جماعه انا جضان من كل حاجه الشغل بقت الفلوس اللي جاي علي قد الي رايح بالسنتي و مفيش حاجه نعملها عاوز افتح مشروع لنفسي أو اسافر من هنا ياريت لو حد يعرف مكاتب سفر ف القاهره تكون مضمونه ياريت يساعدني أو حد يقولي فكره مشروع كويسه ب راس مال مش كبير اوي
بالنسبة للمشروعات، فأغلب المشروعات ممكن تبدأ بحجم صغير، حتى المشروعات الصناعية. ياما مصانع أصحابها بدأوا في ورشة صغيرة، والنهاردة ومع والعولمة بقيت ممكن تلاقي مصنع أو خط إنتاج يشتغل لحسابك وبعدد قطع محدود. من ناحية التمويل، ممكن تشوف خدمات مواقع زي Kick Starter لو فعلا منتجك جديد ومبتكرة. فكر في إيه بيستهويك وفاهمه بنسبة كبيرة وابدأ مشروعك فيه. بالتأكيد الاستخارة مقدمة على التنفيذ. خد بالك إن المشروعات الإنتاجية أو المعتمدة على منتج ملموس عادة بتاخد وقت أطول غاية ما تدر دخل ويبقى لها مردود مناسب أكتر من المشروعات الخدمية. دة مش معناه إن المشروعات الخدمية أبسط أو أسهل، الفكرة إن تحدياتها ومساراتها مختلفة شويتين. في شق السفر، وحسب معلوماتي، مكاتب السفر بتخلص ورق ما بين والوزارات المصرية والسفارات، مش بتجيب فرص عمل. يمكن قصدك على مكاتب تصدير وتوظيف العمال بالخارج ودي معرفش حاجة عن أسلوب شغلها. الأفضل دائما إنك تبحث عن وظيفة بنفسك. ابحث عن الدول اللي أنت شايفها مناسبة وظروف الحياة فيها وبيئاتها وابحث عن متوسط الأجور لوظيفتك وخبرتك، وكمان متوسط تكاليف المعيشة فيها. مدينة زي دبي ماينفعش تفرح بألف ولا ألفين دولار مرتب شهري لأنك هاتلاقي السكن غالي جدا فيها، وهاتكتشف كمان إن الايجار بيدفع سنويا ومقدما. ممكن تستخدم موقع زي اللينك دة عشان تحسب منه متوسط تكاليف المعيشية في مدينة معينة. https://www.numbeo.com/cost-of-living/in/Dubai وقارن تكلفة المعيشة بمتوسط الدخل المتوقع وممكن تحاول تعرفه من موقع زي Pay Scale https://www.payscale.com/research/AE/Location=Dubai/Salary ممكن تبحث عن الوظيفة من خلال مواقع زي Bayt.com وGlassDoor وأكيد طبعا LinkedIn. أخيرا، السفر محتاج فلوس تغطي بيها مصاريفك واحتمال تكاليف سفرك كمان أول شهر على الأقل غاية ما تقبض أول مرتب.
تم النشر السبت، ٢١ سبتمبر ٢٠٢٤
فى عندك مكاتب تسفير عمالة للخارج فى السيدة زينب أمام مستشفى القصر العيني. القاهرة بس انا معرفش بيتعاملوا ازاى . بس المشكلة حتى لو اشتغلت برا . ايه هو الشغل اللى حتعمله هنا لو شغل برا دا انتهى فى اى وقت . و ساعتها فى الغالب حتكون عندك بيت و أسرة مسئولة منك . فلازم تعمل حساب خطوة السفر للخارج كويس خاصة أن التأشيرة بتبقى بمقابل مادى مش صغير . و لازم تسأل كويس عن الشركة اللى حتسافرك و هل هم صادقين ؟ و لا العقد العمل اللى جايبهولك وهمى .
تم النشر السبت، ٢١ سبتمبر ٢٠٢٤
ربنا معاك ويرزقك بس السفر برا اكيد مش حل دايما صح لان الفكره انك معندكش شىء تشتغل فيه ف هيحصل نفس الحاجه برا جرب تشتغل بالكليه الى انت فيها أو حتى افتح سايبر المشروع ده حلو جدا بس محتاج وقت كبير حاول تنظم فلوسك وتشوف ايه الاولويات وايه الحجات إلى مش مهمه وإن شاءالله ربنا هيكرمك
تم النشر الجمعة، ٢٠ سبتمبر ٢٠٢٤
عندك خيارات كتير تقدر تفتح متجر الكتروني صناعه يدويه ممكن صناعه صابون وغيرها او تبيع ملابس او تتعلم كيف ترسم ع كفرات التلفونات تزينها وتعطيها شكل حلو وتبيعها تقدر تتعلم هذا شي او تشتغل توصيل طلبات او تعمل متجر ع الانترنت تنضيف المنازل تقدر تنضف المنازل بمبلغ حلو اذا كنت محتاج فلوس زياده عشان تفكر بمشروع تاني وادوات تنضيف بسعر كويس نوعآ ما، وتقدر كمان اذا كانت عندك خبرات او موهبه تستغلها كويس وقبل ما تفتح اي مشروع ادرس سوق كويس وادرس هاذي المهنه كويس وشوف الي يناسبك، اما بنسبه للسفر من المكاتب الموثوقه ف القاهرة هي تقدر تتحقق من مكتب ترافل هاوس، ومكتب ترافل تراست تشوف هذول المكاتب تسئل عنهم عشان تتأكد انهم موثوقين وبعدها قرر وكمان مكتب سفريات مصر ومكتب ترافل بلس شوفهم او شوف من اصحابك اقربائك وابحث عن الي يرضيك بتوفيق بحياتك انشاء الله تنجح فيها تذكر عندك خيارات كتيره وابحث ب يوتيوب ب مواقع تواصل الاجتماعي ممكن تلقى الي انتَ عاوزه
تم النشر الجمعة، ٢٠ سبتمبر ٢٠٢٤
أخي العزيز، أشعر بإحباطك من الوضع المالي والضغوط التي تواجهها. في بعض الأحيان، يواجه الإنسان صعوبة في التكيف مع الظروف، ولكن الإيمان بالعطاء والعمل الجاد قادر على تغيير الأمور. فيما يتعلق بفكرة المشروع، هناك العديد من الخيارات التي يمكنك التفكير فيها برأس مال معقول: مشروع المقاهي الصغيرة أو عربات الطعام : يمكنك بدء مشروع صغير مثل عربة لبيع الأطعمة السريعة أو المشروبات، وهو مشروع يتطلب رأس مال معتدل ويمكن أن يجذب العديد من الزبائن. متجر إلكتروني : يمكنك بيع منتجات معينة عبر الإنترنت، مثل الملابس أو الهدايا، ويمكنك استخدام منصات التجارة الإلكترونية المتاحة. خدمات الدروس الخصوصية : إذا كنت تمتلك خبرة في مجال معين، يمكنك تقديم خدمات التدريس للطلاب. إصلاح وصيانة الأجهزة : إذا كانت لديك مهارات في إصلاح الأجهزة الإلكترونية أو المنزلية، يمكنك بدء مشروع صغير في هذا المجال. أما بالنسبة للسفر، من المهم أن تبحث عن مكاتب سفر معتمدة وموثوقة. يُفضل قراءة تقييمات العملاء أو التحدث مع أشخاص سبق لهم التعامل مع تلك المكاتب. أرجو أن تجد هذه الأفكار مفيدة، وثق بأن التغيير ممكن إذا بدأت بالخطوات الصغيرة. حظًا سعيدًا في مسيرتك!
تم النشر الأربعاء، ١٨ سبتمبر ٢٠٢٤
طور الكارير والزم الواقعة
تم النشر الاثنين، ٢٣ سبتمبر ٢٠٢٤
لعرض السؤال في فدني اضغط هنا