مديري ف الشغل بقى مخليني احتياطي و دي حاجه بديقني اعمل معاه اي ؟؟
حسب نوع عملك يمكنني سؤالك ماهي طبيعة عملك ؟ وهل لديك مشاكل مع مديرك ام لا
تم النشر الاثنين، ١٠ يوليو ٢٠٢٣
ده بيحصل عادي جدا مش موقف قليل انه بيحصل لا ده موقف عادي جدا ممكن يحصل وكثير قوي بيتكرر علشان نقدر نثبت اننا نستحق التقدير والاهتمام ونستحق الاعتماد علينا ، فعلينا ان احنا نتميز في الحاجه اللي احنا شغالين فيها دلوقتي نكون بنبين ان احنا مستعدين نشيل مسؤوليه اكبر ونتميز في الموقع اللي احنا ممكن نتحط فيه طيب ده يجي من خلال ايه ده يجي من خلال ان احنا بنتميز في الحاجه اللي احنا بنعملها حاليا ونطمح يكون عندنا طموح ان احنا نشيل مسؤوليه اكبر وقتها هتلاقي المدير بيعتمد عليك وبيديك مسؤوليات اكثر.
تم النشر الاثنين، ١٠ يوليو ٢٠٢٣
اتكلمي مع مديرك واسأليه بهدوء عن أسباب قراره. ممكن يكون فيه سوء فهم ولازم توضحيه. ده هيساعدك تعرفي ايه المشكلة الحقيقية وتقدري تصلحيها. لو المدير مصر على قراره، ما تعمليش مشاكل لان ده ممكن يسببلك أزمة أكبر. بس ابقي حاولي تثبتي نفسك عشان لما يكون فيه وظيفة تانية ياخدوكي بالأولوية. حاولي تطوري مهاراتك وخبراتك في الفترة دي عشان تكوني أكثر تنافسية في سوق العمل. اتعلمي حاجات جديدة وخدي كورسات مجانية على الإنترنت.
تم النشر الاثنين، ١٠ يوليو ٢٠٢٣
اول واحد ممكن تصارحه وتفهمه انك مش حابب انك تبقى حد احتياطي وان انت عاوز تشتغل وتكسب خبرة زيك زي اي حد ثانيا انت لو مش مرتاح وحاسس انك مهمش فب شغلك يبقى افضل ليك انك تدور ع شغل في مكان تاني لان ده ما يسمى ببيئة العمل السامه ال مش هتعرف تتعلم فيها حاجه هتتحسب عليك شغل تضيع وقت
تم النشر الاثنين، ١٠ يوليو ٢٠٢٣
دايما اثبت نجاحك كمان وكمان لغايت م تبقي عنصر اساسي مش مجرد دكه احتياط... وشوف العيوب اللي وصلت لكده و نقلبها لمميزات... خليك حد طموح وصدقني وقتها هو اللي هيجري وراك... بس ف وسط كل الزحمه دي... الا وعزة النفس.. اللي هو تعمل كل ده بدون م تمس نفسك بسوء
تم النشر الاثنين، ١٠ يوليو ٢٠٢٣
عندك أكثر من اختيار وده بيعتمد على سبب انه يخليك احتياطي
تم النشر الاثنين، ١٠ يوليو ٢٠٢٣
شكراً جدا كلامك اقنعني جدااا🤍✨
تم النشر الاثنين، ١٠ يوليو ٢٠٢٣
زي اى مثلاً ؟؟
تم النشر الاثنين، ١٠ يوليو ٢٠٢٣
لعرض السؤال في فدني اضغط هنا