن جدا بأهمية القراءة وفوائدها ولكن ليس عندي خلق واسع لها
قرأت عدد بسيط من الروايات ولكن لا يجذبني الا القراءة في المواضيع المكتوبة بشكل مشوق جدا جدا
كيف استطيع ان اقرأ بشغف
ابدأي بقراءة الكتب اللي انتِ مهتمة بيها، واللي قراتها نوعا ما تجذبك. لو انتِ مهتمة بمجال معين على سبيل المثال علم النفس، ابدأي اتعرفي على الكُتاب اللي بتكتب في المجال ده وابحثي عنهم، وشوفي الكتب اللي كتبوها، وممكن تقرأي مقتطفات عنها، بحيث اختيار الكتاب يكون بعناية علشان تبقي متأكدة من انك هتقرأيه. كمان في حاجة لطيفة جدا وهي الملخصات والكتب المسموعة، وده خيار كويس جدا، لو فيه كتاب انتي مهتمة بقراءته تقدري تشوفي ملخص عنه في قنوات على اليوتيوب مهتمة بالشأن ده، وكمان تقدري تسمعيه كله صوتي.
تم النشر الجمعة، ١٩ أغسطس ٢٠٢٢
اقرا في المجال الي بتحبه ممكن تسمع كتب صوتيه لو ملكش في القراءة اوجد لنفسك هدف من القراءة علشان تستمر عليه متقرئش حاجة أنت مش حاببها أو مش فاهم فيها ممكن تقرأ الفهرس وتشوف ايه اكتر المواضيع المهتم بيها
تم النشر الثلاثاء، ٦ ديسمبر ٢٠٢٢
هتحتاجى تركزى مع الكاتب اللى بيسرد بطريقة مشوقة ...اللى يعجبك طريقته ومشوقه ليكى هتقدرى تقرأى الكتب بتاعته بشكل غير ممل كل مجال هتلاقى فيه كاتب بشكل مشوق او ساخر او بشكل روائى ( اقرأى مقتطفات لاكثر من حد واللى يعجبك اسلوبة هو ده اللى هيناسبك ويساعدك تستفيدى بالشكل اللى يطول بالك اوى)
تم النشر الاثنين، ٥ ديسمبر ٢٠٢٢
الاول ممكن تحدد انت حابب تقرأ في مجالات ايه بالظبط وبعدها تبحث عن افضل او اشهر كتب في المجال دة وتبدأ تقرأ فيها .. قرائتك المستمرة هتعودك عليها وهتحببك فيها ومع الوقت هتبدأ تغامر وتقرا كتب جديدة ومش دماغك مثلا من اشهر روايات الفانتازيا هي سلسلة هاري بوتر مثلا ومشوقة جدا فممكن تبدأ بيها وهكذا
تم النشر الثلاثاء، ٦ ديسمبر ٢٠٢٢
لعرض السؤال في فدني اضغط هنا