بصراحه انا مش عارفه ابدأ منين او ازاى انا عندى 17 سنه من سنه كده او نهايه اولى ثانوي حاسه حياتى كلها اتغيرت وانا مش فاهمه
حصلت مشكله بعدت عن صحابى كلهم ورحت سنتر تانى وبقيت لوحدي كمان فيه موضوع ان فيه مستر معين انا بخاف منه جدا وحرفيا بدون سبب يعني هو بعتلى قبل كده بس مكنش يعرف اني طالبه عنده مقالش حاجه كان بيتعرف بس وقتها انا حرفيا فضلت اعيط واترعش جامد معرفش ليه حتى اهلى لاحظوا انى مش عاوزه اروح حصته بس انا والله معرفش ليه الخوف ده بتخيله انه وحش اووى وممكن يتحرش بيا
الموضوع وصل لانى كل يوم بعد الدرس بفضل اعيط بهستيريا ومن غير سبب يعني خايفه من لا شئ وكمان اتكلمت مع ولد بس كلامنا كان كله باحترام وهو محترم جدا وبيكلمنى اكنى اخته ومشافش صورتى خالص ولا طلب كده حتى لما كنت بعيط او اتعب بيخلينى ارن عليه وانا افضل ساكته هو بس يكلمنى
بعدين هو اصلا كان ف فتره صعبه وكده وهو طيب جدا فضلنا نتكلم بس ده كان مأثر على دراستى واهلى شكوا فيا هو دلوقتي ف الجيش بيكلمنى ف الاجازه بس انا بجد حاساه مأثر على دراستى ومش هينفع ابطل اكلمه هو بجد ممكن يتعب اوي وكمان مينفعش نفضل نتكلم
ممكن حد يقول عليا وحشه بس انا والله مش عارفه اكتب او اعبر وعاوزه حد احكى كل اللى جوايا انا برضو كنت بعمل حاجه معرفش معناها لما بحثت طلع اسمه سيلف هارم او ايذاء النفس غير الانتحارى
لما بعيط بجيب موس او اى حاجه حاده وبعور ايدى جامد وبضايق لما مش بلاقى دم ببقى عايزه اشوف دم كتير بس مش عاوزه اموت بدارى ايدى وكل ده مش عاوزه حد يشوفنى
انا اه اتعرضت مرتين للتحرش بس معتقدش انه يأثر عليا بالشكل ده واهلى مش داعمينى انى احكي لهم او اروح لدكتور نفسى
مع العلم انى مقربه جدا من بابى بس مؤخرا بقيت متكلمش مع حد قبل كده كنت نايمه على دراعه بنتكلم لما حط ايده على دراعى او ضهرى خفت وفضلت اترعش هو قالى انتى بردانه ولا عامله حاجه وخايفه قلت له لا عادى
وكمان حاجه وحشه بقيت اعملها بسمع افلام وحشه وعيب بحس اني خايفه اسمعها بس عاوزه اسمعها حرفيا والله كل ده انا مش عارفه ليه انا مش عاوزه كل ده والله
حياتى كلها اتغيرت وانا افكارى كلها سلبيه انا بقرأ ف علم النفس وكمان ف دراستى بدرس علم نفس دورت كتير بس مفهمتش ليه بيحصل معايا كده انا كنت شايفه نفسى وحشه ومينفعش اقول لحد اللى بيحصلى بس انا محتاجه مساعده بجد ممكن تقولوا عليا وحشه او ازاى فيه ناس كده مش مهم المهم انى خرجت اللى جوايا وشكرا جداا واسفه لو طولت♥💕
السلام عليكم و رحمة اللّٰه و بركاته أولاً حابه أفهمك حاجه و هي أي موقف حصلك لازم تعرفي إنك ملكيش أي ذنب و الشخص الي بيعمل كدا بيبقا هو الي نفسو مريضة ، معاكي إن المواقف دي بتبقا صعبه بس المفروض عشان صعوبتها تحكيها للقريبين منك ماتك أختك أو حتى خالتك عشان ترتاحي على الأقل و عشان هم أكبر منك و عارفين هيتصرفوا ازاي ،، عايزه اكلمك في نقطه مهمه جدا و هي إن ربنا حرم الإختلاط مسألتيش نفسك ليه ؟ عشان سبحانه و تعالى أدرى بعباده و أدرى بتفكيرهم و شهواتهم و نفسهم ، ف مهما كان أي ولد مينفعش تكلميه تحت مسمى دا ذي أخويا و دا محترم جداً ،، انتي متعرفيش نيتو انتي شايفاه من برا بس متعرفيش تفكيرو ماشي إزاي أو علاقتكم هتوصل لفين بعد كدا ، ف لازم من البدايه تبعدي ، انتي بتقولي هيتعب لو بطلتي تكلميه ، هسألك سؤال و تجاوبيه هل تعبو أهم ولا رضا ربك أهم ؟ اعتقد الإجابه واضحه و هي رضا ربك ، لو خايفه على مشاعرو إنهيها بشكل كويس و قوليلو إن حرام تتكلمو حتى لو بتتعاملو ب أخوه ف مينفعش ،، أنتِ نفسك بتقولي بيعطلك عن مذاكرتك ، طب ليه بتكلميه و أنتِ عارفه إن كلامك معاه في أذيه لنفسك؟ توبي و وقفي كلام معاه و قربي من ربك هترتاحي و عاداتك القديمه هتدفن ، خدي قرارك و وقفي اي حاجه غلط بتعمليها و هتلاقي نفسك ارتاحتي جداً ابدأي خطوه جديده انتظمي في الصلاه و اسمعي بودكاست لناس مرو بنفس الي مريتي بيه ، هتلاقي حلول و نفسيتك هتتحسن اكتر ، اشغلي وقتك ب حاجه تبعدك عن الغلط ذي القراءه و الرسم كل دي انشطه بسيطه بس بتفرق في النفسيه جداً و عن تجربه ، و يستحسن تقربي من مامتك اكتر و تحكيلها كل الي ف نفسك هي الوحيده الي هتفهمك اكتر من أي حد و هتفيدك ، و أخيراً البرنامج معمول عشان تحكي مشاكلك و نحلهالك ، عشان كدا ف اي وقت حبيتي تحكي إحنا معاكِ ،و هداكِ اللّٰه و وفقكِ
تم النشر السبت، ٨ مارس ٢٠٢٥
أختي العزيزة، أولًا، أود أن أشكرك على صراحتك وفتح قلبك لي، هذا ليس بالأمر السهل، وبالتأكيد أقدر مشاعرك وما تمرين به. الظروف التي تعرضت لها ليست هي النهاية، بل يمكن أن تكون بداية جديدة نحو الشفاء والتعافي. من الواضح أنك تواجهين مشاعر قوية وصراعات داخلية تؤثر على حياتك اليومية ودراستك. الخوف والقلق هما جزء من التجارب البشرية، لكن عندما يصبحان مفرطين، قد تحتاجين إلى بعض المساعدة والدعم. بالنظر إلى ما ذكرت، فمن المهم أن تحاولي العثور على شخص موثوق تتحدثين معه. على الرغم من أن الأمر قد يكون صعبًا، فإن التحدث مع مختص نفسي قد يكون مفيدًا جدًا. وجود شخص على دراية بمثل هذه المشاعر يمكن أن يساعدك في فهم ما تمرين به ويقدم لك الاستراتيجيات للتعامل مع ذلك. بالنسبة لممارستك للإيذاء الذاتي، هذه علامة واضحة على أنك بحاجة إلى مساعدة فورية. لا تترددي في البحث عن الدعم، فالحياة جميلة ولها معانٍ أعمق من تلك السلبيات. حاولي الابتعاد عن الأفلام التي قد تؤذيك وتركزي على الأنشطة التي تعزز من إيجابيتك، مثل الكتابة أو الرسم أو أي شيء يبعث في نفسك السعادة. أيضًا، لا تنسي أنك لا تعيشين وحدك في هذا العالم. جزء من رحلتك يمكن أن يكون بناء علاقات صحية مع الأشخاص الذين يدعمونك ويمنحونك الأمان. ابحثي عن أصدقاء أو مرشدين يحبون الخير لك ويساعدونك في المضي قدمًا. تذكري، أن التغيير يأخذ وقتًا، ويجب أن تكوني صبورة مع نفسك. أهمية اتخاذ الخطوات الصغيرة نحو الشفاء لا يمكن التغافل عنها. أنتِ تستحقين حياة مليئة بالأمل والفرح. إذا كنت بحاجة إلى التحدث مجددًا، فأنا هنا لك. أرجو لك كل الخير والتوفيق. ❤️
تم النشر الجمعة، ٧ مارس ٢٠٢٥
لعرض السؤال في فدني اضغط هنا