أنا هدخل فالمشكلة علي طول أنا وآحده فسن المراهقه يعني فالنص كدا والحقيقه الموضوع الي هقول عليه ده مش من قريب لا من زمان وكل مره كنت بتضايق بس المرادي بجد تعبت ماما طريقتها شديده جدا يعني ممكن ممكن تكون اشد من كل الامهات بذات فده هي مش وحشه بس تيجي فحاجات بجد بعجز إني أتكلم معاها فيها أصلا الموضوع إنها دايما شكه فيا معرفش بقي اسمو خوف ولا حب ولا عدم ثقة ولا ايه بظبط بس دايما كدا عليها طريقه بتتكلم معايا بيها الهو ممكن بهزار تعد تسألني لو عارفة حد أو حاجه مخبياها هعمل فيكي والخ.. وبتاع والمشكله انو أختي كمان فالموضوع ده هما معتمدين علي بعض اختي أكبر مني بتسع سنين والمشكله الاكبر هي بجد فيها بقي هي و تصرفاتها الكتير ساعات تختبرني مرا بتقولي :في حد كلمك إمبارح ونا رديت وقالي انو عايزك ،فقولتلها مين ونا مش فاهمه وهي عماله تألف فحاجات وتعد تتكلم كدا معايا بطريقه الهو في حاجه مخبياها او حاجه كدا ونا بكره كدا وساعات بجد من كتر منا بكره كدا بعيط بس مش بقولها حاجه مثلا ماما مرة دخلت عليا الصالون وكنت بكلم صاحبتي والحوار ده كام من حوالي سنه كداكان الوقت متأخر وقفلت معاها قعدت بقي تقولي آنتي كنتي بتتكلمي مع مين وبتاع وخدت الموبايل مني وشافته معلي متأكدت اليوم ده بجد اتضايقت كدا طريقتي حتي كان باين عليها إني مضايقه منها ولما اتكلمت معايا بدأت أقول وكانت أول مره أتكلم فالحوار ده قالتلي بقي ده عادي انا مش بعمل معاكي الهو إيه وبأفور يعني وارخم عليكي أنا سايباكى علي مهلك خالص وبتاع واليوم عدا وبتاع بس للأسف المشكله بردو لسه مخلصتش لدرجة اني انهارده وصلت بيهم الدرجة مره واحدة كدا الاقيهم يفتشوا ورايا وفاتحين الانستجرام وكان الموبايل مفتوح تقريبا ونا كنت عاملة اكونت فيك كدا باسم ولد وعملت فولو لناس كتير عشان يبان حقيقي يعني من غير سبب كدا حاجه هبله يعني وجمع followers وبتاع ومنهم ولاد كتير وده مكانش هدفي يعني بس ما علينا اختي شافته انهارده وماما كانت جمبها ونا معرفش هي ممكن دلوقتي تكون فكرت فأيه أنا الموضوع ده بقالي عليه من كتير اوي يجماعه ونا زهقت والله العظيم ممكن فالدراسه الموضوع يهدي بس للأسف فالاجازه بييركذوا معايا اوي مع إني بحسسهم كتير إني مش مرتبطة ولا عارفه حد ولا مخبيه حاجه بس هما بردو شاكين ونا والله حتي مش قادره أتكلم معاهم بقيت أحس انى زهقت وتعبت منهم مع إنها مش بتعمل مع أخويا نص الي بتعملوا معايا اقسم بالله ومش عايزه افتح الحوار عايزاهم يبطلوا وبس أنا ممكن آه اهزر معاهم فالكلام مثلا منبه يرن او حاحه يفتكروه موبايل يعدوا يسألوا ونا مبحبش كدا فقول حبيبي ونا بكل ثقة أقولها بهزار بس اكتشفت فعلا انو هما بيتأثروا ويخدوا الموضوع بجد أنا أسفه طولت عليكوا بس فعلا مش قادره استني معلي مفتره مراهقتي تخلص عشان يثقوا فيا أنا تعبت
سأخبرك خلاصة القصة، ما دمتِ واثقة من نفسك لا تهتمي لتلك التصرفات. هذه التصرفات ليس منبعها الشك ولكن الخوف، كوني واثقة من ذلك، هذا الزمن صار مريب جدًا، والفتنة تحيط بنا، والقصص المحزنة أكثر من أن نحصيها للأسف. فأنا كأم أقدر جدًا تصرفات والدتك وإن كنت أختلف معها في أسلوبها المتبع. ما عليكِ هو محاولة توضيح موقفك، والتعبير عن مشاعرك، وحاولي إشراكهم في بعض أمورك واستشارتهم ولو في أمور سطحية ليشعروا أنك تهتمين لأمرهم، في النهاية هم أهلك.
تم النشر الاثنين، ٢٢ يوليو ٢٠٢٤
بصي يا حببتي اهلينا مراهقتهم وحياتهم زمان مكنتش زينا حاليا ف احيانا تلاقي دماغهم مقفله كدا ف حاجات غريبه ... لبسك مثلا اوالعب ف الفون كتير ....تعلقك حبتين بالفون ... او الخروج او صحابك كدا يعني والهدف عندهم بجد بيكونو خايفين علينا وخصوصا لو بنت ... بس معلش احيانا الحوار بيأفور معاهم حبتين تلاته . وانتي المشكله ال انتي فيها ممكن يكون الحوار بدا بحاجه تفهه مع مامتك حصلت منك والحوار كبر ف عقلها اوي ومره مع مره بيكبر ف دماغها زي مثلا انك بتقولي بتهزري وبتقولي احيانا لما منبه بيرن بتقولي دا حبيبي او كدا.... هي الفكره بقي مع الوقت بتكبر ف دماغها... وخصوصا لو عندها سوشيال او بتسمع للحوليها كتير... وبتعرف ان البعض من الاجيال الجديده بيكلمو ولاد وبيحصل حورات كتير مع بنات كتير سواء حواليكي او سوشيال ميدا (فيس ..وتس.. انستا...تيك توك ..تويتر..تلجرام ..الخ) ودي حاجه احنا منكرهاش ان فعلا بقي حورات كتير ومشاكل كتير بسبب كلام الولاد مع البنات وصحيح لو ما مامتك مش بتخطلت بحد ولا عندها سوشيال ....من الواضح ان اختك بتوصلها الفكره دي... بس للاسف بطريقه غلط شويه بحيث بتشكك مامتك فيكي . ف المطلوب منك تعمليه دلوقتي ان متسبيش ليها فرصه او لاختك انها تشك فيكي ... يعني مثلا لو كنت بتلعي ف الفون كتير قللي لعب شويه... لو بتخرجي كتير قللي دا شويه... لو بتتاخري بره معلش تعالي علي نفسك الفتره دي لحد ما هي تحس بجد لوحدها انك قد الثقه ..... يعني كمان بلاش هزارك وان المنبه يرن تقولي دا حبيبي او غيرو بلاش الهزار دا .... معلش بلاش تكلمي صحبتك متاخر اوي ..... لو بتطلب منك حاجه تعمليها مش تنشغلي ف الفون كتير وتتاخري عليها شوفي هي محتاجه اي الاول وبعدين ابقي العبي ف الفون لو فعلا دا لو يعني ف اي ولد فحياتك اقطعي علاقتك بيه لان يا روحي دا غلط وانتي لسه صغيره اصلا ع الكلام دا . واخيرا بقي كل دا بحاول اوضحلك الحاجات ال كانت ممكن تكون السبب ف ان مامتك بتعمل كدا بس الاهم بقي انك متزعليش نفسك يا حبيبي وكل دا فتره ولو عندك ثقه بجد انك صح معلش تعالي علي نفسك شوتين وارضيها .... ومامتك كدا كدا مع الوقت لما انتي تتخلصي من الحاجات ال بتخليها تشك فيكي اكيد هي هتشيل الافكار دي من دماغها خالص وهتديكي ثقه واخيرا اسفه طولت عليكي متزعليش نفسك خالص وكل ال بيحصل خديه عادي وكبري دماغك ومتفكريش كتير ف تصرفاتها هي او اختك طنشي.... اي حاجه تحسي ان التفكير فيها هيضايقك طلعيها من راسك . وربنا يصلح حالك يارب 🥰
تم النشر الاثنين، ٢٢ يوليو ٢٠٢٤
حبيبتي، مبين إنك بتمرّي بوقت صعب وفعلاً موقفك مش سهل على الإطلاق. أحياناً الأهل بطريقتهم في الحرص والعناية بيكونوا شديدين زيادة عن اللزوم وده بيسبب ضغط كبير على الأبناء، بالأخص لو هما في فترة حساسة زي المراهقة. لكن خليني أقولك بعض النقاط اللي ممكن تساعد في تحسين الوضع: حاولي تفهمي دوافعهم : مرات الكبار بيكونوا عندهم تجارب سابقة أو مخاوف مش قادرين يتجاوزوها، ولو قدرتي تشوفي الأمور من ناحيتهم دي ممكن يحسسك بشوية تعاطف معاهم حتى لو مش موافقة على طريقتهم. حاولي تفتحي حوار صريح وهادي معاهم : اختاري وقت يكون فيه الكل رايقين واتكلمي بصراحة عن إحساسك وضغطهم عليكي من غير عصبية. قولي، "أنا بحبكم وعايزة ثقتكم، لكن في حاجات كتير بتفرق معي وبتضايقني". اشغلي نفسك بحاجات مفيدة : اكتشفي هوايات جديدة أو انضمي لنادي تعليمي أو تطوعي. ده مش بس هيخليكِ تبعدي عن الجو المتوتر في البيت، لكن هيديهم كمان إثبات إنك بتعملي حاجات إيجابية ومفيدة. اطلبي نصيحة من طرف ثالث : لو فيه شخص موثوق فيه في العيلة أو صديق للعيلة ممكن يفهم الوضع ويساعد في توصيل وجهة نظرك. الصبر : أنا عارفة إن دي أسهل كلمة تتقال لكن فعلاً، الأمور بتتحسن مع الوقت. المراهقة فترة حرجة وكتير من الآباء بيجلهم شكوك زيادة فيها، ولكن حاجات كتير بتتغير لما يكبر الأبناء ويتوقف الآباء عن القلق الزايد. دايماً افتكري إن الصبر والمحاولة المستمرة ممكن يجيبوا نتيجة. وصدقيني، أنتِ قوية وإن شاء الله هتعدي كل ده بحكمة وعافية. لو تحتاجين حد تتكلمي معاه، أنا هنا دايماً ليكي. 💖
تم النشر الاثنين، ٢٢ يوليو ٢٠٢٤
ولو عوزت حاجه احنا هنساعدك
تم النشر الاثنين، ٢٢ يوليو ٢٠٢٤
ممكن تكون بتعمل كدا عشان خايفه عليكي وكدا مع انا شايفو اووفر شويه واقعدي اتكلمي مع اختك وكدا مع انها كبيره المفروض تكون اعقل من كدا هنقزل مامتك مثلا عشان ع ايامهم مكنش فيه موبايل ولا نت والا الحوارات دي وهيا شايفه برضو الحاجات اللي بتخصل ع السوشيال فاكيد خايفه عليكي فانت قربيلها برضو وربنا يصلح حالك وييسر امورك ويعظي مامتك عليك. وقربي من ربنا وصلي واعمل ورد قران
تم النشر الاثنين، ٢٢ يوليو ٢٠٢٤
كوني صريحة معهم وعرفيهم إن الموضوع ده تاعبك وضاغط على أعصابكِ... ممكن حاسين بخوف شديد عليكِ بس طريقتهم مش أفضل حاجة.
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا