مشكلتى ان انا اجتماعيه ب زياده ودا بيبق غصب عنى يعن لما بخرج من البيت او لما الاقى حد عموما اتكلم معاه بقعد اضحك واتكلم واوقات بقول كلام مينفعش يتقال وصوتى بيبق عالى وف كذا حد يقعد يقولى وطى صوتك وانا مش بيكون قصدى يعن من فرحتى او مش عارفه ليه بعمل كدا ف بتكلم ب الطبيعى دا حتى لو حد غريب وبثق ف الناس بسرعه جدا وبقولهم كل حاجه عن حياتى وبقرب منهم بسرعه وع الرغم ان انا معنديش حد قريب منى ولا حتى صحاب ولا اى حد حرفيا بس زمايلى أو قرايبى بتعامل كدا معاهم وانا مش حابه كدا بس دى حاجه غصب عنى بتعامل ب طيبه وبتلقائيه ووالدتى قبل كدا حذرتنى كتير وانا بقعد اتخانق معاها لأنها بتجرحنى لما تنبهنى ب الحاجه دى عشان انا بكون عارفه غلطى بس مبعرفش اعمل اى وبعيط كتير بسبب موضوع زى دا وانا شخصيتى متردده بطريقه اوڤر ومش بفكر ف الكلام قبل اما أقوله بقول ولما اروح مثلا او ابق لوحدى اقعد اراجع اليوم من أوله ولاقى نفسى عملت حجات غلط كتير وقلت حجات غلط ودى عملالى مشكله كبيره مع نفسى يعن انا مش بحب اخرج ولا اتعامل مع حد ولا اتكلم مع حد وبيكون عندى مشاكل كتير بس لما اخرج اكن مفيش حاجه فيا ويتعامل ب الطريقه الاوڤر دى وكمان لما بقعد احكى ل اى حد عن حاجه مدايقانى مثلا بعدها بدايق ان انا قلت وافضل اعيط وليه قلت مفيش حاجه هتتغير ولا هيحصل حاجه دلوقت الشخص عرف وانا مش استفادت حاجه وبقعد أعاتب نفسى وبزعل ان انا حكيت اى حاجه وممكن اكون سوءت صورتى قدامه كمان ودى حاجه مدايقانى ولما بكون فرحانه او الاقى حد بيتكلم معايا ببق عندى باور كدا وبنفذ اى حاجه يقولها بس بعدها بكون مترددة وبرجع اعمل اللى ف دماغى برده
بحس ان ف حجات كتير اوى انا حقيقى مش عارفه اتعامل معاها وبدايق من نفسى يعن حتى لو عملت بوست او شير ل المسدج دى بعدها بدايق وبعاتب نفسى انا مش ببق عاوزه حجات كتير تحصل وبتحصل ومش بعرف اعملها skip خالص وكل دا بيدينى negative energy ل الحياه عموما ومش بعرف اتعامل بعد كدا ولو لقيت حد يتكلم معايا بعد ما أعاتب نفسى برجع اعمل معاه نفس اللى حصل وبفضل كدا ولو حد قالى حاولى تركزى ف كلامك بلاش تعملى كدا مش هيغير حاجه برده لان دى حاجه فيا وبتبق حاجه تلقائيه وبثق ف اى حد بسرعه وبعمل حجات متهوره كتير مينفعش تتعمل ومش عارفه اعمل اى حقيقى
والموضوع دا خلانى عصبيه جدا واخاف اتعامل مع الناس مع ان بتعامل معاهم برده ايزى بس بقيت عصبيه وبحب ابق لوحدى وأقطع علاقتى ب كل اللى حوليا ايزى برده بس مع ذالك بتعامل عادى وبضحك وبهزر يعن انا شخصيتى بحسها متردده جدا وانا مش فاهمه نفسى اصلا بس هى كل حاجه بحسها تلقائيه كدا حتى مش بحب اخرج اقعد مع اهلى عشان برده مش اتكلم أو اتعصب عنت بتعصب كتير وبخاف اتكلم وعنت بسرح كتير وعنت بسكت بس لما حد يقول كلمه اقعد اتكلم كتير واضحك وصوتى يبق عالى وهكذا وبثق ف الناس برده بسرعه وبخاف من البشر برده مش فاهمه انا فيا اى بالظبط
شكرا للثقة الكبيرة في طرح مشكلتك بكل تفاصيلها. أرى أن هناك عدة نقاط يمكنك العمل عليها للتحسن: تبدين شخصية اجتماعية بطبعها وحب للتواصل مع الآخرين، لكن ينقصك الثقة في نفسك وفي قدرتك على التحكم في سلوكك وكلامك. يمكنك تعزيز ثقتك من خلال ممارسة بعض التمارين مثل تسجيل نفسك وإعادة المشاهدة أو محاولة ضبط نفسك أثناء التواصل مع الآخرين. أنتِ شخصية مثالية وتريدين أن يسير كل شيء بشكل مثالي، وهذا يتسبب في قلق كبير من الأخطاء وعدم الرضا عن النفس. حاولي أن تكوني أكثر مرونة وتسامحاً مع نفسك، وتقبلي أنه لا يوجد شخص مثالي. تبدوين متشتتة في تعاملك مع الآخرين، تارة تثقين بسرعة وتخبرينهم عن تفاصيل حياتك، وتارة أخرى تشعرين بعدم الراحة. يجب أن تعملي على اكتساب الثقة التدريجية في الآخرين، وعدم إفشاء كل تفاصيل حياتك لأي شخص. تأنّي قبل إعطاء الثقة لأي شخص. يبدو أن لديك اضطراب في المزاج وتقلبات مزاجية، تارة متحمسة وتارة متشائمة. قد يساعدك تطبيق بعض التمارين التي تعمل على تهدئة المزاج والتحكم في الانفعالات مثل اليوغا أو التأمل. أتمنى أن تكون هذه النقاط مفيدة لك. تذكري أن كل تحسن يحتاج إلى جهد ومثابرة. لكن إذا استمرت مشاعر القلق وعدم الثقة في نفسك، فقد يكون من المفيد استشارة أخصائي نفسي. تحياتي لك!
تم النشر الأربعاء، ٢١ يونيو ٢٠٢٣
شخصيتك فيها مميزات كتير جدا، بصي طيب لو هنبدأ واحدة واحدة كده اولا مفيش نوع شخصية وحشة .. او مفيش نوع شخصية هنقول عليها ديه شخصية قاتلة .. متنفعش خالص. لا بالعكس .. لكل شخصية في الحياة لها عيوبها ومميزتها .. ف دلوقتي هنبدأ بالمميزات .. انتي شخصية اجتماعية، بتحب الناس، عشرية، شخصية انبساطية .. بتحبي تشاركي الارين تجاربك، من الواضح انك شخصية مستكشفة، + انك بتاأخدي الطاقة بتاعتك من انك تشاركي الناس في حاجه معينة. على النطاق التاني لو هنتكلم عن العيوب ف نقدر نسميها انا وانتي (نقاط تحسين) يعني ايه نقاط تحسين؟ يعني هنشوف ياترى ايه الحاجات اللي محتاجها احسنها في شخصيتي؟ ومش معنى ان فيه حاجه محتاجة تتحسن ان فيه حاجه غلط او الموضوع كبير اوي، لا بالعكس احنا اتفقنا ان كل الشخصيات فيها كل حاجه .. فيها حاجات قوية في شخصيتها وفيها نقاط محتاجه تتحسن. احنا محتاجين الاول اننا نهدي في انفعالتنا ومشاعرنا .. يعني زي ما قولتي مينفعش نثق في اي حد، مينفعش برضه نحكي كل حاجه لاي حد اول ما خلاص نعرفه، انتي عارفه الحاجات اللي متنفعش .. ف قبل ما تبدأي في حاجه وحساها غلط .. فكري قبلها ب 10 ثواني .. انا هقول ايه؟ طيب نتيجة اليل هقوله ده هيبقى ايه؟ وعلشان الموضوع برضه يتحسن معاكي تدريجيا .. محتاجين ننظم طاقتك .. يعني ايه؟ يعني انتي عندك طاقة كبيرة محتاجين نفرغها شوية .. وديه هتبقى بالرياضة، وياريت لو تلعبي حاجة قتالية .. هتكون مفيدة جدا ف انك تنظمي اندفاعيتك. انتي قولتي حاجه كويسة جدا وهي انك في اخر اليوم بتاعك بتراجعيه، ولكن انتي بتراجعيه بطريقة غلط! تعالي نعرف مع بعض الصح .. كويس جدا انك بتراجعي يومك حصل فيه ايه وياترى ايه الحاجات الغلط .. ولكن انتي بتراجعيه لهدف ايه؟ بهدف انك تأنبي نفسك على كل الحاجات اللي عملتيها؟ لو ده الهدف يبقى كده انتي بتعالجي الموضوع غلط. يعني هنعمل ايه؟ هتراجعي يومك ولكن بطريقة صحية اكتر .. يعني مثلا انتي عليتي صوتك النهارده .. طيب تمام انا هخلي بالي المرة الجاية .. انا اتصرفت ايوه بطريقة مش صح، هشوف ايه اللي خلاني اعمل السلوك ده وااضع ايدي عليه المرة الجاية. خلي فيه حوار بينك وبين نفسك ولكن مش بتأنيب الضمير ولا جلد الذات لان ده في الاخر مش هيودينا لنقطة كويسة .. خلي فيه حوار بطريقة صحية علشان تعرفي تعالجي الامور. النقطة التانية مامتك خايفة عليكي، مش قصدها خالص انها تزعلك ابدا، فحطي ديما في اعتبارك انها لو قالت ليكي حاجه ف اي قت ع سلوك ما ف هي خايفة عليكي مش اكتر، ف قدري النقطة ديه من قبل ما تأخدي موقف حاد منها. واخيرا .. شخصيتك فيها مميزات حلوة جدا استغليها كويس، ووظفيها صح .. اتعرفي عليها .. يبدو انك لسه صغيرة شوية مثلا تحت ال 20 او في اوائل العشرينات .. ف انتي لسه بتفهمي نفسك، اقري كتير في علم النفس والتنمية الذاتية، واتعرفي اكتر على نفسك. وده اختبار تحليل الشخصية هيفيدك جدا هتعرفي حاجات بنسبة معقولة عن نفسك.
تم النشر الأربعاء، ٢١ يونيو ٢٠٢٣
بصي حاولي تتظاهري بالزعل لما تخرجي من البيت مع حد وواحده واحده هتبدأ شخصيتك واسلوبك ف الكلام يختلف وانا شايف والدتك عندها حق مش تتكلمي في اي حاجه وحاولي تثقفي نفسك بحيث مش تقولي اي كلام تقولي بس الكلام المنطقي والصح
تم النشر الأربعاء، ٢١ يونيو ٢٠٢٣
هحاول حاضر تسلمى
تم النشر الأربعاء، ٢١ يونيو ٢٠٢٣
لا بروح ف داهيه بعدها عشان ف كلام مينفعش أقوله وبقوله بحسن نيه وف الاخر بدايق ان انا قولته
تم النشر الأربعاء، ٢١ يونيو ٢٠٢٣
هحاول شكرا
تم النشر الأربعاء، ٢١ يونيو ٢٠٢٣
يبدو أنك تعاني من بعض الصعوبات في التحكم في تفاعلاتك الاجتماعية والاندماج مع الآخرين. من المهم أن تعرفي أن هذه المشاعر والسلوكيات ليست أمرًا نادرًا وأنك لست الوحيدة التي تعاني منها. حاولي أن تثقي بنفسك وبقدراتك. لا تخافي من الأخطاء، فهي جزء طبيعي من الحياة ومن خلالها نتعلم ونتطور. وتعلمي كيفية التحكم في عواطفك وردود فعلك.
تم النشر الأربعاء، ٢١ يونيو ٢٠٢٣
يبقي حاولي تتحكمي في نفسك اتدربي ع دة خدي كورسات تنمية بشرية
تم النشر الأربعاء، ٢١ يونيو ٢٠٢٣
انا شايفة انك خليكي علي طبيعتك وبس ......
تم النشر الأربعاء، ٢١ يونيو ٢٠٢٣
لعرض السؤال في فدني اضغط هنا