السلام عليكم ورحمه الله وبركاته. طيب انت عرفتي ان انت ظلمتي نفسك انت عرفتي انك حسبتي حسبة غلط انت اتنازلتي لبني ادم ولكن افتكرتي ان التنازل ده لربنا لكن التنازل ده مش لربنا لانه الراجل ده ما عملش اي حاجه بتراعي ربنا او في اتجاه الشرع. هتعملي ايه؟ طبعا ما تسيبيش حقك ده اولا انا مش عارفه اذا كان الجواز ده كان بعلم اهلك ولا لا لو الجواز ده ما كانش بعلم اهلك لازم تعرفي أهلك لو ما عرفتيش اهلك او ما حدش واقف جنبك ضروري جدا تستعيني بمحامي ياخذ لك حقك من الراجل ده ترفعي عليه نفقه ترفعي عليه هجر لان هو مش بيجيلك الا أوقات قليله، ما فيش حاجه اسمها انك تتنازلي عن مؤخرك كمان ده حقك. لو بدأ الموضوع يبقى فيه نوع من أنواع الأذى، لأن طبعا راجل زي ده وخدعة زي اللي خدعها لك دي وكمان عاوز يسيبك بعد أسبوعين ممكن يسيبك معلقة لا منك متجوزه ولا منك مطلقه فلو حصل حاجه زي دي. فخليني اقول لك انا نصيحتي الشخصيه انك تنجي بنفسك يعني انجي بنفسك من الورطه دي واخلعيه لكن ما تطلقيش بتنازل لا اعملي خلع من من الراجل ده، ابدأي حياتك بس اتعلمي من الدرس ده هتقولي لي انه بعد ما خلاص بقيت دلوقتي مطلقه وكذا وكذا مش مشكله خالص مش مهم خالص احنا هنبدأ منين حياتنا من الاول المهم نبدأ المهم نبدا ثاني وطول ما احنا عايشين ممكن نبدأ تاني لانه احنا مطلوب مننا في حياتنا كلها ان احنا نسعى بس ولو غلطنا غلطه نتعلم منها ونبدأ تاني بس واحنا فاهمين كويس قوي الغلطه متعلمين منها امم ما تزعليش من نفسك وما تزعليش من... زي ما هتقولي لنفسك زعلانه من الدنيا وزعلانه من اللي حصل فيا وانا ليه يحصل فيا كده لا لا.
الجواز كان بعلم اهلي طبعا وكانوا رافضين ولكني اتخدعت وقولتلهم انه كويس وحاولت اقنعهم ولانهم غصبوني قبل كده خافوا يجبرو ني علي حاجه تاني وهو وعدني قالي انه لازم يثبت لهم اني اخترت صح وانهم يطمنو
تم النشر الاثنين، ٢٠ يناير ٢٠٢٥
لعرض الإجابة في فدني اضغط هنا