انا لسه داخله الجامعه من شهر تقريبا واتحدث مع اي شخص اريد ان احدثه حرفيا لكن كلما شعرت ان هناك شخص يقترب مني اصده او عندما يريد ان يصادقني اصادقه لكن اقلل كلامي معه حتي يمكن ان يكون كلامي معدوم معه ولا اشعر بالراحه مع اي شخص وهناك اصدقاء لي اعرفهم منذ زمن وقد قاعت صديقه منهم لأسباب كثيرة والان هم يتجنبوني من اجلها وعندما اقابلهم بالصدفه يرحبون بي ويتكلمون وكأن مفيش حاجه فبرحب بيهم وبكلمهم عادي بردو عشان لو معملتش كدا هيقولوا اني الغلطانه وان صحبتي السبتها ليها حق وكدا والمشكله انهم معايا في نفس المكان انا دلوقتي مش عرفه اعمل اي بحاول اكون صداقات عشان مركزش معاهم بس مش عرفه مش متقبله حد وفي نفس الوقت حسه اني وانا لوحدي دا مريح اوي بس لما بشفهم مع بعض معرفش اي البيحصلي بحس اني عوزة اعيط اوي من العملوه فيا وانا اقسم بالله كنت بحبهم وبعملهم بما يرضي الله وكنت بخاف علي مصلحتهم اكتر مني (انا قصدي علي صدقتي السبتها بس مش كلهم مش عرفه اقول اني بعملها كدا هي بس) اعمل اي دلوقتي قلولي الحل؟ 🥺💔
رغبتك في عدم تكوين صداقات ده راحع لطفولتك ممكن لاسباب كتير منها مثلا انك بتخافي من الهجر وانك ممكن تبعدي عنهم لو قربتي منهم وتتوجعي محتاجه تشتغلي علي ده وتشوفي ايه اسبابه بالظبط بالنسبه لصاحبتك نصيحتي ليكي انتي محتاجه تتكلمي معاها وتقوليلها مشاعرك وحاسه بايه تجاهها ممكن يكون في سوء تفاهم ويزول حاولي تعملي الخطوه دي
تم النشر الخميس، ١٩ أكتوبر ٢٠٢٣
ابنتي الحبيبه الناس مختلفون عن بعضهم في السمات الشخصيه فهناك نمط اسمه(extrovert ) وهو نمط انبساطي طبيعته منفتحه يستمد طاقته وشحنه العاطفي من دوائره الاجتماعيه كالأصدقاء وهناك نمط اسمه(introvert ) يستمد طاقته وشحنه العاطفي من داخله وبالتالي يميل للإنعزال قليلا لأنه يشعر بالتوتر والصخب في وجود الحشود أو الضوضاء وهناك نمط يجمع بين الإثنين وهو (ambivert) وهو نمط ينفتح ويشحن مع الناس إلي حدما ثم ينسحب ويحب أن يخلو مع نفسه ويشعر بعدم الرغبه في الإنخراط مع الناس ثم وهكذا دواليك فما أطلبه منكي ابنتي الغاليه هو 1-أن تتعرفي علي نمط شخصيتك أولا حتي تحترمي رغبتك الداخليه وتتواءمي مع نفسك 2-تواصلي بهدوء مع أفكارك ومشاعرك وأفرغيها بأي طريقه وأي أسلوب علي ورقه بيضاء حتي تهدأي وتستطيعين التفكير بصفاء أكثر 3-والآن أنتي تخشين تقبل صداقات جديده حتي لا تتوجعين كما توجعتي في الماضي من علاقات سببت لكي الألم والمعاناه ولكن تأكدي أن نضج الشخصيه يحدث عن طريق الألم وليس الراحه والسهوله فانظري لما سبق من تجارب علي انها خبره أضافت لشخصيتكي وعلمتك الحياه ولا تخافي من تكوين صداقات جديده لأنك كلما اقتحمتي هذا الخوف شعرتي ان الموضوع عادي وانك شخص محبوب ومرغوب وطالما ان صيديقاتك القدامي يظهرون لكي الترحيب ويعاملونك بصوره حلوه فتعاملي معهم وتقبيلهم مره أخري ربما لا يتجنبوكي ولكن يكون هذا شعور ناتج عن فكرتك انتي 4-والآن إذا عبرت لكي خاطره من هذا النوع (لما بتشوفيهم بتتأثري) أعرضيها علي CCCC أول C هي catch امسكي الفكره ااقبضي عليها أول ما بتجيلك تاني C هي check افحصي الفكره هي صح والا غلط انتي مكبره الموضوع والا هو مدياه أكبر من حجمه تالت C هيchallenge اتحدي الفكره واثبتي عدم واقعيتها وعدم مناسبتها ليكي رابع C هي غيري الفكره (هما بيتجنبوني عشان يرضوا فلانه علي حسابي) لفكره تانيه زي مثلا ( هنا نفسهم يرجعوني للشله وخايفين من رد فعلي لأني ممكن ما أأقدرش أسامح صديقتي الي قاطعتها وفي نفس الوقت مش عايزين يخسروني) وكل فكره جديده عالجيها في ذهنك بهذه الطريق عشان تشوفي الأمور علي حقيقتها من غير تدخل مشاعرك وأحكامك وظنونك والعلاقات تحتاج لصبر وتقبل وتسامح ووضع حدود مع الآخرين فاقرأ عن هذا الموضوع وأنا واثقه في قدرتك علي تجاوز هذه المرحله بإذن الله
تم النشر الأحد، ٢٢ أكتوبر ٢٠٢٣
صاحبتك اللي سبتيها .. او العلاقة توترت ما بينكم .. هل ينفع انك تحاولي تصلحي الاوضاع تاني ما بينكم؟ ولا صعب! بالنسبة بقى لتكوين صداقات جديدة، انتي حاسه ب ايه مثلا لما تحاولي تتعرفي ع حد جديد؟ هتحسي ان العلاقة هتنتهي؟ او رد فعلك هيكون ايه؟ حاسه بالذنب اتجاه صاحبتك؟
تم النشر الخميس، ١٩ أكتوبر ٢٠٢٣
انا مثلك تماما أشعر بنفس الشعور وابتعد عن الكل تسالين الوحده جميله نعم انها جميله جدا ولكن متعبه كوني صداقات جميله أشخاص ترتاحين لوجوده صادقي المتفائلين كنصيحه مني عاملي الجميع بحب ولا تخبري اي سر من أسرارك لأحد مهما كان
تم النشر الخميس، ١٩ أكتوبر ٢٠٢٣
لعرض السؤال في فدني اضغط هنا