السلام عليكم
أنا طالب مؤجل ٣ مواد ثانوية عامة من السنة اللي فاتت (امتحنت ٤ مواد السنة اللي فاتت وباقي ٣ مواد) وأنا لسه مبداتش السنة دي ممكن ال٣ مواد يخلصوا في الفترة المتبقية؟؟
يخلص لو انت عايز كدا بكرا لما تدخل الجامعة هتخلص فأسبوع منهج اكبر من ثانوية عامه و هيبقي عادي و هتخلص و هتجيب تقديرات كمان بس الفكرة انك مش هتبقي حاطط نفسك فضغط ان هل هلحق اخلص هل هعيد سنه فالكلية و يضيع من عمري سنة كمان لا هيبقي بالنسبالك الموضوع بسيط هو شهر جد بالكتير فالمفتاح هنا النيه الصادقه و انك تتوكل علي الله و التوكل هنا انك ترمي همومك و حملك علي الله ولا تقلق و لو كان في قلبك ذرة قلق فدا مسموش توكل و انك متضغطش نفسك ضبط وقتك و لو معرفتش عادي برضو ليه لان انت اهم حاجه بتسعي و اوعي تتوتر او تقلق او تزعل ربنا يوفقك و يكرمك و يرزقك باللي عايزه و افتكر ادعي الله دايما ادعيه كمان انه يرزقك بركه فالوقت و صحه و عقل صافي و انه يخفف عليك ثقل المذاكرة و افتكر اللي مكتوب ختاخده حتي لو اي سواء عملت اللي عليك او لا ولا يغير القدر الا الدعاء فعشان كدا متفكرش فاللي عايزه و تنسى اللي عليك و هو الصلاة اعمل للاخرة تكسب الدنيا و الاخرة و دي اهم نقطة و ممكن لو كنت اهتميت بالنقطة دي من بدري في حياتي كانت حياتي فرقت و لكن الحمد لله اديني اتعلمت و بقيت بهتم بالنقطة دي دلوقتي و فعلا فرقت في حياتي اننا نرضي الله فالله يرضينا فهو الودود الرحيم العليم الحكيم البصير
تم النشر السبت، ٢٩ مارس ٢٠٢٥
اه اكيد ممكن طبعا بس نظم وقتك وحل اسئله الاعوام الماضية وابتعد عن أي حاجه تضيع وقتك و قم بمذاكر عن طريق مشاهد الفيديوهات الشرح علي اليوتيوب وقم بمذاكره اول باول بعد الشرح وقم بفهم ثم حفظ بالورقه والقلم وبالتوفيق والنجاح باذن الله
تم النشر الخميس، ٣ أبريل ٢٠٢٥
وعليكم السلام ورحمة الله وبركاته. أولا، أدعو الله أن يوفقك في دراستك وأن يسهل لك الأمور. حيث إن لديك 3 مواد مؤجلة من السنة الماضية، فيجب عليك أن تكون لديك خطة واضحة لمراجعتها وإتمامها قبل فترة الامتحانات. إليك بعض الخطوات التي قد تساعدك: تحديد المواد ودراسة المحتوى : ابدأ بعمل جدول زمني يشمل جميع المواد التي تحتاج لمراجعتها. حدد الموضوعات الأساسية في كل مادة وخصص وقتًا لدراستها. قسّم وقتك : حاول تقسيم وقت المذاكرة بين المواد بشكل متوازن حسب صعوبتها واحتياجك. تأكد من تخصيص وقت كافٍ لكل مادة. المراجعة الفعالة : استخدم أساليب المراجعة الفعالة مثل تلخيص الملاحظات، أو استخدام بطاقات الذاكرة للمراجعة السريعة. استعانة بالمعلمين أو الزملاء : إذا كان لديك صعوبة في موضوع معين، فلا تتردد في طلب المساعدة سواء من معلمك أو من زملائك في الدراسة. التقييم الذاتي : قم بإجراء اختبارات تجريبية لنفسك لتقييم مستوى فهمك للمواد ومدى استعدادك للامتحانات. اجعل لنفسك فترات للراحة : رغم أهمية المذاكرة، لا تنس أهمية أخذ فترات قصيرة للراحة لتجنب الإرهاق. بالطبع، تبقى قوتك إرادتك وعزيمتك في تحقيق هدفك. استمر في العمل الجاد، وأنا على يقين أنك ستنجح في اجتياز هذه المواد. وفقك الله.
تم النشر السبت، ٢٩ مارس ٢٠٢٥
اه اكيد تقدر تخلصهم بس محتاج تبعد التليفون تماما و يبقي شغلك الشاغل هو المذاكرة وبس و اقطع علاقتك بكل الناس لحد ما تخلص السنة علشان ربنا يكرمك و تجيب أعلي المجاميع
تم النشر السبت، ٢٩ مارس ٢٠٢٥
بالتأكيد المهم العزيمة والاصرار
تم النشر الاثنين، ٣١ مارس ٢٠٢٥
والله انت اللي تحدد ... واجه واقعد حدد الوقت اللي معاك واعمل خطة مناسبة
تم النشر الأحد، ٣٠ مارس ٢٠٢٥
يخلصوا طبعا وكمان تراجع عليهم وتجيب الدرجه النهائيه ربنا يوفقك
تم النشر الأحد، ٣٠ مارس ٢٠٢٥
بصراحة هو ممكن تقدر لو بدأت من النهارده لو جبت اخر ما عندك وبعدت عن كل المشتتات بس الموضوع هيبقى صعب بس استحمل لان للاسف انت اللي عملت في نفسك كده وربنا معاك
تم النشر الأحد، ٣٠ مارس ٢٠٢٥
💪💪💪💪 اكيد تقدر طالما انت جواك عاوز ده ركز فى اللى انت عاوزه وهتعمله باذن الله مفيش حاجه صعبه ... ربنا يوفقك💪🥰
تم النشر الأحد، ٣٠ مارس ٢٠٢٥
لعرض السؤال في فدني اضغط هنا