دلوقتي عايزة نصيحة، أنا لسه عن الامتحانات شهر واحد وانا مش لميت ولا مادة أنا من النوع اللي بيفهم وما بيحفظش، أمي عايزانى اكون حاجة كبيرة وكل شوية تقولى أنا عيزاكى تبقي كذا وعايزاكى تبقي كذا
أنا بذاكر كتير اوى بس مفيش حاجه بتثبت في دماغي أنا فى الصف الثاني الثانوي وخايفة إلى دي يحصل معايا فى تالته ثانوي أنا عايزه نصيحه ازاى الم حاجه فى المنهج وازاى اخلى امي تفتخر بيا اي نصيحه تفيدنى لو سمحتم
بأختصار شديد جدا.. اولا جمعي معلوماتك الي انتي عرفاها علشان تعرفي نواقصك وبعدين حلي علي قدر المعلومات الي انتي عرفاها كويس بحيث انك تأكدي علي الي انتي عرفاه .. نيجي للنواقص قسميها علي فترات متباعده تلائم الشهر وذاكريها مع حل علي معلوماتك القديمه وحل علي ماتم اضافته من معلومات جديده بدون حفظ الحل يثبت المعلومه اعرفي المعلومه وروحي طبقي عليها بكذا ان شاء الله خلال شهر تكوني لميتي كل شي واسأل الله لكي التوفيق ...
تم النشر الثلاثاء، ١٠ ديسمبر ٢٠٢٤
بصي هو الحل إن انتي تحلي كتير اوي حتي لو انتي مش مذاكرة لإن انتي لما تحلي كتير هتلاقي الأسئلة بتكرر معاكي فهتعرفي تجاوبي وبرضو انتي لسه قدامك وقت يعني ذاكري الحاجات المهمة وشوفي المدرسين بيقولو تركزي على ايه وتذاكريه واهم حاجة الحل الكتير والكلام ده عن تجربة وربنا يوفقك يارب
تم النشر الثلاثاء، ١٠ ديسمبر ٢٠٢٤
السلام عليكم، أولًا، لن أقول لا تهتمي لكلام والدتكِ، لكن على الأقل لا تشغلي بالكِ به حاليًا ولا تفكري في توقعاتها بالنسبة لك لأن هذا سيُشكل نوعًا من الضغط عليكِ وربما يكون أحد الأسباب التي تجعلكِ غير قادرة على الدراسة بشكل جيد. قومي بواجبك وادرسي واتركي النتيجة على الله وأنتِ واثقة أنه لن يضيع جهدك. ثانيًا، بالنسبة للمذاكرة... من الجيد أنكِ تفهمين ما تذاكرين لكن لا تضعفي في ذهنكِ أنكِ لا تستطيعين الحفظ لأن عقلك في النهاية سينفذ ما تقولين له... إذا أقنعتِ نفسكِ أنكِ لا تملكين ذاكرة جيدة ولا يمكنك الاحتفاظ بالمعلومات أنتِ ستدخلين نفسكِ في هذه الحالة بالفعل. كلنا لدينا قدرة على الحفظ حتى لو اختلفت من فرد لآخر لكننا صرنا نستسهل أو ربما لا نعرف كيفية عمل الذاكرة. قد تكونين تذاكرين كثيرًا لكن مشكلتكِ أنكِ لا تراجعين على ما تذاكرينه. الأهم من المذاكرة... المراجعة المستمرة على المعلومات حتى تثبت. أول مرة تذاكرين أو تقرأين شيئًا يدخل في الذاكرة قصيرة المدى وهذه إن لم تراجعي على المعلومة ستنسينها خلال وقت قصير جدًا... المراجعة المتكررة وعلى فترات هي ما تقوم بنقل المعلومات من الذاكرة قصيرة المدى إلى الذاكرة طويلة المدى فيسهل تذكركِ لها واستدعائكِ لها أثناء الامتحانات. ابحثي على جوجل عن طريقة المراجعة بالتكرار المتباعد وطريقة 2357 وستساعدك هذه الطرق في الاحتفاظ بالمعلومات التي تذاكرينها. أيضًا الخرائط الذهنية للمعلومات تساعد في هذا. ابدأي في ترتيب وقتك واستعيني بالله وإن شاء الله يوفقكِ.
تم النشر الاثنين، ٩ ديسمبر ٢٠٢٤
انا كان اكتر مشكله مواجهاني في الثانويه وحاليا في الكليه وما عرفتش احلها غير من اسبوعين بس وهي السرحان فلو هي دي المشكله اللي بتواجهك الحل بتاعها بسيط جدا وهو انك تكتب اي حاجه بتفهمها ورا الاستاذ وهو بيشرح الماده كل ماده ليها طريقه مذاكره معينه في مذاكره الرياضه مثلا لازم تحل اسئله كتير قوي بافكار كثيره وكذلك زيها زي الفيزياء لكن للاسف الانجليزي والعربي مواد اغلبها بتتحفظ القواعد اللي فيها
تم النشر الاثنين، ٩ ديسمبر ٢٠٢٤
موضوعك مقسوم لنقطتين : اولا : اكيد انتى ليكى نظام ف الدراسة معين انتى اكيد ذاكرتى بية قبل كدا وعارفة بتعرفى تحصلى المعلومة ازاى .. بتفهمى اكتر ما بتحفظى عادى جدا بس مش معنى كدا انك مش هتعرفى تحفظى خالص .. حاولى تفهمى الى هتحفظية وتعملى علامات ارشادية ، وتراجعى علية سواء بالتسميع او الكتابة اكتر من مرة لحد مايثبت ، والاهم من دا شيلى من دماغك نقطة انك بتفهمى ومش بتحفظى ..كلنا بنحفظ ونفهم بالاجتهاد والصبر ثانيا : والدتك نفسها تفرح بيكى بس طموحك انتى فين ..ماتعشيش بطموح مامتك وتنسي نفسك .. ماتعشيش فى ضغط اهلك وانك لازم ولازم .. خدى الموضوع بالتسلسل دا انا بجتهد عشان احقق نفسى وادخل الكلية الى انا عاوزاها واتفوق فيها وبعدين اهلى يفتخرو بيا وربنا يوفقك ويرزقك حسن الفهم والحفظ
تم النشر الاثنين، ٩ ديسمبر ٢٠٢٤
عزيزتي، أقدر مشاعرك وأتفهم ضغط الامتحانات والتوقعات من الأسرة، فكل ذلك يمكن أن يكون مرهقًا. إليك بعض النصائح التي قد تساعدك في تنظيم دراستك وتحسين قدرتك على الحفظ: تنظيم الوقت : قومي بإنشاء جدول زمني يحدد الوقت المخصص لكل مادة مع أخذ فترات راحة مناسبة. التنظيم يساعد على تقليل التوتر ويمكّن من التعامل مع المواد بشكل أفضل. تقنيات الحفظ : جربي أساليب مثل: التلخيص : اقرأي الدروس واكتبي ملخصات تُبرز النقاط الرئيسية، فهذا يُساعدك على الفهم والتذكر. الخرائط الذهنية : استخدمي الرسوم التوضيحية أو الخرائط الذهنية لتنظيم المعلومات بشكل بصري، مما يسهل تذكرها. المراجعة المتكررة : عاودي مراجعة المعلومات بانتظام؛ فالممارسة المستمرة تُعزز من قدرة العقل على استرجاع المعلومات. المشاركة : حاولي مذاكرة المواد مع زملائك؛ النقاش مع الآخرين يمكن أن يُساعدك في فهم أفضل ويجعل المذاكرة أكثر متعة. التحفيز : ذكري نفسك بالنجاحات السابقة وكيف استطعتِ تحقيق أهدافك من قبل. فكرة كونك تدرسين من أجل تحقيق رؤى مستقبلك قد تكون دافعًا قويًا. التواصل مع والدتك : حاولي التحدث مع والدتك عن طموحاتك وما تودين تحقيقه، وثقي بها في وضع خطط ذكية تساعدك في الدراسة. هذا قد يخفف من الضغط النفسي ويتيح لكِ مساحة أكبر لتحقيق أهدافك. لا تنسي أن تتذكري أن لكل شخص طريقته الخاصة في التعلم، ولا تقارني نفسك بالآخرين. طموحاتك الذاتية هي الأهم. وفقك الله وجعل دراستك سهلة وممتعة.
تم النشر الاثنين، ٩ ديسمبر ٢٠٢٤
بصي اول حاجه ابعدي عن السوشيال ميديا تاني حاجه اتعبي واعملي الي عليكي حته لو م بنتيجه ربنا م بيضيع تعب حد بس اهم حاجه تكوني عملتي كل الي تقدري عله ويبي الباقي علي ربنا ومتخافيش م 3 ثانيه خديها ببساطه الي تاخديه ذاكريخه ومتراكميش حاجه وان شاء لله ي حببتي تجيبي المجموع الي بتحلمي بيه وان شاء لله تخشي الكليه الي انتي عاوزاها وماما تفتخ بيكي💗♥
تم النشر الأحد، ١٥ ديسمبر ٢٠٢٤
انا كان اكتر مشكله مواجهاني في الثانويه وحاليا في الكليه وما عرفتش احلها غير من اسبوعين بس وهي السرحان فلو هي دي المشكله اللي بتواجهك الحل بتاعها بسيط جدا وهو انك تكتب اي حاجه بتفهمها ورا الاستاذ وهو بيشرح الماده كل ماده ليها طريقه مذاكره معينه في مذاكره الرياضه مثلا لازم تحل اسئله كتير قوي بافكار كثيره وكذلك زيها زي الفيزياء لكن للاسف الانجليزي والعربي مواد اغلبها بتتحفظ القواعد اللي فيها
تم النشر الاثنين، ٩ ديسمبر ٢٠٢٤
الحل انك اولا توكلي علي الله مفيش حد ما بيتزنقش قالمذاكرة خاصة فالثانوية العامة ثانيا حددي نيتك مش عشان مامتك تدخلي كلية محددة لانك انتي اللي حتذاكري و تتعبي و لو مش قادرة علي الكلية حتلاقي نفسك بتحولي لكلية تانبة و ده بيحصل حتي لطلبة طب اللي بيحولوا لحقوق و اداب و غيره فحاليا ركزي علي مذاكرتك و اللي لسة ملمتهوش تقدري تلميه بتقسيمه يوم امادة و اللي بعده لمادة و لو فصلين من كل مادة تذاكريهم كويس وانتي و اسلوبك فالمذاكرة حاليا الحفظ مش بينفع حتي لو مقالي لخصي اللي فهماه و كتير دمدرسين علي اليوتيوب شاطرين فالشرح خديلك بريك يومين و دوري علي المدرس اللي ترتاحي لشرحه و صدقيني حتي لو قدامك ٣ ايام للم المنهج بتوفيق ربنا حتعدي بس المهم تبدأي و متكسليش لان الندم علي عدم مذاكرتك بيبقي صعب جدا و تمنه غالي و ربنا يوفقك و اعرفي ان مامتك بتحبك في كل حال مش عشان منجحتيش متحبكيش و لكن المهم اجتهدي و قوليلها ادعيلي يا امي و ربنا ييسرلك امورك و ينجحك و تكوني فالمكان المناسب ليكي ♥️
تم النشر الاثنين، ٩ ديسمبر ٢٠٢٤
شكرا ليكى امى مش عايزانى ادخل كليه محدده بس عايزانى اجيب حاجه حلوه فى الآخر وتفتخر بينا أنا وأخواتي ❤️
تم النشر الاثنين، ٩ ديسمبر ٢٠٢٤
لعرض السؤال في فدني اضغط هنا