في بنت حابه تستشير بحاجه بس اتمنى تكون كلام واقعي وجاد
هي بتحب قريبها وهو خطيبها بس لسا مقروش فاتحه لحدما والدها يوصل بالسلامه المهم للأهل اتفقوا ان مفيش كلام لغاية قراية الفاتحه ولكن قدام الكل هي مخطوبه ومش بيروح عندهم ولا اي حاجه
وهو معاها ع حساب للسوشيال وكل م تنزل حاجه يعملها ريأكت لحد م ف يوم دخل برايفت وعمل حجته هيطمن على دراستها وهي وافقت لان فعلا كان بيسألها على المذاكره وكل الكلام عن الدراسه ف هي سألته اذا كانيعرف بنات عليها ف انكر وقال انه عمره م عرف غير كام بنت وعرفها كل حاجه سامحته لان دا كان قبلها جا يوم وكانو بيتكلموا عن الفرح وال هيعملو وهيحجزو القاعه فين والحجات دي ف هو قالها مش هتلبسي فستان ولا هتتصوري مع راجل هتبقي في مكان وانا بتزف ف مكان ف قامت خناقه بينهم قدت انه قالها انه مش هيكمل حاولت معاه كتير وكان يرفض وبعد م جرحها وخلاها عيطتوانهارت كتير قالتله اتوضى وهتروق وكل واحد عمل كدا بس هي فضلت واخده على خاطرها ومفكره انه مش عايزها تفرح زي باقي البنات وهو متراهن مع صحابه انه مش هيخلي مراته ترقص ولا تتصور في الفرح وهي مفكره انها اتحطت ف رهان ومش قابله الوضع ف قررت تسكت لوقت م والدها يرجع وتبلغه يتفق على كل التفاصيل حتى فستان الفرح ال نفسها في ... وبعدها بكام يوم مش كتير طلب منها تخرج من البلكونه عشان يشوفها بحجة انه بقاله سنتين مشفهاش ومصدق الفرصه ف هي عرفت ان معاه صاحبه وفهمت انه عايز صاحبه ال يشوفها ف رفضت بهدوء واتخانق معاها وجرحها بكلام قاسي وخصوصا انها كانت رفضت اكتر من حاجه وهو شايف انه عادي لانه قريبها وهي خطيبته ولكن بترفض مثال لصوره ليها وكدا وكان ردها لمة يبق رسمي هتاخد فونه بنفسها ويتصور ف جرحها وقالها انتي تسدي النفس انتي كرهتني ف البنات انتي بنت ....الخ
الخناقه جات منه وقال كلام جرحه ولكن المره دي مسكت نفسها ومقبلتش انها تتذل اكتر من كدا لانه قالها هيفشكل ويبلغ ابوها انهم بيتكلموا وهي وافقت مع انها هتاخد عقاب بس محبتش اسلوبه ولا طريقته كانت زعلانه من نفسها انها وافقت عليه ومكنتش تعرف انه بياع كدا عطتها نصيحه تصبر يمكن مضغوط من الجيش وهي عطته فرصه بس رفضت تبدأ وبعد ١٩ يوم تاني يوم إجازته من الجيش دخل واعتذر منها محاولتش تعاتبه لان نيتها مش ٧تكمل معاه ولكن بعد حوالي ٣ ايام هدت وقالت هديله فرصه كمان لأنها واجهته بكلامه القاسي وقالها انه كان منفعل وغضبان من مشاكلهوهيال جات قدامه هي حبت تقف جنبه وتخفف عنه لا جيشه صعب شويه ف هي حبت تاخد قرار صح وتشوف هتكمل ولا لا وهي مش مستريحه معاه وحاسه انه مخبي حاجه وكان بيرد ببرود ولو بعتت الصبح يرد تاني يوم او بالليل متأخر بمعنى مطنش وهو معندوش شغل ولا حاجه هو اجازته في البيت ولما طلبت منه اكونت الفيس تعرف عنه تفاصيل اتحجج انها مش واثقه في وغير الموضوع بس هي شكت في خصوصا لما كلمته من اكونت جديد بتقوله حذر انا مين قال ندا ودا مش اسمها ودلوقتي هي عرفت تجيب صفحته ولقت بنات في الصداقه اجنبيه وبنات واخده اسكرين للشات وكلام م بينهم وريأكت كتير على المنشورات وهي اخدت كل دا اسكرين بس قررت متقلوش ولا تواجهه هي عايزه مشوره هي بتقول انها متلغبطه ومش عارفه تتصرف وملهاش حد كبير تاخد رأيه غير والدها وهو مش معاها رجاء حد يكون فاهم وحكيم يقولها تعمل اي هي قررت تشوف حياتها وتشيله من دماغها مع انهم لسا مقروش فاتحه وانها مش هتكلمه تان شات ولا ترد عليه بس البنت تعبانه وصعبان عليها الوقت ال ضاع منها والعياط ال كان على واح زيه هي بتقوى انه كان بيقولها انتي اختي قبل خطيبتي واخاف على مشاعرك وهي بتزعل وتاخد على خاطرها وكان معاها اكتئاب من فتره وانا ك صديقه مقربه ليها خايفه ترجع تاني للحالهال كانت عليها زمان هي بنت ملتزمه وحافظه لكتاب الله ومتدينه بس حصلها مشاكل ف حياتها ودل٧انا شايفه ابتسامتها بتختفي ومبقتش تحكي وتفضفض زي للاول انا لو اعرف حد ممكن يدينا نصيحه كنت روحت انا اعرف ان فيدني في ناس كبيره هي عايزه تعرف تتصرف ازاي بعد كدا ولو هتسيبه هي مستعده بس خايفهمن كلا الناس وكمان أهلها وكانت ف اكتئاب بسبب كلام الناس بردو اتمنى حد يفدنا لله هي خدت قرار هتبعد خالص مش هتخلي يعرف عنها اخبار ولا يلمحها غير لما يجي يقرو الفاتحه ودا بعد حوالي كمان ٤ او ٥ شهور تقريبا بتقول انها عملت ذنب ووافقت تكلمه مع ان الاهل رافضين كلام شات او غيره وان دا بيحصلها بسبب مخالفتها لكدا وحاسه بالذنب والبنت ديوقت م تحس بالذنب بتجلد ف ذاتها بمعنى الكلمه وبترجع وفعلا لما بتزعل وتحط ف نفسها بتبدأ تشيل فشعر رموشها وحواجبها وجلدها كمان انا هاخد النصائح المفيده ال مفهاش كلام جارح واقولها واسفه ع الاطاله
هو ده اصلا مش راجل كل اللي عمله ده مش من الرجولة بأي شكل من الأشكال هو عموما المفروض ان مفيش كلام بين الراجل والبنت قبل الخطوبة وبعد الخطوبة حتى مينفعش يتكلم معاها على الخاص ولازم يكون أهلها عارفين وطبيعي هم بنوا على غلط فطبيعي اللي بعد كدة هيبقى غلط وواضح انها عارفة الكلام ده وده معناه انها بنت محترمة خليها تبعد عنه ومش مهم كلام الناس مينفعش اجي على نفسي عشان كلام الناس ولو على نفسيتها فالوقت هينسيها وخليها ترجع لربنا
تم النشر الاثنين، ٢٩ يناير ٢٠٢٤
اولا: طبعا حابه احييها جدا، على انها حاسه بالذنب انها عملت حاجه غلط كلمته، وده دليل على قلبها النقي، وكلنا بنخطئ المهم متكررش الخطأ، وتسامح نفسها وربنا غفور رحيم. ثانيا: انا لفت نظري في كلامك صحابه!! يعني ايه يتراهن مع صحابه على الفرح؟ ويعني ايه معلش يقولها تطلع بره ويكون معاه واحد صاحبه؟ هيراضها على اخته؟ انا بصراحه شايفه التصرفات ديه مش تصرف واحد راجل .. طبعا من حق اي واحد انه يحكم على مراته انها ولا تلبس ضيق ولا ترقص، طبعا حقه وكدا كده حرام، هما مش جايين برضه علشان يتفرجوا عليها!! ولكن الامور مش بتجي بالطريقة ديه؟ لو معترض على اللبس الملفت فيه فساتين كويسة جدا ومحتشمة، ولو معترض على الفرح ف ممكن يعمل فرح اسلامي .. فين بقى المشكلة؟ انا مش شايفه انه انسان ناضج بصراحه. تاني حاجه .. لو هي اكشتفت انه بيكلم بنات وده كان واضح انها اساسا اكتشفت ده بنفسها وطلع بيكدب عليها .. ف ده لا يبشر بالخير ابدا. على ما اظن هي ادتله فرص كتير .. من ناحيتي انا مش شايفة ان كل ده ينفع. ولكن لو هي مصممة على الزواج منه، او مصممة انها تدي له فرصة يبقى الافضل تستني والدها لما ينزل، ومفيش حاجه اسمها هي مخطوبة قدام الناس لان اساسا مفيش خطوبة، ومفيش كلمة بجد اداها الوالد له. يبقى اول حل، تمشي من العلاقة ديه نهائي، وربنا يوفقها مع حد يكون فعلا جدير بيها. تاني شئ، متكلموش غير لما يجي الوالد وتحكي له على كل اللي حصل منه. ويتناقشوا مع بعض في كده. وربنا يوفقها.
تم النشر الأحد، ٢٨ يناير ٢٠٢٤
هنتكلم فى المفيد لاننا مش محتاجين نأكد على الغلط والصح بالنسبة لكل اللى اتقال فهو مش ناضج كفاية لارتباط اصلا وتصرفاته لا تنم عن انه مناسب وهى طالما حست اصلا بانها مش مرتاحه وفى نقط ضغط كتير ...فالموضوع لا داعى منه لان ده هيتزايد كل ما يكون الصله اكبر واى كانت العواقب لرفضها انها تتخطب ليه فهى اكيد اقل بكتير من انها تعرض نفسها لاذى من شخص هتلتصق بيه لسنين . خليها تعتبر ان الغلطة ادتها تنبيه انها لازم تكون مركزة فى الصفات المناسبة للشخص اللى ممكن تقبل تتخطب ليه وميبقاش الموضوع كده وخلاص
تم النشر الاثنين، ٢٩ يناير ٢٠٢٤
هى البدايه غلط انها كلمته من ورا اهلها بس انا شايفه انه شخص لا يؤتمن على اى حاجه وانه مش كويس اصلا المشكله الحقيقه فعلا ان البنات بطبعها بتميل للحنيه والحب قلبها رقيق بتصدق وبتسامح بسرعه على امل ان الراجل يتغير وتحاول تديله فرصه تانيه وثالثه ورابعه بس للأسف مفيش راجل بيتغير كما هو هيفضل زى ماهو واحنا نزعل ونكتئب وحياتنا تقف،وهما يعيشوا حياتهم مع ناس تانيه نصحتى ليها تصلى استخاره يوم واتنين و3 كمان وف ال 3 ايام تحاول متكلموش خالص وتستخير ربنا ان كان خير هتكمل معاه او لا وان كان ربنا كتبلها خير هتكمل على خير مفيش خير تقولها لاهلها انى الموضوع خلاص وتقول انها صلت استخاره ومفيش نصيب وربنا يوفق الجميع للخير يارب
تم النشر الأحد، ٢٨ يناير ٢٠٢٤
لو ف حد كبير قريب منك احكيله وخالة يقول لأهلك كلام بالمنطق والعقل وربنا يقدملك إلى ف الخير
تم النشر الاثنين، ٢٩ يناير ٢٠٢٤
قل لن يصيبنا إلا ما كتب الله لنا .. هو سنه كام وسيرته بين الناس عاملة ازاي .. دي أول حاجة بنسأل عليها جيرانه ومعارفه قبل الخطوبة .. معرفة القرابة ماتغنيش عن الصيت والسيرة والسلوك .. ولو بيكلم بنات معاكي .. في البداية كده . قبل البداية كمان .. بعد كده مش هيفرق معاه .. يبقى مش بيحترمك بجد، الاحترام والإخلاص مش بالكلام بالأفعال .. .
تم النشر الأحد، ٢٨ يناير ٢٠٢٤
لعرض السؤال في فدني اضغط هنا