لو واحدة صحبتي بتجهز وانا هنزل اجيب معاها حاجات جهاز ايه حاجات اساسية اللي بتحتاجها العروسة في جهازها يعني كم ملاية وكام فوط وايه نوع وخامه تكون كويسة وسعر متوسط وايه رفايع و اللي هتحتاجها ،ونوع اجهزة يكون كويس وتكون سعرها متوسط
حاولا مراقبة وضع المنزل القائم حاليًا، بحيث تشتري الاشياء التي سيكون لها استخدام لاحق معها، الفكرة أنصحها بمتابعة بعض صفحات الأدوات المنزلية لتعرف التصميمات الحديثة حاليًا. ونفس القصة بالنسبة لعدد القطع يعني للأسف فكرة المبالغة الشديدة في العدد على حساب الجودة أو حتى العدد مع الجودة على حساب راحة الأهل هذا أسوأ ما فد تفعله. لترى في بيت أهلها مثلًا كم عدد مفارش الأسرة ومناشف الوجه، وتشتري في هذا النطاق. أما المبالغة الضخمة، فكل شهر تظهر تصميمات جديدة وستشتري جديد. تقابلني مئات المنشورات على الفيسبوك أصحابها سيدات تزوجن من ثلاث سنوات مثلًا وتريد بيع أشيائها التي ما زالت جديدة.
تم النشر الجمعة، ٢٦ يوليو ٢٠٢٤
السلام عليكم ورحمه الله وبركاته يعني عايزه اقول لك ان رقمك بس بتسالي علشان تساعديني صاحبتك بس الموضوع ده موضوع. هيعتبر في اختلافات كثيره جدا. لو احنا هنتكلم على الحاجات اللي بتحتاجها العروسه فهي الحاجات اللي هتستخدمها في البيت الافضل الافضل دائما من ناحيه عدم الاسراف علشان ربنا يعني يرضى عننا ونكون ماشيين بشكل سليم ما يكونش يعني ماشيين باللي الناس بتقولوا خلاص ان احنا ناسس البيت بالاساسيات اللي هو ايه انا دلوقتي هيكون في عندي غرفه نوم ومحتاجه فرشي فيعني ممكن احتاج اربع ملايات خمس ملايات طبعا في بقى لو احنا هنروح للشكل اللي هو في العرف وفي العادات اللي بتختلف من قريه لقريه ومن محافظه لمحافظه ممكن تلاقي في ناس يقول لك لا مش اقل من دسته مش اقل من دستتين يعني تلاقي البنت المفروض تجيب 24 ملايه هل هي هتحتاج يعني تغير 24 ملايه يعني احنا هنا بنتكلم في بصراحه؟ ارقام وحاجات ما لهاش اي منتج خالص غير ان احنا نبان ان احنا مديين قيمه وهي قيمه مزيفه كلها معتمده على صرف فلوس كثير وحمل بنحمله على فكره الجواز وبس.فخليني في الفويس اللي جاي انا هقول لك من وجهه نظري انا ايه الحاجات الاساس؟ اولا هناخد كده هنعتبر نفسنا بنوقف في اوضه اوضه ونشوف ايه ا تاخد بالها انها ما تجيبش الحاجات على مقاسها بالظبط خصوصا الهدوم تجيب مقاس يكون مريح لانه في الاغلب البنات جسمهم بيتغير بعد الجواز وخصوصا بعد يعني شهور الاولى من الجواز ممكن جسمها يتغير بسبب التغيرات الهرمونيه ودي حاجه طبيعيه جدا فممكن يعني يكون الافضل انك ما تجيبش نفس المقاس بالظبط يعني ما يبقاش على مقاسها بالظبط يكون فيه يعني نسبه كده من من الراحه وفي المقاس علشان لما يحصل تغيرات هي متحسش ان كده الهدوم دي ما بقتش نافعاها يعني.لحاجات اللي محتاجاها فمثلا احنا دلوقتي في المطبخ فاحنا محتاجين حلل محتاجين طقم اطباق اللي هو بيتسمى طقم عشاء ممكن يبقى من الاركوبايركس او الاركوبال دي خامه نظيفه وشيك وجميله وطقم واحد هيكون كافي بيكون مثلا 36 قطعه او حاجه بيكون في اطباق كبيره واطباق صغيره واطباق البوز الطيات للشوربه والحاجات دي والمناسب طقم معالق وشوك مش لازم الشنطه اللي هي معالق طقم وشوك كوبايات. كوبايات للشاي كوبايات للقهوه طقم التوزيع اللي هو اللي بتستخدم في الاكل طقم التوزيع اللي هو سيليكون او خشب الخشب افضل كثير اييي؟ بورد للتقطيع عليه الخضار. ده صوت مثلا ممكن طاسه او طاستين تيفال كويسين قوي كفايه صواني يتعمل فيها مثلا كيك او يتعمل فيها اكل من الصواني اللي هي المستطيله او المربعه او المدوره يعني ممكن تجيب من كل واحده مقاس او مقاسين. ممكن اييي طاسه تانيه تكون غويطه للتحمير؟ ده احنا بنتكلم حاجات كلها بخلاف الاجهزه الكهربائيه يعني هون مغارف او اللي هو برده ممكن يكون طقم توزيع بيبقى فيه المغرفه والحاجات دي كلها. ده كده يعني سريع الحاجات بتاعه المطبخ الحاجات هناخذ كذا اوضه ثانيه مثلا اوضه النوم هي محتاجه اطقم ملايات زي ما قلت لك على قد الاستخدام اربعه خمسه سته بالكثير قوي كفايه لو في اوضه اطفال فممكن نجيب برده لكل سرير طقم يعني كفايه قوي لان دي في الغالب اوضه مش بتستخدم دلوقتي خالص. نجيب بقى فوط مثلا الفوط ممكن ان احنا نجيب عدد كافي عشان دي بتتغير بشكل مستمر فممكن نجيب دسته اللي هم 12 فوطه كفايه. الحاجات الخاصه بها بقى الملابس دي طبعا حاجات كلها تفاصيلها يعني البنت هتكون عارفينها الملابس الشخصيه بتاعتها بقى من اول الملابس الداخليه لحد ملابس الخروج بملابس البيت بيجامات تهتم جدا انها تجيب حاجات قطن لان دي مهمه جدا ما تبقاش كل حاجه من خامات مثلا ستان او كده لا بلاش لان الحاجات دي بيبقى شكلها حلو بس ما بتكونش عمليه لما بتزودي فيها يعني.
تم النشر الخميس، ٢٥ يوليو ٢٠٢٤
أوكِ، هقولك. فيه حاجات أساسية اللي لازم تكون في جهاز العروسة ودي حاجات ممكن تقسميها أكتر من قسم كده: 1. المطبخ: أطقم الطهي : زي طقم الحلل، الصواني، المقالي. الأدوات الصغيرة : زي السكاكين، المعالق، الشوك، المغارف، والمصفاة. الأواني : أطباق، كبايات، فناجين. الأجهزة : بوتاجاز، تلاجة، ميكروويف، خلاط. 2. الحمام: الفوط : تقريبًا 6 فوط كبيرة، 6 فوط وسط، 6 فوط صغيرة. مفروشات الحمام : سجادة لحمام، ستارة الحمام. منظفات وحاجات العناية الشخصية : شامبو، صابون، منظف للحمام. 3. غرفة النوم: الملايات : تقريبًا 4 طقم ملايات (2 للاستخدام العادي و 2 للاستقبال). بطاطين وأغطية : بطانية ثقيلة واحدة، وغطاء خفيف. وسائد : 4 وسائد على الأقل. مفارش : 2 مفرش للسرير. 4. الأجهزة: تكييف : لو الميزانية تسمح. تلفزيون : من النوع الكويس بسعر متوسط، ممكن ماركات زي سامسونج أو إل جي. غسالة : المهم اختر ماركة موثوقة زي توشيبا أو زانوسي. نوع وخامة: الملايات : يفضل تكون من القطن المصري لأنه ناعم ومريح ويستحمل كتر الغسيل. الفوط : أيضًا القطن المصري هو الأفضل لأنه ناعم ويمتص الماء كويس. الأجهزة : حاولي تشتري أجهزة ضمن الميزانية وتكون معروفة بجودتها وخدمتها بعد البيع. رفايع: أدوات العناية الشخصية : مجفف الشعر، ماكينة إزالة الشعر. كهرباء مطبخ صغيرة : كاتل، محمصة. إكسسوارات منزلية : زي مرايات، إطار للصور، فازات. افتكري خدي بالك من الميزانية وحاولي تختاري الحاجات اللي بتدوم وفي نفس الوقت تكون شياكة وبسيطة. بالتوفيق في التجهيز يا جميلة! 🌸
تم النشر الثلاثاء، ٢٣ يوليو ٢٠٢٤
الفوط ممكن ١٥ او ٢٠ بيبقى فى كله علبه فوط ٤ فوط اما عن الأنواع هتنزلى وتسالى بتوع المفروشات اى احسن الأنواع واى الوسط وهما عارفين كل حاجه وادخلوا فى اكتر من محل
تم النشر الأربعاء، ٢٤ يوليو ٢٠٢٤
٥ او ٨ للملايه السراير الصغير لأنى كل كيسه بيبقى فيها ٢/اما الكبير فى ناس بتجيب ١٢ او ٨ والى هيه تقدر برضه تجيبه تجيبه عادى
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا