السلام عليكم ورحمة الله وبركاته
كنت بحب شخص وكدا علشان هو كان قريب مني اوي وهو كمان كان بيحبني بس كانت علاقتنا كأخوات وبعدين جينا بعدنا بسبب بنت واتخانقنا وهو وجعني اوي بس بيحاول يوصلي كتير بس انا عملتله بلوك وقولتله مش عايزه اكلمك تاني فبعتلي من اسبوع ع لينك الصراحه تقريبا هو معاه اللينك وبيقولي كل سنه وانتي طيبه وكدا وقلت مش هينفع اقولها ليكي برايفيت وانتي وحشتيني اوي
وفيه شخص تاني حابب يقرب مني اكتر وحابب يتقدم ليا بس انا حاسه ان مليش رغبه وسألني كتير وقالي انتي ليه مش عايزه تقربي مني وقالي والنبي محتاجك اوي ف حياتي تفتكروا أقرب منه لان هو الدنيا معاه بايظه اوي وقولتله لو قربنا من بعض هتبقا كويس قالي ايوا والله ف اعمل ايه انا عندي 23سنه وهو 25
السلام عليكم، إذا مش متقبلة فكرة إنه يتقدم لك ومش ناوية توافقي فالأفضل تبلغيه قرارك النهائي وتبعدي عنه، بلاش فكرة إنه محتاجك في حياته وإن وجودك هيصلحها تخليكِ تاخدي قرارك مدفوع بإحساس الذنب أو المسؤولية تجاهه. مفيش حد بيصلح حياة حد ولا بيغيره، لازم التغيير والرغبة في إصلاح حياته ونفسه تكون من جواه. خليكِ حازمة في قرارك وابعديه لأن ممكن قربه منك على أساس عنده أمل توافقي بعدين يخليه يتعلق بك أكتر ويزيد المشكلة. بالنسبة للشخص الأول فانسي موضوعه خالص، اعملي له حظر لو حاول يتواصل معك تاني. وحاولي بلاش علاقات مع الشباب لأن حتى لو بتقولي علاقتكم زي الإخوات، فكلامه وتواصله معك مينفعش ومينفعش يقول لك وحشتيني والجو ده، غير إن بيحصل أصلا مشاكل كتير من الصحوبية بين البنات والولاد فخليكِ بعيد أحسن واحمي مشاعرك ونفسك من كل المشاكل دي. بالتوفيق إن شاء الله.
تم النشر الثلاثاء، ١٨ مارس ٢٠٢٥
تفتكري انك اما تقربي بنيه الحب هتصلحي بالعكس هتدمري لو محصلش نصيب... نصيحتي ليكي خديها خطوة جواز وخليه ييجي يخطبك واتعرفوا على بعض في الحلال وما تتعدي ضوابط الخطوبة معاه واخر شيء ما تكلمي شباب لانهم بيضحكوا عليك وهيلعبوا بيك لعب 👍🏻... غير ده ربنا قال " ولا متخذات اخدان " فحرفيا انت بتضيعي نفسك وبتقللي قيمتك كمسلمه
تم النشر الاثنين، ١٧ مارس ٢٠٢٥
لو مش حابه الموضوع فالأمر بسيط تخلي عن الأمر ده فهو مش اجباري ومش عليك ذنب بس ما تلمحي له انه يستناكي لا اقفلي الموضوع خالص عشان كل انسان يشوف نصيبه
تم النشر الثلاثاء، ١٨ مارس ٢٠٢٥
وانا بينت لحضرتك وقاري سؤالك عشان ارد عليه.... فأنتي لو في قبول مجرد انك تأخدي خطوة تعرفي بيه مش الزامي للجواز بس هو وقتها هتعرفي مدى كوني مسئول ولا لاء ومقدم على الجواز لان غير كدا مش هتعرفي.... إنما انك تكلمي او غيره من وراه اهلك فانت بترمي نفسك للتهلكه
تم النشر الثلاثاء، ١٨ مارس ٢٠٢٥
هو قالي انا عايز اتقدملك حضرتك اقرأ السؤال تاني انا كاتبه فوق ف كنت بقول ان خايفه وكدا ومش متقبله الفكره والله هو قالي حابب احب اتقدملك هتوافقي انا اصلا معرفش الشخص دا
تم النشر الثلاثاء، ١٨ مارس ٢٠٢٥
والله قولتله
تم النشر الثلاثاء، ١٨ مارس ٢٠٢٥
شكرا جدا النصيحه حضرتك وخوفك عليا ربنا يصلح حالك يارب
تم النشر الثلاثاء، ١٨ مارس ٢٠٢٥
انا قولتله مش حابه الموضوع دلوقتي ومش بفكر ف كدا بس ولا اتكلمت معاه ولا فتحت مواضيع وحكيت لماما بالموضوع دا والله
تم النشر الثلاثاء، ١٨ مارس ٢٠٢٥
لعرض السؤال في فدني اضغط هنا