انا ماما توفت فى شهر عشرة الموضوع صعب اكيد ولحد دلوقتى مش قرة استوعب انها خلاص مشيت فنفس الوقت بابا قرر يجوز الموضوع صعب اوى والله العظيم اكلمت معاه بس رافض ومصمم على الموضوع دلوقتى انا مش هتحمل حد يقعد مكان امى وتصرفاته غريبه نزل يشوف مطابخ وستاير علشان العروسة عاوزة، معاملته اتغيرت مش مهم انا لكن مع اخواتى الصغيرين الموضوع صعب علينا كلنا اخويا كان ماسك السكينة كذا مرة وحياتنا كلها بقت متشقلبه ينفع اكلم معاه أن ياخد شقة بره ليها واحنا نقعد على حاجة امى ولا امشى واقعد مع تاتا ام ماما محدش يقولى اقعدى لان مش هاعرف والله ده غير كلام تاتا وعماتى اللي يقطع الواحد من جواه وساكت
اولا ربنا يرحم ماما. وان شاء الله احسن مننا بكثير ربنا يغفر لها ان شاء الله. الموضوع مش سهل ومش بسيط تقيل انا عارفه قد ايه ثقيل حتى لو كان عدى عليه قد ايه مش سهل ان في حد يلاقيني حد ما كان ممكن جاي يعيش في البيت وياخذ مكانها وعندك طبعا واضح ان هو ما لحقت للموضوع خالص ولا اديتكم مساحه وتقبلوا الموضوع ده حقك اه طبعا اتكلمي معاه انه احنا مش هنقدر ان احنا. نتقبل حد جديد عايش في البيت واحنا لسه منعرفوش هي ممكن تكون كويسه وكل حاجه بس احنا مش مش عارفين عنها حاجه وما اخذناش فرصه ان احنا نعرفها فالموضوع صعب علينا فيعني بعد اذنك يا بابا يعني خلينا نشوف حل وسط لحد ما نقدر نتعرف عليها يعني حتى لو لو انتم مقررين لا مش هتتعاملوا معاها نهائي او مش هتحطوها في مكان والدتكم بس يعني لو دخلتيني الموضوع بالطريقه دي هيكون الطف كثير واطلبي الطلب ده واقترحي الاقتراح ده. يا اما انتوا.
تم النشر الأحد، ١ سبتمبر ٢٠٢٤
بصي هقولك نصيحه اولا ربنا يصبرك علي فراق مامتك ويرحمها يارب تاني حاجه حابه اقولك فكري في باباكي كمان زي ما فكرتي في نفسك واخواتك اكيد والدك كبير في السن وهيجي عليه وقت هيعوز حد جمبه يراعيه ويهتم بيه خليكي صريحه مع نفسك هل انتي هتقدري تراعي باباكي واخواتك وده طبعا جمب الدراسه طاب فكري كده لما تتجوزي وتسيبيه هيعمل ايه كل اللي اقدر اقولهولك انك هتشيلي ذنبه لكن بجد نصيحتي ليكي لا تسيبي البيت ولا الكلام الي بتقوليه ده خليكي في بيتك جمب اخواتك وباباكي والست اللي هتيجي دي انتي اعملي اللي عليكي وعامليها بما يرضي الله واكيد هي هتعمالك كويس طالما لقت منك المعامله الحلوه اكيد مش هتكون بدل مامتك ولا مكانها طبعا ولكن والله يابنتي الحياه هتمشي وكله هيعدي ومين عارف يمكن الست دي ربنا باعتها ليكو عوض وانتي مش حاسه بلاش تكرهيها وتعمليها وحش مش قبل ما تشوفي الي جواها ومعاملتها ولنفترض انها طلعت وحشه عامليها انتي بتربيتك واخلاقك واكيد مع الوقت لو هي وحشه هتتغير وربنا يقدملك الي فيه الخير
تم النشر الاثنين، ٢ سبتمبر ٢٠٢٤
حاسة بيكي ياروح الروح🥺 حاسة بيكي لإن ماما سابتني برده في اهم فترة في حياتي! وتوهت لمدة سنتين ورجعت تاني الحمد لله بس رجعت اقوى من الأول، اقوى بربنا سبحانه وتعالى دي اهم حاجة انك تقوي علاقتك بربنا عشان تلاقي حد تحكيله وتشكيله وربنا يجعل حياتك كلها ورد يارب انتي واخواتك. من حيث باباكي كلميه بهدوء خالص وفهميه انك مش هتقدري تقبلي واحدة تانية غير مامتك وشوري عليه لو يقدر يجيب لكم بيت تاني طالما دا هيريحك، ولازم ياروحي برده تحترمي رغبة باباكي عارفة انها صعبة بس دي سنة الحياة ويارب تكون ست كويسة على خلق ودين. وخلي بالك من مذاكرتك ومن اخواتك واهم حاجة الدين هو اللي هيعينكوا على صعوبات الحياة.
تم النشر الاثنين، ٢ سبتمبر ٢٠٢٤
عزيزتي، أستطيع أن أستشعر مدى الألم الذي تشعرين به بعد فقدان والدتك. الفقدان ليس سهلاً أبدًا، خاصة عندما يكون الشخص الذي فقدته له مكانة كبيرة في حياتك وفي حياة عائلتك. من الطبيعي أن تشعري بالحزن والارتباك في هذا الوقت. أما بخصوص قرار والدك بالزواج مرة أخرى، فهذا موضوع حساس جدًا. قد يشعر بعض الأفراد بأن الزواج هو طريقة للمضي قدمًا، بينما قد لا يستطيع البعض الآخر قبول هذا الأمر بعد مرور وقت قصير على الفقد. من المهم أن تدعمي أخوتك الصغار في مشاعرهم وأن تكوني بجانبهم في هذا الظرف الصعب. يمكنك محاولة الحديث مع والدك بطريقة هادئة، تعبرين له فيها عن مشاعرك ومشاعر أخوتك، وأنكم جميعًا بحاجة إلى وقت للتكيف مع هذا التغيير. اشرحي له أنكم لا تعرفون كيف تتعاملون مع الوضع، وأن كل ما تحتاجونه هو مزيد من الوقت لتقبل الأمر. إذا كان الوضع يزداد صعوبة، فكري في أن تتحدثي مع أفراد آخرين من العائلة، مثل الجدات أو الأعمام، ليكونوا داعمين لكم في هذه الفترة. تحدثي عن مشاعركم بصراحة، واسمحي لهم بمساعدتكم في تجاوز هذه اللحظات الصعبة. لا تترددي أيضًا في مراجعة مختص نفسي إذا احتجت لتوجيه إضافي. من المهم أن تُعطوا لأنفسكم الحق في الحزن والتعبير عن مشاعركم، فهذا جزء من عملية الشفاء. تذكري، مهمتك الرئيسية هي دعم بعضكما البعض كعائلة. والأوقات العصيبة يمكن أن تقرب العائلات إذا تم التعامل معها بطريقة صحيحة.
تم النشر الأحد، ١ سبتمبر ٢٠٢٤
انا قايمة بكل ده من يوم وفات ماما يعلم ربنا انى مش بحتاج لحد ولا حد بيسعدنى فحاجه بقالى سنة الا شهرين على الوضع ده عادى عندى استعداد اشيل اخواتى لآخر نفس واحافظ على مكان والدتى الله يرحمها
تم النشر الأحد، ١ سبتمبر ٢٠٢٤
هل والدك لديه القدرة المادية على توفير مكان آخر؟ وهل أنتِ قادرة على القيام بشؤون إخوتك والاهتمام بالبيت والتركيز في دراستك؟
تم النشر الأحد، ١ سبتمبر ٢٠٢٤
لعرض السؤال في فدني اضغط هنا