انا عمري ١٤ سنه حدثت لي فاجعه بموت جدي الله يرحمه ، شعرت فجأة بنوبة خوف وهلع دون سبب عملت اشعه علي القلب والحمد لله بفضل الله طلع سليم ، بالإضافه إني اعاني من الجرثومه المعديه ،كل يوم افكر في الموت واخاف واقول في نفسي هذه اشاره إني سأموت ، وانا بكتب الرساله دي خايفه وبقول دي رساله إني سأموت واخاف جدا واشعر بالم في القلب ونغزات ،انا اعرف إن هذه الاشياء انا صغيره عليها لكن ماذا افعل اتمني اني استفاد واتخلص من هذا الوسواس ان شاء الله وشكر.
اولا احب اقول لحضرتك انه لا احد صغير على الموت ، وسيبك من اللي بيقولك دا انتي صغيرة ولسه بدري عليكي ، لا ، في في سنك واصغر او اكبر بيموتوا ، المهم ، الموت دا يا اختى حاجه طبيعية ، الموت دا مرحلة هنمر بيها وهتعدي ، بس احساسك بقرب الموت وانك هتموتي في اي وقت ، أثر فيكي وفي شخصيتك ازاي ، اثر على تصرفاتك ازاي ، اللي انا شايفة انه خلاكي تصابي بالهلع ، ودا تصرف خاطئ ، اينعم كلنا نكره الموت ومحدش عاوز يموت ولكن الحقيقة اننا سنموت لا محالة ، والاستخدام الصحيح لهذا الشعور انك تخليه يدفعك للتقرب من الله ، خلي شعورك بالموت دا دافع ليكي انك تتعلمي دينك وتتقربي من ربنا ، خليه دافع ليكي انك تبني حياتك ومستقبلك الحقيقي اللي هيكون اما جنة واما والعياذ بالله نار ، فيا اختي شعورك دا في شئ طبيعي وشئ خاطئ ، الشئ الطبيعي هو الخوف من الموت ، اما الشئ الخاطئ انه خلاكي تصابي بالهلع وتقريباً لا تفعلي اي شئ ، فاستخدمي هذا الشعور جيداً ، وكما قال الشيخ عثمان الخميس لشخص ساله نفس سؤالك ، اظن انه الله اراد بك خيراً بهذا الشعور . ( فاستعمليه صح ) وانصحك تتفرجي على فيديو الموت للشيخ محمد الغليظ
تم النشر الاثنين، ٢٩ يناير ٢٠٢٤
انت صغيرة وموت جدك يبدو انهل صدمة فراق حد قريب منك تمري بها كل ال انت بتقوليه ده طبيعي جدا يحصل ولكن لا تستسلمي للافكار عشان متتعبيش كل ما تجيلك الافكار دي هتعملي ٣ حاجات تستعيذي من الشيطان ٣ مرات وبعدين تعملي الاتي تستغفري وتصلي على رسول الله صلى الله عليه وسلم ١٠ مرات تقولي ( اللهم ارزقني طول العمر مع حسن العمل ) تقومي تنشغلي باي شئ وتغيري ال بتعمليه تلعبي رياضه خمس دقائق تتصلي بحد من صاحباتك تسلمي عليها تدخلي المطبخ تعملي سندوتش او حاجه تاكليها تروقي حاجه ترسمي رسمه وطولي بالك شويه لان الخروج من الحالة دي بيحتاج انك تدربي نفسك كتير وبياخد شويه وقت عشان مخك يقتنع ان مفيش حاجه عندك ولغاية ما مخك يقتنع لازم كل يوم تعملي الحاجات دي وتكرري بينك وبين نفسك انك سليمه ومعندكيش اي مشاكل الحمد لله
تم النشر الاثنين، ٢٩ يناير ٢٠٢٤
الله يرحمه ويغفرله باذن الله.. هو فعلا انتي معندكش اي شئ، واتاكدت بنفسك لما عملت اشعة وطلع مفيش اي حاجه .. وغالبا بنسبة كبيرة اي حاجه هتحصل في الفترة اللي انت فيها تعبان نفسيا هيطلع السبب نفسي وملوش اي سبب جسدي. فالحل .. انك تتجاهل الافكار اللي بتجي لان ملهاش اساس .. طيب ازاي؟ لان مفيش حد عارف هيموت امتى بالظبط .. احنا منقدرش نعرف امتى ولا ف اي مكان هنموت ازاي ولا امتى. ف لازم تكون ميقن بكده .. الحل انك تواجه الفكرة اللي بتيجي معاه بفكرة زي ديه. الفكرة الخطأ، بالفكرة الصح .. وهكذا متسبش الفكرة تتوغل فيك، لازم تناقشها .. وتتعامل معاها، طول ما انت سايبها للاسف هتتملك منك.
تم النشر الأحد، ٢٨ يناير ٢٠٢٤
• متى توفى جدك ؟
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا