السلام عليكم يا جماعة كل عام وانتم طيبون يا احلي مجتمع
دلوقتي انا اغتبت شخص من اقاربي اعمل ايه علشان اخليه يسامحني؟
هل اروح اقوله انا اغتبتك وقولت عليك كذا ولا اعمل ايه؟
لو قلت له وفيه احتمال أنه يتضايق منك فالأفضل ألا تقول له أو تطلب منه المسامحة العامة عن التقصير في حقه من غير تفصيل أو من غير إخباره ماذا قلت عنه بالضبط وإن كان ذلك يتطلب إهداء هدية له يمكنك شراء هدية وعليك أن تحسّن صورته في نفس المجتمع الذي اغتبته فيه وتقول عنه حاجة كويسة وتستغفر له وتدعو له واقرأ عن كفارة الغيبة
تم النشر الثلاثاء، ٢٧ يونيو ٢٠٢٣
كفايه ان انت عرفت ان التصرف اللى عملته غلط وزعلت على التصرف دا حاول تدعى ليه بالادعيه اللى بتدعيها لنفسك وفعلا تروح للحد اللى كنت بتغتاب الشخص دا ف وجوده وترد غيبته وتبين محاسن الشخص دا عنده وتعرفه انه غلط انك اغتابت الشخص دا
تم النشر الثلاثاء، ٢٧ يونيو ٢٠٢٣
اضافه لاجابات الاعضاء الافاضل حضرتك في ناس بتخرج صدقه عن الشخص الذي اغتابته بمجرد ما تغتابه تطلع صدقه عنه وبعد كده ادعيله او اطلب منه السماح حسب ما يتيسر كمان انصحك جدا ان يكون في اي وقت تدعي فيه ان تدعي بالدعائين دول ( اللهم ارزقني عفو كل من أسأت اليه او اغتبته او ظلمته ) ( اللهم اخرجني من الدنيا وليس لاحد من عبادك علي حقا ) ( اللهم ان لك علي حقوقا كثيرة فيما بيني وبينك وحقوقا كثيرة فيما بيني وبين خلقك .اللهم ما كان لك منها فاغفره لي وما كان لخلقك منها فتحمله عني)
تم النشر الجمعة، ٣٠ يونيو ٢٠٢٣
فى مثل كده بيقول ما شتمك الا من بلغك فهتروح تبلغه كانك بتشتمه لكن الحل ايه اللى اغتبته معاه ارجعله وقوله انك كنت غلطان وان الشخص ده احسن واحد وقول عليه قدام كل حد تقابله كل خير
تم النشر الخميس، ٢٩ يونيو ٢٠٢٣
عفا الله عما سلف وكويس انك حاسس بالندم وحنا كلنا خطائين وبنغلط اهم حاجة نستغفر ونخلص التوبه الي الله ، بس من وجهة نظري مترحش تقول للشخص انك اغتبته لأن مش كل الناس هتتفهم الوضع فالافضل انك تدعي للشخص ده كتير او لأي حد اغتبته بالدعاء ده "اللهم اغفر لي ولكل من اغتبته" كل ما يخطر ع بالك وفي دعاء لحفظ اللسان عن الغيبه كرره دائماً "اللهم اجعل كتابي في عليين واحفظ لساني عن العالمين " وربنا يهدينا جميعاً
تم النشر الأربعاء، ٢٨ يونيو ٢٠٢٣
اللهم اغفر لأصحاب الحقوق علينا
تم النشر الأحد، ٢ يوليو ٢٠٢٣
...
تم النشر الأربعاء، ٢٨ يونيو ٢٠٢٣
لعرض السؤال في فدني اضغط هنا