من الاخر للأول .. ربنا من شدة عدله و علشان هو حكيم بل احكم الحاكمين .. منح للانسان حرية الاختيار .. من شاء فليؤمن و من شاء فليكفر ، طيب و لو اختار اكون مؤمن >>> فاصبر لحكم ربك . طيب اوووف انا صابر بقالي كتير و مفيش حاجه بتتغير و اتعقدت و بفكر انتحر و اخلص و هو مين قالك ان صبرك ده صبر !! >> فَاصْبِرْ صبرا جميلا إِنَّهُمْ يَرَوْنَهُ بعيدا ونراه قريبا >> الإنسان غريب قوي يروح يعمل الشر و المنكر و المعاصي و تنهاه و يكرره و توقفه و يرجعله بدون كلل او ملل >> لكن في سبيل الخير و المصلحة الخاصة بيه بيزهق و عايز ينتحر في نص التجربة ..!! الصبر الجميل هو صبرا لا شكوي فيه ولا تذمر .. صبر انسان موقن انها لما توصل لقمة السوء مفيش بعد كده غير فرج ربنا و انها بمشيئته هتتعدل 20 سنة دي معناه انك زهرة لسه قدامك حياة في علم الغيب ان شاء الله كلها خير .. ده وقتك تعملي حاجه ولازم تبقي حاجه في ال 15 سنة الجاية ان شاء الله .. الدراسة محتاجة تنظيم لو انا مش منظم هدور علي زميلي اللي سبقني او اللي معايا بس مظبط أموره و هفهم منه اعمل ايه و هسأل واحد و اتنين و تلاته ، المشروع اي مشروع دراسة او شغل طالما تعبت علشان اوصله و مجاش بالساهل لازم ميروحش بالساهل >> بعمل او بدرس حاجه مبحبهاش مش مشكلة هحب امها علشان أنجح و بعد كده اعمل الحاجه اللي بحبه ا ( حب ما تعمل حتي تعمل ما تحب ) لازم كمان تعرفي ان أي إنسان عنده دم في مصر لازم علي الاقل يكون عنده اكتئاب بالميت كده لازم يبقي عندك مرض نفسي واحد ، و كل واحد فينا كده طالما حسيس و بيتعب و بيكد و بيتعامل مع مختلف البشر بأفكارهم المبهرة ..!! حطتي قدام عنيكي دعوات امك و ابوكي لربنا و هما يطلبوا في سرهم تنجحي و يتباهوا بيكي ، حطي برضه قدام عنيكي الفشل علشان يبقي دافع ليكي انك متتهاونيش ، الشيء الأجمل في قصتك الجميلة ان ربنا لا يضيع عمل عامل منكم من ذكر أو انثي ، انا مقدر ان الدراسة عذاب بس عقلك قدراته غير محدودة حتي لو كل حاجه حواليك حاولت تفهمك ان العيب منك ، راجعي نفسك وبلاش استسلام ، لو معرفتش تنجح شوف اللي نجحوا عملوا ايه و اعمل زيهم ، يا رب كل التوفيق ليكي ولاي اخت زيك ..
لعرض الإجابة في فدني اضغط هنا