فتت بتجربة حب اولى فاشلة وكانت حب من طرف واحد واخدت وقت تلات سنين عشان كنت متعلقة فيه كتير لدرجة ما اتوقعت انو ممكن الواحد يحب تاني، فجأة قابلت شب كان بس يشوفني يقف ويضل بس يطلع فيا ووين ما اروح يلحقني وكل ما باجي الجامعة ع هالحال حتى اصحابو من اول ما يشوفوني بنادوه دغري ، وبعدها مرة ع مرة من نظراتو بديت اعجب فيه ولاقيتو ضايلو أقل من فصل وبتخرج فقلت يعني اكيد ما بدو يتسلى وخلص بعد ما يتخرج اكيد بدو وحدة يتجوزها عشان بالتجربة الحب الاولى اخترت غلط قلت هاي المرة ما بدي اغلط وبدي احاول اكون مصحصة واختار صح قلت بدي اعتمد ع اختيار ربنا ودعيت شهر رمضان كلو يا رب ازا فيه خير قربنا لبعض ، ازا لا بعدو عني وبديش إياه وكنت اقلوا راضية باللي بتختارلي إياه وحلمت بعدها بفترة انو بطلع عليا وبضحك وكنت مبسوطة بالحلم كتير ، وقلت خلص هاي إشارة من ربنا الي انو هوا خير ، وقلت خلص ربنا هيعوضني فيه، كانوا صحباتي يقولولي مش هتكونوا لبعض وهوا بس بتسلى، ونا اقول بيني وبين حالي لا ربنا هيعطيني إياه عشان ربنا بدو يعوضني ، وانا
خلص حبيتو واعترفنا لبعض بعد سنة تقريبا ولما حكينا مع بعض صليت شكر لربنا انو خلص هوا صار الي ، بس هوا حكالي انو كان مرتبط قبلي وانها ما كانت منيحة معو وقلت خلص شكلو ربنا بدو يعوضنا ببعض ، كنت معرفة صحبيتي عليه وصحبيتي غالية عقلبي كانت هيا صحبيتي الوحيدة بس كانت تقلي بحكي معو بسالو عن تخصصنا وهيا كزابة بدها تزبطو الها وكانت تغلط فيا قدامو عشان يكرهني ويحبها وتقلوا عن مشاكل أهلها عشان يشفق عليها ويحبها بطلب صورها وبتبعتلوا وقال بتقلي زي اخويا وهوا وعدني ما يحكي معها بس بالاخير طلع كزاب بيحكي معها من ورايا ، وبعدها بفترة غير هيك سابني فجأة وقلي انا ما عشمتك بحاجة وما بدي نكمل نحكي مع بعض ومش ناقصني بنت تلعب بمشاعري ولسا ما طلعت من صدمتي من الحب الاول ،استغربت من كلامو كيف بحكي هيك ونا ع أساس ربنا بدو يعوضني فيه وارجعت لربنا وصليت استخارة تاني وقلت لربنا هوا كويس ولا لا وبدي اشوف أشياء بعنيا عشان أصدق بعدها بفترة صغيرة اجتلي سكرينات وهوا بيحكي مع صحبيتي وبيقلها انو ما بحبني اصلا هوا ولما قلي بدو يسيبني سابني عشان رجعتلوا حبيبتو القديمة الي بتشبهني، وسابني وكإني ولا دخلت حياتو اصلا ...
يروح هوا مع السلامة بس ليش ربنا يعشمني فيه ويقلي انو خير وبعدها فرجاني أنو مش خير بعد ما قلت للدنيا كلها عنو وهلقيت كل صحباتي متشمتات فيا مش عارفة ايش أقلهم أقلهم صدقت حلم حلمتو .. بقعد بقول يمكن في منو خير الي صار بس وين الخير ونا خسرت اتنين بحبهم هوا وصحبيتي يعني وين الخير وين العوض وهاي مصيبة الي حرفيا طلعت من مصيبة تجهزني لمصيبة تانية..
حتى هما مش شايفين حالهم غلطانين هيا عايشة دور الضحية وقلبت كل شي عليا وقالتلي بتبيعي صحبيتك عشان شب، وهوا العكس اصلا وهيا من النوع الي لما بتكزب كزبة بتتقمص الشخصية وبتعيش الدور وبتصير شايفة حالها المظلومة وهوا زيها قلي أنا ما عمري اذيتك ونا ما عشمتك بحاجة ولا وعدتك بإشي .. يعني التجربة التانية كانت اصعب من الاولى ونا فكرتها عوض
هل يجوز أن يصلي الإنسان استخارة على أن ينخرط في علاقة حرام تتخطى كثيرا من حددود الله ثم إذا انفجرت هذه العلاقة في وجهه أخذ يتساءل لماذا حدث هذا وقد صليت استخارة؟! ماذا لو بقيت في بيتك معززة مكرمة لا تجعلين نفسك عرضة لأهواء الشباب وتقلبات أمزجتهم حتى يأتيك من ترضين دينه وخلقه وتعيشين معه أجمل قصة حب بالحلال؟
تم النشر الأحد، ٣٠ يوليو ٢٠٢٣
في الحقيقة انتي قولتي لنفسك الاول كلام صح .. بس للاسف متصرفتيش ع اساسه. يعني قولتي انك خلاص مش هتدخلي في علاقة مع حد ويستحسن انه خلاص هو ب يجي ويتزوجك .. ولاموضوع يصير رسمي معكم. اللي حصل انك معملتيش هيك، ولا حتى قولتي له تعالى واتقدم لاهلي ..! انتي صريتي تتكلمي معه، وتكوني في علاقة غير رسمية معه .. كنت مستنية منك في سردك للقصة انك هتقولي له هنتظر منك تيجي وتتقدم .. لكن اللي حصل حصل دلوقت ..! القصة ديه تعلمك من اللي حصل متندميش عليها، بالعكس اعرفي حكمة ربنا من اللي حصل علشان متعقيش في نفس الغلط تاني.
تم النشر الأحد، ٣٠ يوليو ٢٠٢٣
بالعكس صلاه الاستخارة ولجوءك لربنا حماكي وفادك كتير حتي لو انتي الي عيزاه مكملش، ربنا سعات بيخلينا نخود تجارب عشان نتعلم بس بيخمينا في نفس الوقت من الغلط او الاذي، ربنا وضحلك ان الشاب دا مش خير ليكي وفي الغالب مكنتيش حتعرفي غير لما تتكلمو مع بعض وكمان بينلك ان صحبتك صديقة سوء ومش مناسبة ليكي، وكمان حتبينلك الناس علي حقيقتها الي شمت فيكي تحزري منه والي وقف جمبك يبقي تكملي صداقتك معاهم، ربنا يرزقك بالي يعوضك، ونصيحة من اخت اكبر منك قليل جدا لما طالب جامعي يبقي جد في الاغلب بيتسلي والي ناوي جد بيبان وبيدخل البيت وحيحافظ عليكي، انتي ربنا بيحبك صلي ركعتين شكر وادعيه يرزقك بالصالح ♥️
تم النشر الأحد، ٣٠ يوليو ٢٠٢٣
حبيبتي ما يجوز تصلي استخارة في الحرام يعني زي واحد سكير بستخير في نوع شرابه اليوم 😂مجرد مثال😅 حرام تحكي مع اولاد اصلا غير عند اللزوم توبي و حتلاقي العوض بإذن الله ما العوض اللي بينظر من بعيد و يتغزل و يعشمك و ينكر كل شي لأ العوض يلي حيدق باب بيتك و يتقدملك انتي انتظري هاد و ارمي هداك ربي نجاك منو هذاك ما عندو شخصية كلمة تجيبو و كلمة توديه 😊
تم النشر الاثنين، ٣١ يوليو ٢٠٢٣
بصي ربنا بينلك حقيقته وحقيقه صحبتك...أنتي ممكن تكوني مصدومه هو ليه عمل كدا رغم هو اللي كان معجب دا بيعلمك أن الحب أفعال فعلا وصدقيني كلها فتره وهتلاقي العوض وربنا مش بينسي عباده وحقك هيرجعلك كدا كدا انتي اتعاملتي بنيه صافيه خلاص سيبي الباقي ع ربنا وكل حاجه خير والله بتحصلنا وهي دروس ف حياتنا💗
تم النشر الأحد، ٣٠ يوليو ٢٠٢٣
لعرض السؤال في فدني اضغط هنا