ايه علاج الكسل، الواحد تايه مش عارف يعمل ايه ولا ايه نفسي احصل دنيا وآخرة بس الكسل مخليني ممكن اقعد اقلب في التليفون وانا بفكر اعمل ايه واليوم يخلص من غير ما اعمل حاجة.
الواحد نفسه يختم القرآن ويتعمق في الدين، وكذلك يتعلم ويطور نفسه في الدنيا، بس دايما حاسس بخمول وكسل، ازاي الواحد يبقي نشيط وينمي نفسه
قرأت مرة لشخص انه كان كسول جدا ومش بيعمل حاجه ومكنش عنده موانع صحيه وفي فترة ربنا هداه وبدأ يحافظ على عد صلاة الضحى يوميا ولقي نفسه بقي نشيط جدا وبيعمل حاجات كتير في حياته حتى اهله استغربوه وربط ده بأن صلاة الضحى زي ما الحديث بيقول صدقة عن كل مفاصل الجسم فلما بقي يتصدق عن مفاصل جسمه ويؤدي صدقتها جسمه تحرر وتحرك .. دي حاجه الحاجه التانيه التزم بنصيحة رسول الله صلى الله عليه وسلم لما قال لفاطمة وعلي رضي الله عنهما لما طلبت فاطمة رضي الله عنها منه خادم قال لهما اذا اويتما الى فراشكما فسبحا ٣٣ واحمدا ٣٣ وكبرا ٣٤ فذلك خير لكما من خادم الحاجه الثالثه التزم بورد قرآنك اليومي وكلما زاد وردك زادت بركة يومك قال أحد السلف : كلما زاد حزبي من القرآن، زادت البركة في وقتي، ولا زلت أزيد حتى بلغ حزبي عشرة أجزاء وقال إبراهيم بن عبد الواحد المقدسي موصياً الضياء المقدسي لما أراد الرحلة للعلم : " أكثر من قراءة القرآن ولا تتركه؛ فإنه يتيسر لك الذي تطلبه على قدر ما تقرأ ". قال الضياء: فرأيت ذلك وجربته كثيراً، فكنت إذا قرأت كثيراً تيسر لي من سماع الحديث وكتابته الكثير، وإذا لم أقرأ لم يتيسر لي . المصدر: ذيل طبقات الحنابلة لابن رجب (٣ / ٢٠٥) وخلي وردك يكون في بداية يومك اول حاجه تعملها في يومك هي وردك رابعا اكثر من هذا الدعاء في اذكار الصباح والمساء ( اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال ) وكمان ادعي اللهم علمني ما ينفعني وانفعني بما علمتني وبارك لي فيه وابعد عن الموبايل قدر الامكان امسكه نص ساعه بس في اليوم مثلا حددها لنفسك وتسيبه فورا اول ما تخلص لان التليفون مش هيموت ولا هيحصل حاجه لكل ال بتعمله عليه لو تركته سنه ثم رجعت هتلاقي كل ال عليه زي ما هو مفيش جديد ومفيش حاجه هتطير وكل ما تمسكه تذكر انك ستسأل عن عمرك فيما افنيته وعن شبابك فيما ابليته
تم النشر السبت، ٣١ ديسمبر ٢٠٢٢
الواحد لما يكون عاوز يتخلص من عادة سيئة ...لازم يبدأ بانه يبعد عن المحفزات المربوطة بالحاجة دى مثال : ١. نبدل الموبايل السمارت بموبايل عادى لغرض المكالمات فقط.( ايوه خطوة صعبه بس الموضوع خطير) ٢. منقعدش على اى كنب او سرير طول اليوم ...ونختار مكان للجلوس مش بيودينا للراحه اللى صعب نسيبها دى. ٣. نحط نفسنا فى اعمال شاقه شويه حتى لو تطوعيه ...عشان يبقي الراحه هتؤدى لنوم مش مجرد جلوس ووقت فاضي. بدايل كتير خطوة خطوة وكله هيبقي احسن ونبدا حتى لو بحاجة بسيطة وفكر نفسك دايما ان فى سؤال هيتسأل فى القبر ( عن عمرك فيما افنيت)
تم النشر الجمعة، ٣٠ ديسمبر ٢٠٢٢
قبل اى حاجة الاستعانة بالله والصلاة "فى وقتها" هى اللى كفيلة بإذن الله تنظم وقتك انا مش متخصص بس دى حاجات ممكن تساعدك انشاء الله اول حاجة انك تتخلص من المشتتات ومسببات المماطلة زى الموبايل اللى ظاهر من كلامك انه بيضيع وقتك تانى حاجة الهدف يعنى لازم يكون عندك هدف هتوصله يعنى مش بذاكر لمجرد المذاكرة ولا بقرأ القرآن لمجرد القراءة لأ لازم يكون عندك هدف قوى يحفزك تالت حاجة تحدد اهدافك اليومية "مش جدول" يعنى مثلا النهاردة مش هنام غير لما اعمل كذا وكذا ويا ريت تكون كاتبهم قبلها بيوم وتعلقها فى اى مكان ظاهر بالنسبالك ومتححدش وقت معين للهدف الا لو هتلزم بجد رابع حاجة توقف عن المماطلة يعنى "دلوقتى مش بعدين" ولا تأخر دقيقة كمان بمجرد تكرار العادة هتثبت كروتين يومى وهتبطل مماطلة بإذن الله
تم النشر الجمعة، ٣٠ ديسمبر ٢٠٢٢
ياريت تكشفي علشان تطمني على صحتك .. ربما يكون موضوع الخمول ده يكون ليه أثر صحي .. نقص اي فيتامينات او معادن في الجسم.
تم النشر الجمعة، ٣٠ ديسمبر ٢٠٢٢
اعرف حاجه انك مخلوق علشان تعبد ربنا الكسل عمره ما كان حاجه غريبه كلنا بتجيلنا فتره كسل نزل ابلكيشن ختمه علشان القران و الصلاه خليك طول الوقت متوضى و معاك سجاده الصلاه و ع المسجد علطول لو بتكلم بنات بلوكات علطول فى مقوله بتقول متخليش الدنيا تمشى علاقتك بربنا خلى علاقتك بربنا هى اللى تمشى الدنيا واللهم الهدايه لينا جميعا ✨
تم النشر الجمعة، ٢٠ يناير ٢٠٢٣
ومش عارف أبدأ منين انا عندي ٢٦ سنة ودايما حاسس اني مش هلحق والعمر بيجري بيا، ياريت لو حد يوجهني
تم النشر الجمعة، ٣٠ ديسمبر ٢٠٢٢
أعتقد أفضل حل هو تظبيط النوم ننام بدري نصحى بدري نعمل كل حاجة بعد الفجر الإنتاجية هتتضاعف
تم النشر الاثنين، ١٧ يوليو ٢٠٢٣
محتاج موجه بشكل مباشر أو غير مباشر بمتابعة قنوات وصفحات المؤثرين
تم النشر السبت، ٣١ ديسمبر ٢٠٢٢
لعرض السؤال في فدني اضغط هنا