هل الدين هو المعيار الوحيد والصحيح
لاحكامنا واراءنا ونظرتنا تجاه الناس والحياه
هو المعيار الاصح والاوحد والاساس لكل شىء ...لانه تعاليم الخالق وهو ادرى بمن خلق. ولله المثل الاعلى....تخيل انك اشتريت جهاز من شركة apple تفتكر هتروح تشغله بنظام الاندرويد ....طبعا لا ...انت هتتبع النظام اللى نازل مع الجهاز وهتقرأ كتالوج الجهاز اللى جاى من الشركة المصنعه نفسها ...ولو اتعاملت بطريقة تانيه غيرها هيحصل انك مش هتستفيد بمميزات الجهاز وكمان هتبدأ المشاكل تظهر كتير واحتمال يبوظ منك خالص. فترجع تروح للتوكيل بس بتبقي التكلفة اغلى لانك متبعتش ارشادات المصنع. ربنا خلقنا وادانا الدين عشان نعرف ارشادات التعامل الصحيحة ...فعلينا النظر من خلال الدين اولا
تم النشر الأحد، ٢٧ نوفمبر ٢٠٢٢
الدين هو الأساس وكفي
تم النشر الخميس، ١ ديسمبر ٢٠٢٢
اخي الكريم الدين دايما هو الاساس والاصل ومن بعده يسمي شرائع او بمعن صح تفسير للدين
تم النشر الأحد، ٢٧ نوفمبر ٢٠٢٢
انصحك تتابع عثمان الخميس ومحمد الغليظ وامير منير ومصطفى العدوي وعلاء حامد ومحمد عباهرة
تم النشر الاثنين، ٣٠ يناير ٢٠٢٣
الدين هو الطريق الصح مش الأصح يعني غيره غير صحيح أصلا حتى لو رأيت ذلك فكرة الحاجات اللي عليها جدال فروح لرأي الدين وكل حاجة مستحدثة هتلاقي ليها أصل في الشريعة في حال ده محصلش اسأل شيوخ موثوقين بس مثلًا عمل المرأة فهو مش حرام أبدًا بس الاختلاط والخضوع في القول حرام موضوع الفلوس في البنوك عليه اختلاف بس يفضل إن تعمل مشروع أو حاجة بعيد عنه لأنك لا تدري الفوايد اللي بتجيلك مصدرها إيه ومهما حصل فيها شبهة ربا لأنك متعبتش علشان تاخد أجر تعبك وكمان الظروف الحالية للجنيه فوايد البنك مش هيعوضها لو عملت مشروع على المدى الطويل هتكسب أكتر بكتير والزكاة بركة المال السفر مفيهوش حاجة بس الفكرة إن الواحد مش عارف يحافظ على دينه فيبلد اسلامية هيقدر يحافظ عليه في بلاد علمانية؟ لو هتحافظ على دينك هناك وتبعد عن كل ما فيه معصية وده هيكون أصعب من المعيشة في بلدك يبقى سافر بس حد حدود دينك وحاول تنصره لأن مفيش فلوس هتنفعك لو خرجت عن الدين والله أعلم وربنا يوفقك للخير والصح
تم النشر الأحد، ٨ يناير ٢٠٢٣
اكيد لاان الدين واضح بكل ما فيه من مبادئ وفروض ومن الناحيه الحاسيه احنا لما بنمشي مع الفروض دي بنبق اكتر الناس مرتاحين
تم النشر الأحد، ٨ يناير ٢٠٢٣
بكل تأكيد "نعم" هو المعيار الصحيح لأحكامنا واراءنا ونظرتنا تجاه الحياة والناس والأشياء كمان.. لأن بكل بساطة الدين هو الدستور اللي رب العباد سبحانه وتعالي وضعه عشان ينظم بيه حياتنا ومسارها، زي ما في أخت فاضله شبهته بالكتالوج وده صحيح ربنا هو الخالق لينا وبالتالي هو الأعلم بخلقه فبالتالي وضع لينا الدين عشان يكون المعيار اللي نرجعله في شؤون حياتنا لأنه الأعلم بخلقه، وانا تابعت الكومنتات بتاعتك في مسئله اختلاف الأمور والقضايا في عصرنا عن عصر النبي مثلاً صل الله عليه وسلم وعشان الأشكاليه دي بالذات وجد علم أسمه "علم القياس" ونواة العلم ده النقطة اللي حضرتك بتتكلم فيها، مثلاً، هل الموبايل حلال ولا حرام لان وقت النبي صل الله عليه وسلم مكانش فيه موبايل فتلاقي بعلم القياس يتقالك والله الموبايل ده اداة ومسئله حلالها من حرامها راجع لأستخدامك ليه.. أنت بتستخدمه في ايه؟! وانا شايف بقي ان نقطة علم القياس دي واحده من أقوي النقاط اللي بتثبت ان دينا ده دين عظيم وصالح لجميع العصور والأزمنه لأنه دين يُسر وليس عسر فبالتالي احنا معندناش جمود في نصوص معينه إلا أحكام الشريعة طبعاً!! عدا ذلك هو قابل للنقاش والتطبيق العملي بما ينفع العباد فتلاقي بالمنطق كده وده اساساً اللي جه بيه دينا انه بيخاطب عقل الأنسان الواعي ويقيس معاه الأمور ومن هنا نشوف الحلال من الحرام.. فأظن بعد الأنسيابيه والمرونه دي في دينا هتكون اجابتي ان اساساً مع وجود دين كامل بيحترم عقليتي والمنطق بتاعي كأنسان واعي ومُفكر ان لا يمكن يكون في مرجعيه تاني غيره ينفع أستند إليها في أمور دنيتي وحياتي 😉🖤📿
تم النشر الأحد، ٨ يناير ٢٠٢٣
لعرض السؤال في فدني اضغط هنا