السلام عليكم ورحمة الله
لو سمحتم أنا شغال في محافظة غير محافظتي وفي مهنة غير مهنتى بس المشكلة أطفالي متضررين من عدم وجودي وبيسألوا عليا كتير.
بقعد أسبوعين في الشغل وأرجع إجازة ٤ أيام بس فهل أترك الشغل وأشوف شغل قريب منهم ولا طالما الشغل الحالي موفي احتياجات بيتى ماديا أكمل فيه مع مراعاة وضع وظروف البلد وشكرا
قبل ما تسيب الشغل دور علي شغل ف بلدك الاول ويكون مناسب معاك وروحو علشان تبقي جمب عيالك وميتعوضوش علي بعادك علي طول تبقا دائما معاهم وان شاء خيرر وادعي لربنا وصلي قيام الليل انك تلاقي شغل بسهوله وربنا ييسرك الأمور دي ربنا يوفقكم ويسعدكم يارب
تم النشر الاثنين، ٢٥ نوفمبر ٢٠٢٤
أرشح لك أن تبحث عن عمل آخر بدخل وظروف يناسبانك قبل أن تفكر في التخلي عن وظيفتك الحالية ومصدر دخلك الوحيد. لا منطق في أن تحل مشكلة بمشكلة أكبر. في الوقت الراهن حاول إقناع أسرتك بأن آلاف المصريين يعملون في الخارج ولا يرون أسرهم إلا بضع أسابيع في صيف كل عام، حتى تتدبر عملا جديد لا تتنازل فيه عن مستوى الدخل ويكون أقرب من حيث المسافة، وربما يكون في مجال عملك الأصلي.
تم النشر الأحد، ٢٤ نوفمبر ٢٠٢٤
وعليكم السلام ورحمة الله وبركاته. أشعر بمعاناتك وأفهم أهمية وجودك بجانب أطفالك، فالأب يلعب دوراً مهماً في حياتهم وتربيتهم. من الجيد أن تكون لديك أولويات تجاههم، ولكن عليك أيضاً مراعاة احتياجات الأسرة المالية. إليك بعض النقاط التي قد تساعدك في اتخاذ القرار: التوازن بين العمل والأسرة : حاول تقييم مدى تأثير غيابك على أطفالك. إذا كانوا يعانون نفسياً أو عاطفياً، قد يكون من الأفضل البحث عن عمل أقرب ليكون لديك فرصة أكبر للبقاء معهم. توفير الاحتياجات المالية : إذا كان العمل الحالي يفي باحتياجاتك المادية بشكل جيد، يجب أن تقيم كيف يمكنك تحقيق التوازن. هل يمكنك توفير احتياجات الأسرة من خلال فرصة عمل أخرى؟ التفكير في المستقبل : هل لاحظت فرص عمل محتملة بالقرب من عائلتك؟ إذا كانت الفرص غير متاحة، قد تضطر للاستمرار في العمل الحالي حتى تجد شيئاً مناسباً. الصبر والتخطيط : إذا اخترت البقاء في عملك الحالي، ضع خطة للبحث عن وظيفة أخرى في الوقت المناسب، وحاول أن تستثمر الوقت الذي تقضيه معهم إلى أقصى حد. التواصل مع أطفالك : لا تتردد في أن تتحدث معهم وتوضح لهم سبب عملك بعيداً. فالتواصل الجيد يمكن أن يساعد في تقليل مشاعر الفراغ لديهم. في النهاية، القرار يرجع إليك. استمع إلى قلبك وعقلك، وابتغِ ما يحقق التوازن بين مسؤولياتك العائلية واحتياجات الأسرة. أتمنى لك التوفيق في اتخاذ القرار الأفضل.
تم النشر الأحد، ٢٤ نوفمبر ٢٠٢٤
السلام عليكم و رحمة اللّٰه و بركاته مش همشي على رأيي الشخصي و لكن همشي مع حضرتك بالمنطق و الي المفروض يتعمل أكيد اطفالك محتاجينك جمبهم اكتر من كدا و بردو ف نفس الوقت مهنه ذي دي بتوفي احتياجتهم صعب تتساب ف يستحسن متتركش مهنتك غير لما تلاقي مهنه بديله و تسأل عنها و تكون متأكد إنها كويسه ذي مهنتك الأساسيه او احسن عشان متكونش خسرت مهنتك ، و الأفضل طبعاً قبل متاخد قرار مهم ذي دا تصلي استخاره و ربنا هيقدرلك الي فيه الخير
تم النشر الاثنين، ٢٥ نوفمبر ٢٠٢٤
والله لو فى شغل فى محافظتك وفى نفس مهنتك يبقى تمام على الاقل هتكون مبسوط اكتر/ لو مافيش يبقى اعانك الله واستمر بس تحاول تعوض غيابك بالتواصل المستمر قدر الامكان وال٤ ايام اللى بتقعد معاهم تستغلهم صح بمعنى انك تطمن على احوالهم وتجالسهم وتحسسهم بوجودك ( وبلاش تعمل زى ناس تانيه تعتبرهم اجازه وتروح تنام فيهم ومش تستل فى العيال)/بالتوفيق.
تم النشر الأحد، ٢٤ نوفمبر ٢٠٢٤
صدقني محدش ضامن عمره مش هينفعك الشغل لو لا قدر الله حصلك حاجة و عيالك بعيد عنك أو أنهم يقولوا بابا ميلاقهوش و هو عايش جزمتك برا عندهم بكل فلوس الدنيا و والله رزقك محدش هياخد غيرك فاطمئن و جرب تدور علي شغل كويس و تخلص النية لله جمب بيتك و لما تلاقي سيب اللي هناك لكن متسبش اللي هناك غير لما تحط رجلك لمكان تاني و ربنا يباركلك فيهم و يجعلهم قرة أعين ليك يارب العالمين
تم النشر الأحد، ٢٤ نوفمبر ٢٠٢٤
ملكش دعوة بوضع و ظروف البلد ، ليك وضعك وظروفك و أسرتك ، اعمل الأصلح ليهم اما البلد فهي باقية بعدي و بعدك و موجودة من قبلنا و هتفضل بمشيئة الرحمن من بعدنا ، عيالك محتاجينك قوي و هما موجودين و انت بصحتك و قادر علي تربيتهم ، مش هتصدق كم الخلفة اللي تعر اللي بشوفها يوميا بسبب ناس بتخلف و ترمي ، مش فاضية تربي ، الام لوحدها مش هتطلع رجالة و لو حصل بتبقي حالة وسط 100 حالة الاب دوره اساسي في التربية فلو الشغل القريب منهم فرقه المادي هيبقي قليل ماشي او لو ربنا كرمك و لقيت حاجه في تخصصك يبقي خير و بركة او في غير التخصص و قريبة بنفس الأجر يبقي برضه اتوكل علي الله بس اوعي تسيب عصفور في اليد و تتعلق باللي علي الشجرة ، يعني اتأكد ان الشغل انة التانية مضمونة و سالكة قبل ما تسيب الشغل الاولاني عيالك ليهم حق عليك و كمان بدنك ليه حق عليك الفلوس مبتعملش رجالة ، الدين و التربية بيعملوا .
تم النشر الأحد، ٢٤ نوفمبر ٢٠٢٤
لاء خليك ف شغلك لانو فعلا الحياة صعبة و محدش لاقي شغل ما دام كمان انو الشغل دا مكفي أهل بيتك و حاول تنزل إجازة كل فترة تشوف عيالك هما هيتعودا علي النظام دا بس فعلا متسبش شغلك
تم النشر الأحد، ٢٤ نوفمبر ٢٠٢٤
لعرض السؤال في فدني اضغط هنا