السلام عليكم، إذا مش متقبلة فكرة إنه يتقدم لك ومش ناوية توافقي فالأفضل تبلغيه قرارك النهائي وتبعدي عنه، بلاش فكرة إنه محتاجك في حياته وإن وجودك هيصلحها تخليكِ تاخدي قرارك مدفوع بإحساس الذنب أو المسؤولية تجاهه. مفيش حد بيصلح حياة حد ولا بيغيره، لازم التغيير والرغبة في إصلاح حياته ونفسه تكون من جواه. خليكِ حازمة في قرارك وابعديه لأن ممكن قربه منك على أساس عنده أمل توافقي بعدين يخليه يتعلق بك أكتر ويزيد المشكلة. بالنسبة للشخص الأول فانسي موضوعه خالص، اعملي له حظر لو حاول يتواصل معك تاني. وحاولي بلاش علاقات مع الشباب لأن حتى لو بتقولي علاقتكم زي الإخوات، فكلامه وتواصله معك مينفعش ومينفعش يقول لك وحشتيني والجو ده، غير إن بيحصل أصلا مشاكل كتير من الصحوبية بين البنات والولاد فخليكِ بعيد أحسن واحمي مشاعرك ونفسك من كل المشاكل دي. بالتوفيق إن شاء الله.
لعرض الإجابة في فدني اضغط هنا