طالما مقلش بشكل مباشر متحطيش الموضوع ف دماغك لان ممكن المعامله الكويسه منه احترام تقدير هو اسلوبه لطيف مع الكل الحب حلو جدا بس متعلقيش قلبك بحاجه مش مضمونه او هو مقلش ده صراحة عشان يجي يتقدم ...الفكره انك هتفضلي حاطه الفكره ف دماغك ومقتنعه بيها وهتتعبي ف الاخر لو لقدر الله طلع فعلا مش بيحبك او اتفاجئتي انه ارتبط الموضوع هيبقا صعب عليكي جدا
تم النشر الخميس، ٩ مارس ٢٠٢٣
الافعال حاجة، والتلميحات او فهمك حاجة تاني يعني ايه الكلام ده؟ امتى تاخدي الامر على محمل الجد؟ _ لما هو يقولك مباشرة انا بحبك وعايز اتجوزك، طيب التلميحات والكلام اللي مش مفهوم ومبهم ده، طيب ده اصله عمل حاجة كده بينت انه معجب او كذا .. لأ ده مش دليل ملموس في ايدك، انتي كده اللي بتعمليه انك بتكبري الموضوع في دماغك زيادة، وهو ممكن اصلا ميكونش فيه اي حاجة من ده كله، وما الا الموضوع الا اوهام من عندك انتي. طيب هو مش وارد يكون عايز ياخد خطوة وبيحبك بجد؟ ممكن، كل شئ وارد .. ولكن عايزة اسالك سؤال هو ليه مش بيتحرك، يعني تمام واحد معجب بواحدة وعايز يتجوزها، ما يتكلم ويروح يقولها، ده لو كان غرضه جد فهماني طبعا. ف انتي قدامك حلين علشان تخلصي من كل التشتت ده. ل اما تركزي في حياتك وتعرفي انه لو عاوز فعلا ياخد خطوة جد من ناحيتك ف لازم ياخدها، بس تعملي ايه بقى؟ طريقة معاملتك معاه تبتدي واحدة واحدة كده تقللي معاه فيها، لو بتتكلموا كل يوم مثلا لا يوم اه ويوم لا .. يومين اه ويومين تلاته لا، يقولك مختفية ليه، معلش بعمل حاجات، معلش اصل صحبتي عايزني معاها في حاجة، رايحة فين جاية منين بلاش تفاصيل في الموضوع، تحاولي كل شوية تقللي كل حاجة بتحصل. لحد ما تشوفي اذا كان هياخد خطوة ولا لا .. لو معملش حاجة ياريت تقفلي الباب ده ومتفتحهوش تاني. الحل التاني وهو صعب شوية وهو انك تروحي وتكلميه مباشرة اللي بينا ده ايه؟
تم النشر الخميس، ٩ مارس ٢٠٢٣
ايه حدود وشكل وظروف الكلام بينكم؟
تم النشر الخميس، ٩ مارس ٢٠٢٣
لعرض السؤال في فدني اضغط هنا