انا فاقدة الشغف و حاسة بالإحباط لاني مش عارفة ليه حظي وحش اوي كدة لاني بجد مهما اجتهدت مش بنجح في حياتي و دايما انا اقل واحدة في عيلتي عشان كدة ماعدش فارق معايا اسعى او اجتهد مع العلم اني في فترة امتحانات الثانويه العامه و انا متضايقة من نفسي لاني مش حاسة بأي خوف او قلق و بحاول و بضغط على نفسي عشان اذاكر بس برضو انا عايزة احس بالخوف شوية على مستقبلي مش عارفة ايه حالة التبلد السيئة اوي دي خصوصا اني شايفة قرايبي احسن مني في كل حاجة فبقيت مؤمنة بفكرة ان مهما عملت هم احسن مني مع اني مؤمنة بربنا و ظني بيه كبير بس الافكار دي مش بتطلع من عقلي و مخلياني مقصرة اوي في حياتي و مش عارفة احس بأي حاجة.
مع العلم اني بمر بمشاكل نفسية و عائلية هي الي محبطاني اوي و محدش واقف في صفي او بيسمعني.
فى البداية كده.من الواضح أنك مش راضيه عن الوضع الحالى وبتسعى أنه يتغير. انا حابه اقولك أن بدايه حل الموضوع هو من عندك انتى .انك تحاولى تكتشفى نفسك وتديها مساحة ثقه يعنى تبدأى تثقى فى نفسك وكمان تحددى ايه الهدف اللى بتسعى ليه وتبحثى ممكن توصلى ليه ازاى وحاولى تغيرى روتين حياتك وتبدأى تكتشفى هوايتك وتنميها وتعرفى ايه الحاجات اللى بتحبيها وتعمليها ولو ليكى صديقه حاولى تتواصلى معاها دايما وتبتعدى عن مناقشات سلبية صدقينى ده هيفرق معاكى جدا وتذكرى دايما أن ربنا معاكى فى كل خطواتك وبيساعدك. وتكونى واثقه من نفسك انك هتقدرى🌷
تم النشر الجمعة، ٢١ يونيو ٢٠٢٤
أنا كمان زيك أحيانا بشعر بكدا بس الفرق اللي انا عارف ان دا من الشيطان.... قال تعالى "إنما ذلكم الشيطان يخوف أولياءه" نفسك ليها دور كبير في نجاحك لو سيبتي نفسك تتحكم في افكارك حتما هتدمرك ولو قللتي من قيمه نفسك بردو هتدمرك لأن انت عايشه بيها ومش عايشه ليها انت اللي تقدري تسيطري عليها ولكن ما تقللي منها قال رسول الله صلى الله عليه وسلم «لا يحقرن احدكم نفسه» واستخدام ن التوكيد للتأكيد على النهي إليك بعض النصايح •بس انتي ممكن اجتهادك بطريقه واحده غيري نوع اجتهادك وطرق عملك ساعتها بس انتي هتكوني راضيه انك حاولتي انا عايز اقولك ان مستحيل... مستحيل انك يضيع تعبك لو بتشتغلي بنيه صادقه لوجه الله مفيش تعب بيضيع دا كلام ربنا مش كلامي "إن الله لا يضيع أجر من أحسن عملا" •اتركي اي معصيه ممكن تكوني بتعمليها هتخفي على نفسك اكيد • ابعدي عن الميديا لانها اكتئاب وملكيش دعوه بحد،«انتي ربنا ما خلقكيش نسخ من حد او عشان تبقى نسخه اوعي تفتكري ان وجودك في الدنيا مجرد فراغ لا اطلاقا حاشا لله ان يخلق شيء هباءا ربنا قال «ولقد كرمنا بني ادم» وقال «وكل شيء خلقناه بقدر» ولما الملائكه سألوه عن وجود الانسان بالارض لانه ممكن يفسد فيها ويدمرها يعني ملوش لازمه ربنا رد وقال «اني اعلم ما لا تعلمون» &كونك موجوده فأنت مميزه فلازم تدوري على ميزتك وما تبطلي ابدا لانك واحد بس ما في منك اتنين يا مريم •اتركي السوشيال ميديا لانها مصدر الاكتئاب وتضييع الوقت • لو تعبك شيء روح صلي على طول واقرأ قرآن جلسه لو تلت ساعه ممكن تغير يومك حرفيا •ميزي نفسك دايما وقولي انا احسن من امبارح ما تروح تنامي الا وانت من جواك عارفه انك احسن من امبارح مقارنتك بنفسك لحد اما توصلي لافضل نسخه وليس مقارنتك بالاخرين لانك ما اتخلقتي تصيري زيهم ولا العكس •تعلمي في مجالات كتيره عليك بالقراءه والقراءه ساعتها هتحسي بقيمه نفسك لما تدخلي مجالات كتيره عن زمايلك بس مع تنظيم الاهداف اخيرا حابب اقولك إن الفشل الحقيقي هو عدم اكمال الطريق الفشل الحقيقي هو &الاستسلام في الطريق& يكفيك شرف ارضائك لضميرك وشرف المحاوله وعدم الاستسلام دا في حد ذاته يرضيك على نفسك...
تم النشر الاثنين، ١٧ يونيو ٢٠٢٤
هو الموضوع كله فى الافكار اللى انتى وصفتيها ب ( مؤمنه بيها ) الايمان يعنى حاجة اترسخت جواكى بجد وبناءا عليها بتطلع كل مشاعرك غيرى قناعاتك الغلط دى لقناعات فعلا تؤكد ايمانك بالله ( ربنا اللى طلب مننا السعى حتى لو مفيش دلائل على نتيجة محدده - بس دايما فى ثقه فى ربنا الللى قدره كله خير ) المقارنه عمرها ما بتريح حد ...طول ما انتى شايفه اللى حواليكى اكتر من نفسك ...هتبقى شايفه انك قليلة مهما وصلتى لانجازات ليها قيمة
تم النشر الاثنين، ١٧ يونيو ٢٠٢٤
يا حبيبتي، أولاً أحب أقولك إن مشاعرك دي طبيعية جدًا وظروف الامتحانات والضغط المصاحب لها بتخلي ناس كتير تحس بالإحباط والتوتر. مهم نفهم إن الأحاسيس دي مؤقتة والمجموع مش بيحدد قيمة شخصيتك أو مستقبلك، ودايما في فرص جديدة وإمكانيات تتحقق مستقبلاً. قيمة نفسك : ركزي على إنك مميزة بطرقك الخاصة، بغض النظر عن الإنجازات أو المقارنات مع الآخرين. كل حد ليه طريقه ومكانه في الحياة. استعيني بالله : حلو إنك مؤمنة بربنا، خدي دقيقة كل يوم تتكلمي فيها معاه. الدعاء والاستغفار والراحة الروحية ممكن يساعدوا في تحسين مزاجك وثقتك بنفسك. خطوات صغيرة : حاولي تقسيم دراستك لمهمة بسيطة وصغيرة، بحيث تحسي بإنجاز صغير يديكي دفعة أمل. راحة ذهنية : لما تحسين إن الدنيا مضغوطة، اعملي حاجة بسيطة بتفرحك، زي تشربي شاي بنعناع أو تستمعي لأغنية هادية. الدعم الاجتماعي : اتكلمي مع حد من أهلك أو أصحابك اللي بترتاحي معاهم، مش علشان تحكي بس على الأقل علشان تحسي بالدعم. تجنبي المقارنات : فكري إن المقارنة زي فخ، تقريبي كل تركيزك وإنك على دربك الخاص. الثقة بالنفس : ذكري نفسك بكل حاجة كويسة عملتيها أو أي خطوة صغيرة ممكن تكون إيجابية. القرار الشخصي : افتكري إنك مش مضطرة تعملي حاجة كبيرة دلوقتي، خدي الوقت اللي تحتاجيه عشان تستعيدي طاقتك. الرياضة والتنفس : شويه رياضة خفيفة أو تقنيات التنفس ممكن تساعد جدا في تعزيز المزاج والطاقة. مشوارك طويل يا جميل، وخليكي على يقين إنك بتقدري تتخطى المرحلة دي. خدِ الأمور بهدوء، وكل حاجة بالتدريج. ربنا معاكي وأنا هنا لو حبيتي تفضفضي أي وقت. 💖
تم النشر الاثنين، ١٧ يونيو ٢٠٢٤
لسا مش لاقيتي الحاجه الي انتي شاطره فيها في ايدك الاختيار ياما تيأسي وتموتي شغفك بنفسك ياما تدوري وتلاقي الحاجه الي هتبقي شطوره فيها اوي
تم النشر الاثنين، ١٧ يونيو ٢٠٢٤
اوحش حاجه الاستسلام اوعي تعملي كدا وحاولي متبصيش لحد وزي مافي حد أنجح منك في الي أفشل منك والافكار الي فبالك دي ممكن هي الي مأخراكي متستسلميش علي الاقل فالفتره دي عشان هتندمي عمرك كله عليها حاولي تشدي حيلك وسيبك من اي حاجه تانيه تشغلك بالك ومتركزيش مع حد ركذي مع مستقبلك وبس ومتضيعيش وقت وحبي نفسك وافتخري بيها وخليكي دايما مع ربنا وصلي وادعي وحاولي تتماسكي ♥️
تم النشر الاثنين، ١٧ يونيو ٢٠٢٤
لعرض السؤال في فدني اضغط هنا