انا عندي 20 سنه وماما عمرها م اتكلمت معايا ع النضافة الشخصية وكده بس انا بعمل كل حاجه لوحدي والحمد لله وكده بس بعمل من غير علمها وكده لاني حاولت اتكلم معاها وان دي نضافة ليا وكده بس رافضة تماما وبجد انا تعبت من افكارها دي ، حاولت اتكلم معاها بهدوء كتير وادخل خالتي تكلمها اني اشيل شعر ايدي ووشي او عموما فوق شفايفي وكده لانه ظاهر جدا وايدي كمان باين منها وبجد صحابي بيتريقوا عليا وان انا فعلا كبيرة ازاي معملتش ده ولا مرة ف حياتي ، حاولت كتير اكلمها بس برضو شايفه ان ده قله ادب وحلفتلي لو عملته من وراها هتقعدني من الكلية وهشوف عقاب كبير ، فعلا هي صعبة جدا وتفكيرها تفكير ناس مش متعلمه بجد مع انها فاهمه وعارفه يعني بس معرفش ليه بتعمل كده ، انا بشيل الاندر ارم والبكيني لوحدي وبجيب المنتجات دي من مصروفي بعيد عنها وكده ، فهل ده حرام ؟
واتصرف ازاي عشان تعبت من تنمر اي حد يشوفني بجد وبيلاحظ ده جدا يعني وبتحرج اخرج من البيت ومبقتش عارفه اعمل ايه ؟
هو وضع صعب طبعا ...بس عشان متقعدكيش فعلا من الكلية ولحد ما تقدرى تقنعيها انتى او خالتك ...ممكن تجيبي بودرة تشقير وتستخدميها بديل للازالة . حاولى تجيبي اى فيديوهات بتتحدث عن احاديث الطهارة وتخليها تسمعها بشكل غير مباشر...لعلها تتفهم بإذن الله
تم النشر الأحد، ٢١ مايو ٢٠٢٣
• طاعة الوالدين واجبه فيما لا يُغضب اللَّه وفيما لا يضرك ، أما عن جسدك ونظافتك الشخصية هذا أمر شخصي بحت ، وكُل إنسان حُر في جسده طلما أنكِ لا تقومي بعمل شئ حرام فلا بأس وليس من حقها كأم أن تستخدم سُلطتها عليكِ في مثل هذا الأمر ، لذا الآن لابُد أن تعلمِي أن المناطق الحساسة شرعًا لابُد أن تُزال ، لأن وجودها نجاسة ، وقذارة وعكس الفِطرة وعكس حديث الرسول ، ووجهك ضروري يُزال لأن وجهك أمام الناس ، باقي الجسد غير مُهم في هذا السن ، من المُفترض أنكِي مُحجبة ، والخروج باللبس الفضفاض الذي لا يصف ولا يشف ، وبالتالي لا الذراعين ولا القدمين سوف يظهروا ، فلا بأس أن تستمعي إليها في هذه النُقطة ، لكن ما غير ذلك لابُد أن يُزال سواء هي وافقت أو رفضت ، ولا تُناقشي مثل هذه المواضيع الخاصة والحساسة مع أقاربك أو مع ذكور ، تحياتي.
تم النشر الثلاثاء، ٢٣ يناير ٢٠٢٤
• مع كامل إحترامي حبيبتي هذا النقاش شخصي فلا تخوضيه مع ذكور أبدًا ، فهذه النقاشات غير لائقة مع الشباب ، هذا أمر نسائي تُجيب عنه النساء فقط.
تم النشر الثلاثاء، ٢٣ يناير ٢٠٢٤
خلاص انتي سيبك من كل ده انتي ممكن تعملي الانتي عايزاه من وراهم طلامه هما مش موافقين وخلاص
تم النشر الأحد، ٢١ مايو ٢٠٢٣
بالظبط بالله ده اللي بقوله وبحاول اوصله ليهم ان سهل جدا اكلم شباب حتى لو قافلين عليا زي م معتقدين بس بالله بالله ولا عمري عملتها ومش خوف منهم خالص كمان ، بخاف ربنا قبل كل ده وطول م ده حرام ف مستحيل اعمله حتى لو هما موافقين ، لكن ازاله الشعر دي مش حرام ف اييه الغلط بقى ؟ ، مكبرين الموضوع مع انه بالله عادي جدا لو بس يسمعوني ويتفاهموا ان دي حاجه ملهاش علاقة بالادب والاحترام
تم النشر الأحد، ٢١ مايو ٢٠٢٣
بصي انا اسف ولله مش قصدي حاجه بس البني ادم لو عايز يعمل حاجه هيعملها حتي لو ايه البيحصل قدامو انتي لو عايزه تكلمي ولاد هتكلمي حتي لو مش بتنزلي من البيت بس الفكره بتكون فيكي انتي انتي متربيه دي نقطه النقطه التانيه ان في ناس كتير حتي لو اهلهم مش فارق معاهم يتعملو مع ولاد بيكونو هما نفسهم رفضين الفكره وانا شايف ان انتي تعملي الانتي عايزاه من وراهم وممكن تحوشي وتشوفي ممكن تعملي ليزر دي عامليه تقريبا بتخلي الشعر ميطلعش تاني لو عملتيها هتبقي خلصتي المشكله دي وارتحتي
تم النشر الأحد، ٢١ مايو ٢٠٢٣
مش عارفه بجد ودايما عقاب ع اقل حاجه اصلا ف مش عارفه لو عملت كده هتعمل ايه بس انا والله تعبت وهما محدش فعلا حاسس بيا ولو شايفين شعوري وانا منعزلة ومش بنزل بسبب كده ، تحكمات ف كل حياتي وكأني طفلة ومبعرفش حاجه والمشكلة شايفين ان ده الصح وده هيخليني مكلمش ولاد ولا اعمل حاجه غلط ، ونفسي حد منهم يبقى قريب مني ويفهمني لمرة واحدة بسس
تم النشر الأحد، ٢١ مايو ٢٠٢٣
واسف لو افورت في الكلام معاكي او اتكلمت بأسلوب وحش او تدخلت في حاجه متخصنيش
تم النشر الأحد، ٢١ مايو ٢٠٢٣
انا شايف ان انتي تعملي الانتي شيفاه صح وانتي كبيره كفايه علشان تخدي قراراتك لنفسك
تم النشر الأحد، ٢١ مايو ٢٠٢٣
انل مش فاهم معو لو هنتكلم علي اختلاف الزمن فزمان مكنش في حاجه اسمها تنمر ومكنش البنات بتنزل من البيت اصلا ولا بيتعملو مع حد انما دلوقتي كل الناس بتتعامل مع بعض انا شايف ان خلاص طلامه هي شايفه ان دي حريه شخصيه يبقي انتي عايزه تهتمي بنفسك يبقي تهتمي طلامه هؤ حريه شخصيه ليه بتتحكم فيكي وانتي مش صغيره انا شايف ان انتي كبيره كفايه علشان وبتفهمي وبتفكري ومعلش محدش هيهتم بحالتك النافسيه لو حصلك حاجه بسبب التنمر في ناس كتير جدا دفعت حياتها تمن التنمر محدش هيهتم لو حصلك حاجه علشان محدش هيحس بالفيكي غيرك
تم النشر الأحد، ٢١ مايو ٢٠٢٣
دخلت خالاتي يكلموها برضو مش مقتنعة وشايفة ان دي قله ادب وهبقى مش محترمة وبتاع ، ولما سالتها نفس السؤال وكده قالتلي الزمن بتاعنا غير دلوقتي ، مش فاهمه بجد يعني لما اهتم بنفسي كده هعمل ايه ؟ ايه الفكرة ف الزمن بجد ؟ ، حاولت اقولها ع التنمر وكده وكمان قولتلها الدكتورة اتكلمت معايا ف الموضوع ده ف قالتلي قولها دي حرية شخصية ومن فضلك متكلمنيش ف كده تاني او تجيبي رقمها وانا اكلمها ، ف متخيل بجد دماغها ايه ؟
تم النشر الأحد، ٢١ مايو ٢٠٢٣
طب مينفعش تشوفي حد اكبر منهم ستك او جدك مثلا ياما تعملي من وراهم اصل انتي مش صغيره ودي حاجه متخصهم وانا اسف يعني بس انتي عايزه تفهميني ان مامتك مكنتش بتهتم بنظافتها الشخصيه انا شايف ان دي حاجه بتاعتك انتي ومحدش ليه دعوه بيها
تم النشر الأحد، ٢١ مايو ٢٠٢٣
بابا بيقولي مامتك تعرف اكتر واللي شايفاه صح هو اللي تعمليه ، قولتله ان ده مش صح وحقيقي محدش فيهم متفهم ده وانا مش معايا اخوات بنات وكده ف بجد تعبت جدا منهم ولما زهقت وهي مش مقتنعه ف قررت اعمل من وراها بقى وخلاص ، لكن اللي بيبقى ظاهر ده وكده صعب جدا ومش عارفه اتصرف وبقيت حرفيا مش بخرج بسببهم
تم النشر الأحد، ٢١ مايو ٢٠٢٣
هو مش حرام علشان دي نظافه شخصيه وعلفكره انتي ممكن تقولي لباباكي لو موجود ودي حاجه مينفعش تسكتي عليها علشان انتي بنت دا انا ابويا بيقولي احلق دقني علشان ابقي نظيف وانا مش بوافق فانتي ظبطي شكلك بمزاجك حتي لو هي مش موافقه دي حاجه بتاعتك
تم النشر الأحد، ٢١ مايو ٢٠٢٣
لعرض السؤال في فدني اضغط هنا