انا قربت اكمل ١٩ سنه وقربت أكمل سنه مخطوبه بدرس وحاليا داخله تانيه اثار وبحب خطيبي جدا وهو كويس جدا والشقه بتاعته في بيت عيله وكده وانا وخطيبي مش من الارياف والكلام ده وبيته بعدي بشارعين يعني هكون قريبه من اهلي اوي المشكله مش هنا وهو ليه اخوات واخواته كويسين جدا معايا حته باباه ومامته كويسين يعني ولا بيضايقوني ولا بضايقهم بالعكس علاقتنا حلوه وأخواته دول كبار واحده متجوزه وعندها ٣٣سنه ومعاها ٤ عيال واغلبية الوقت هي وجوزها بعيالها الاربعه وصبيان يعني بتيجي تاكل وساعات عيالها بتسيبهم والتانيه ٣٢ سنه مش متجوزه بس هي دخلت الجامعه المدمج دي وخلصت الأربع سنين وعايزة تعمل ماجيستير ودكتوراه وتشتغل بقا واخت قدي بس معاها دبلوم وبتشتغل في مصنع بس مش هنا المشكلة ده كله عادي جدا المشكله خايفه بعد ما اتجوز يحصل زي ما بيوت العيلة واللي بنسمعه واني اصلا لما كنا معزومين في رمضان عندهم وبنتكلم وكده وبهزار ودي تقول انا اللي بروق واني في الاجازة بيشوفوا بعض اول ما دي تنزل الشغل وتلاقي التانيه هي اللي هتدبس تروح نزل الشغل التانيه وده بالنسبه ليا عادي انا واختي كده بردوا بس انا واختي مش بنشتغل بس بنتخانق ساعات اللي هو لا انتي اللي تعملي السوق والكلام ده انا كل ده بالنسبه لي عادي
المشكله هنا الفترة دي مش عارفه فيه اي كل ما الوقت يقرب للجواز عندي رهبه وخوف مش طبيعي ودماغي كل شويه تجيب وتودي فلانه اتجوزت في بيت عيله ومطلقه دلوقتي ومحاكم مع اني عارفه انه كل واحد وقضاء ربنا وكتبهوله هيشوفه وساعات مش يبقي عايزه أتجوز وساعات بفكر اني دي بقا هنقول اصل بشتغل ودي بتشتغل ودي تيجي تاكل وتشرب وتبهدل وعسير عيالها وتمشي وانا اللي قاعدة في البيت مع اني هكون بدرس بس زي ما بيرموا علي بعض هيرموا عليا والكلام ده وحاجات كتير وتخيلات في دماغي بتجيلي لدرجة اني ممكن انهار من العياط من غير سبب مع انهم كويسين اوي معايا خطيبي يتمنلي الرضا ارضا وبيساعدني في كليتي مع انه خريج تجارة وشغال محاسب في شركة وبيصلي وبيدعمني علي الصلاة وجدع جدا وبيحبني جدا فأنا عمري ما هسيبه بس انا مش عارفه فيه اي
السلام عليكم اهلا وسهلا بيكي دايما البنات قبل موعد الزواج بيحصلها رهبه وخوف وده طبيعي اولاً اتفقي مع خطيبك علي شكل حياتكم وانك مبتحبيش حد يدخل في حياتكم وانك بتحبي يبقي ليكي حياه مستقره يعني مثلا ناكل في بيتنا والحاجات دي وممكن نبقو تتجمعو عند بيت اهله يوم آخر الاسبوع علشان المذاكره وحاولي تشتغلي وانتي بتدرسي علشان ميبقاش عندك وقت فراغ ثانيا ابني حدود صحيه مع اللي حواليكي ومتحكيش اسرار بيتك لأي حد مهما ان كان قريب منك يعني اللي حاجه اللي متقدريش تعمليها اعتذري بشياكه من غير تجريح وان شاءالله ربنا يسعدك ويقدملك اللي فيه الخير والف مبروك مقدما
تم النشر الأربعاء، ٢٤ يوليو ٢٠٢٤
خوفك في مكانه، للأسف النقلة التي تمر بها الفتاة من بيت أسرتها كمتلقية للرعاية إلى الزواج في بيت عائلة كحاملة للمسؤولية هذا ليس بهيّن. نقطة أخرى مهمة، وهي اختلاف الطباع والأولويات، يوجد سيدات مثلًا تحسن الطهو والتنظيف والتسوق وتدبير أمور منزلها لكنها تحب أن تعمل ببطء وعلى مهل. وهناك أخرى إن لم تهدم البيت وتبنيه في نفس اليوم لا يهدأ لها بال. والمشكلة أن كل منهما ترى الأخرى مخطئة ومن هنا تنبت المشاكل. نقطة أخرى وهي خصوصية الحياة الزوجية التي غالبًا ما تنعدم في ظل هذا النوع من الزواج إلا ما رحم ربي. فالحل الفصل هو الاتفاق المسبق، انظري ماذا سيريحك لاحقًا واطلبي من أهلك أن يتفقوا فيه مع أهل خطيبك ودعكِ من الاتفاقات بينكما لأنها للأسف على الأغلب غير مضمونة. يسر الله لكما، ومبارك مقدمًا.
تم النشر الأربعاء، ٢٤ يوليو ٢٠٢٤
احسن حاجه انك تعزلي لوحدك . انا كنت كده ف الاول ومااتفقتش معاهم وحصلوحصل ده واعملي الأكل كده مش كده . لاني متزوجه ف محافظه غير محافظتي. وعندهم عادات وتقاليد غيرنا . وكتير تريقه. كنت بدايق اوي بصراحه وكل ماواحده تيجي من واخواتو حماتي تقولي طلعي واطبخي ف اي وقت مش بتفرق معاهم اذاي كنت تعبانه ولا لا . واغسلي الهدوم .كنت بغسلها كان لية اه هو متزوجه ومخلفه بس كانت بتشتغل فكانت بتقعد وقت الدراسه هنا وتسافر لجوزها ف الاجازه . كانت تقولي مش بتعرفي تغسلي وكلام وحوارات وكتيييييييير اوي . بصراحه ماارتحتش غير لما بقيت لوحدي .اه برصو بنزل اكل بس اسمي باكل ويشرب لوحدي
تم النشر الأربعاء، ٢٤ يوليو ٢٠٢٤
أهلا بيك، يا حبيبتي! بصي، مشاعرك دي طبيعية جدا، وكل الناس بتمر بيها في فترة الخطوبة قبل الجواز، خصوصا لو في بيت عيلة. خلينا نبدأ بأننا نفكر بشكل منطقي ومنظم. أولا : هتيجي فترة وتفكري "إيه اللي ممكن يحصل؟" وتبداي تتخيلي أسوأ السيناريوهات. ممكن تعملي حاجة بسيطة وهي انك تقعدي مع خطيبك وتتكلموا بصراحة عن المخاوف دي. ممكن تنسيقوا مع بعض ازاي تكون حياتكم الخاصة ومستقلة قدر الإمكان حتى وانتو في بيت عيلة. ثانيًا : حاولي تتعاملي مع الأمور خطوة بخطوة. يعني مش لازم تشيلي هم كل حاجة في دماغك مرة واحدة. فحتى لو فيه حاجات فعلا بتسير بين الأخوات "مين يعمل إيه"، ده مش معناه إن ده هيكون سيناريو حياتك برضو. كمان، بما إنك لسه بتدرس، طبيعي إنك تحتاجي وقت للدراسة وخطيبك باين عليه إنه هيدعمك ويفهم ده. ثالثًا : التحديات جزء من الحياة، وفكرة إنك تعيشي مع عائلة زوجك ممكن تكون فرصة لبناء علاقات قوية وتعلم التعاون والصبر. وكل علاقة في الدنيا بتحتوي على تحديات لكن بالإرادة والتفاهم، تلاقوا حلول سوا. رابعًا : مهم جدًا تتواصلي مع نفسك وتفهمي المخاوف دي جايه منين بالضبط. إذا كانت مبنية على تجارب الناس الآخرين، فاكرأي إنه كل قصة جدًا مختلفة. وانتي وفارس حياتك هتكونوا ليكم قصتكم الخاصة. وأخيرًا : دي خليه لحظة للحب والتفاؤل والأمل. انت داخله على مرحلة جديدة، ولازم تخدي بالك من صحتك النفسية والجسدية. خصي وقت لنفسك، مارسي الهوايات اللي بتحبيها، وحاولي تحافظي على توازنك النفسي. في النهاية، خليكي واثقة إن الخوف طبيعي ومش علامة على ضعف أو تردد، لكن بالعكس ممكن يكون دفعة لتفكري وتخططي بشكل أحسن. وأي حاجة أكيد هنلاقيها ليها حل طالما فيه تفاهم وحب.🌼
تم النشر الأربعاء، ٢٤ يوليو ٢٠٢٤
انا مش هتدخل في أمور حد ولا حد ادخل في اموري بس هناكل سوا وليا شقتي الخاصه فخايفه يحصل زي ما بيوت العيلة واللي بنسمعه منهم
تم النشر الأربعاء، ٢٤ يوليو ٢٠٢٤
الحل أنك تتعزلي لوحدك يعني يكون ليكي شقتك في بيت العيله تكون خاصه بيكم وتتدخليش في أمورهم
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا