السلام عليكم
انا كنت شخصية اجتماعية وبحب الناس وبثق فيهم لحد ما أخدت صدمات كتيرة غيرتنى حرفيا بقيت على طول ساكتة ومش عارفة أتعامل مع حد وبتعرف على ناس ولكن مش قادرة اتواصل معاهم ولاعارفة أكلمهم لدرجه ان مبقاش ليا حد أحكيله ولا بقى ليا صحاب وحاسة إنى لوحدي طول الوقت ومش عارفة أرجع زى ماكنت.
عايزة حل بجد تعبت.
بعد أي صدمة بيجيلنا حالة فقدان شغف بنحس إننا مش قادرين نعمل أي حاجه ينقلب دايرة معارفنا و بنحس إننا قفلنا من الناس فمتقلقش أبداً ده احساس طبيعي و هياخد فترته و هيعدي المهم تكون عارف و مقتنع من جواك انك قد أي حاجه يا صديقي
تم النشر الثلاثاء، ١٩ نوفمبر ٢٠٢٤
السلام عليكم ورحمه الله لاشك أن الحياه بتعلمنا دروس بعضها يكون قاسي و لكن مينفعش ابدا نستسلم و ناخد جنب، كل صدمه اخدتيها هي علمتك حاجه جديده ، عرفتي بيها انواع من البشر علشان تقدري وتفادي البشر دي في حياتك. و ياما بنتعلم فيه وجع و آلم بس لازم نستمر و هتقابلي اللي يعوضك إن شاء الله. انتي بس لازم تاخدي الخطوه التفاعل حتي و انتي زعلانه و ملكيش نفس مع الوقت هتلاقي الشعور دا راح. تحياتي لك
تم النشر الثلاثاء، ١٩ نوفمبر ٢٠٢٤
معاك حق قادرة اتفهم شعورك فعلاً تجربتك مش سهلة بس عاوزة أقولك إن اوقات كتيير الوحدة بتعلم القوة وبتعلمك الاكتفاء بالنفس الحقيقي هتتعلمى تكونى سعيدة سواء ف وجود أشخاص أو عدم وجودهم سعادتك هتبق مرتبطة بيكى إنت مش بالأشخاص اللى حواليكى أهم حاجة متخليش التجارب السابقه تخليكى تفقدى الثقه لأن لسه هتقابلى كتيير ف حياتك وإن شاء الله الجاي هيبق أحسن فخليكى دايما ماشيه ف الحياة ع إنك بتتعلمى ومتتخليش عن طيبتك أبدا لأن طيبة قلبك يمكن بكرا تقابلى شخص جميل وطيب زيك دى فترة وهتعدى المهم تقفى مع نفسك وتتعلمى من اللى فات وتبدأى بدايه جديده كلها أمل إنك هتلاقى اللى زيك متدخليش حياتك غير اللى زى روحك غير كدا دا مش مناسب ليكى
تم النشر الاثنين، ١٨ نوفمبر ٢٠٢٤
وعليكم السلام ورحمة الله وبركاته، أختي العزيزة، أشعر بعمق الألم الذي تمرين به، ومن المؤسف أن التجارب الصعبة يمكن أن تؤثر فينا بشكل كبير. التغيير الذي تمرين به هو نتيجة الصدمات التي تعرضت لها، وهذا أمر طبيعي، ولكن يجب أن تعلمي أنه بإمكانك التغلب على هذه الحالة. أولًا، أنصحك بأن تكوني لطيفة مع نفسك. فالتعامل مع الألم النفسي يحتاج إلى وقت وصبر. يمكنك محاولة التواصل مع أشخاص تعرفينهم، حتى لو كان ذلك يبدو صعباً في البداية. استخدمي منصات التواصل الاجتماعي لتكوين علاقات جديدة مع الأشخاص الذين يتشاركون اهتماماتك. ثانيًا، يمكنك البحث عن نشاطات تمتعين بها مثل التطوع أو الانضمام إلى فرق رياضية أو ثقافية، حيث ستجدين نفسك محاطة بأشخاص جدد. هذه الأنشطة تساعد على التقارب والتواصل مع الآخرين. بجانب ذلك، يمكن أن تكون الاستشارة مع مختص نفسي مفيدة لك في التعامل مع مشاعرك والتعامل مع الصدمات التي مررت بها. المحترف يمكن أن يساعدك في استعادة الثقة والتواصل مع نفسك وذواتك. تذكري أن البداية قد تكون صعبة، ولكن لا تستسلمي، فكل خطوة صغيرة تقومين بها نحو التعافي تُعتبر إنجازًا. أسأل الله أن يمنحك القوة والصبر للعودة إلى نفسك السابقة.
تم النشر الاثنين، ١٨ نوفمبر ٢٠٢٤
جربتي تتكلمي و تطلعي كل اللي فقلبك يمكن يبقي أحسن شوية؟
تم النشر الاثنين، ١٨ نوفمبر ٢٠٢٤
صدقنى عملت كل ده واشتركت فى جيم وغيرت من نفسي فى كل حاجه ولكن التغير ده من بره بس لكن اللى جوه اعمل فيه. اى المشكله فى الالم اللى مش بيروح الصدمه اللى عشتها القلب
تم النشر الاثنين، ١٨ نوفمبر ٢٠٢٤
متقوليش حاسة أني لوحدي لأن الشخص دايما لو فضل يقول كلام سلبي كتير و يظن ظن سوء للأسف المخ بيستجيب لكل ده ممكن مثلا تدخلي نشاط جديد فحياتك روحي جيم مثلا و حسني شكل جسمك و اتعرفي علي صحاب جداد و صدقيني كل ده بيختلف مع الوقت أه مش دايما بس حاولي و متنسيش أن ربنا قالنا و أن ليس للأنسان إلا ما سعي
تم النشر الاثنين، ١٨ نوفمبر ٢٠٢٤
بجد انا مش موقفه حياتى بالعكس بعمل كل ده وبصلى وبقرا قران بس حاسه انى فاقده الشعور بالسعاده كانى بعمل الحاجات اللى عايزه اعملها وخلاص فاقده اى شعور يفرحنى حاسه زى مايكون روحى مطفيه عايزه اتعامل مع الناس واكمل معاهم واتواصل ومش عارفه حتى لما ببقى مع ناس كتيره متجمعين بحس انى مش مبسوطه ولا عايزه اتكلم بحس انى لوحدى
تم النشر الاثنين، ١٨ نوفمبر ٢٠٢٤
يبقي نتناسي يعني أيه يعني أه هفضل فاكرة بس هشغل نفسي هخلي في حاجات أهم ديه اللي تشغل تفكيري زي هدف عايزة أوصله أو مهارة عايزة أتعلمها أو عايزة أحفظ كام جزء من القرآن كل ده هيخلي مخك في عنده أولويات كتيرة أهم من أنه يفكر في شئ حصل في الماضي و نتأقلم مع الشعور ده و هتقولي ممكن لما أجي أنام أفتكر ساعتها بقي ييجي دورك بدفع الأفكار ديه تفكري ساعتها في لحظة بتحبيها أوي أو تفكري في نفسك لما تحققي الهدف ده هتبقي عاملة ازاي و مع الوقت كل حاجة وحشة هتعدي ربنا يريح قلبك
تم النشر الاثنين، ١٨ نوفمبر ٢٠٢٤
الجروح بتلتئم مع شخص بينسى لكن اللى مش بيعرف ينسى يعمل اى لو قلت انى نسيت قدام الكل بس فيه جروح بتفضل معلمه مهما مر عليها الزمن
تم النشر الاثنين، ١٨ نوفمبر ٢٠٢٤
عارف إن شعور الخذلان صعب ووحش بالذات من شخص كنا حاطين فيه الثقة و حقك تزعلي و تتوجعي بس صدقيني الجروح بتلتئم و جربي تحكي حتي لشات جي بي تي رغم أني مش بحب أدخل الذكاء الأصطناعي في حياتي الشخصية بس لو بجد عايزة تتكلمي ممكن تتكلمي معاه ربنا يريح قلبك و يعوضك خير عن كل حاجة وحشة
تم النشر الاثنين، ١٨ نوفمبر ٢٠٢٤
بجد مش قادره انا موجوعه اوى من اقرب الناس ليا مش قادره اثق فى حد ولا اتعامل مع حد خلاص بقيت مرعوبه اتوجع ليه يبقى جزاء انسان قلبه طيب الوجع ليه ومش قله ثقه فى نفسي بالعكس دى الحاجه الوحيده اللى بقيا فيا وبتخلينى امارس حيلتى عادى بس انا موجوعه اوى من جوه وبكتم فى نفسي ومش ببين ده لحد
تم النشر الاثنين، ١٨ نوفمبر ٢٠٢٤
الصدمات أه ممكن تفقدنا الثقة فنفسنا بس مش هتفقدنا روحنا انزلي و اتكلمي مع صحابك حتي لو هما مش بيبعتوا الأول، الحياة مشاغل جربي تبعتي الأول وانزلي و اتمشي و هاتي آيس كريم او شيبسي حتي كهدية صغيرة لصاحبتك ده هيزود الترابط بينكم و أعرفي أن كل مر سيمر❤️
تم النشر الاثنين، ١٨ نوفمبر ٢٠٢٤
لعرض السؤال في فدني اضغط هنا