الخوف عندى من حاجات كتيره جدا
خوف من الارتباط تانى رغم انى سنى ٣٤ سنه دلوقتى
خوف انى انجرح مره كمان خصوصا إني شخص وفى جدا للاسف
خوف من انى اقع فى اختيار انسانه غلط واضيع عمرى كمان مره على انسانه لا تستحق
خوف من انى اظلم بنات الناس
دايما لما بروح اشوف عرايس صالونات و كده و ميحصلش نصيب .. بيزيد يأسى و حزنى جداا بشكل كبيير و بتعقد اكثر من الأول
خوف من اهل العروسة يكونوا بوشين
دايما اصحابى بيقولوا لى انى حاطط مواصفات مبالغ فيها رغم انى مش حاطط غير ٣ مواصفات بس وهى ( لا تفضل العمل - استايل لبسها جيب و فساتين فقط - بيضاء )
ايه الغلط فى مبادئ دى؟
خوف انى اسيب اهلى لوحدهم خصوصا انها سنهم كبير اكثر من ٧٠ ومحتاجين رعايه واخواتي مش عاوزين يشيلوا مسئوليه رعايتهم و دى نقطه تانيه خالص .. ربنا يهديهم و يصلح حالهم
عارف ان الزواج ده رزق من عند ربنا .. و انه قسمه و نصيب .. فبحاول اقضى على يأسى و حزنى فى العثور على شريكه حياة مناسبه لى. . انى بفكر نفسى ان اكيد ده خير من عند ربنا . يمكن ربنا مش كاتب لى رزقى فى الزواج فى الدنيا .. عشان رعايتى لابوى و امى .. و اكيد هاخد رزقى كامل مهما طال الزمن و دى حاجه انا واثق منها .. بس اليأس و الحزن بيدخلوا لى كل فتره..
اعمل ايه ؟
اعمل ايه عشان اقصى
دوماً الخوف الصحي دافع للنجاح ،، أولا في حالة حضرتك الخوف غير صحي بل مرضي وأعتقد أنه غير مبرر ،، التعطيل في الحياة الاجتماعية والمبالغة دي مشكله يجب التغلب عليها ،، ثانياً كيفية التغلب عليها بتقدير ذاتك أولا زيادة الثقه في النفس الرياضه ،، ثالثاً الأدوار في الحياه تتعدد وإمكانية القيام بها موجوده لدينا جميعا ،، رابعاً حقك تخاف من الارتباط عندما لا تتقن الاختيار وتتوكل على الله اجعل ليك أسس مقبوله تكون البنت قادره عليها وجرب السؤال عن بنت مناسبه ليك ،، خامسا ممكن تعمل تحاليل طبيه لأن في حالات بيكون نقص المعادن والفيتامينات سبب في الإحساس بالقلق فيتامين دي وسي والبي كامل والماغنسيوم ،، وفقك الله لكل خير تحياتي
تم النشر الجمعة، ١٢ يوليو ٢٠٢٤
أول حاجة يا عزيزي، أحب أقول لك إن مشاعرك طبيعية وخوفك مبرر. كلنا بنعيش لحظات نشعر فيها بالخوف من المستقبل ومن اتخاذ قرارات كبيرة زي الزواج. تعال نحلل المشكلة وحدة بوحدة. الخوف من الارتباط والخوف من الجرح: أنت بتقول إنك خايف من الارتباط بسبب تجارب سابقة. دا طبيعي. الجرأة في الحب والارتباط تجي بعد ما تحس بأمان مع شريك المستقبل. محاولتك اختيار إنسانك اللي تنسبك مهمة جدا، لكن لازملها تكون مبنية على توازن بين العقل والقلب. توقعاتك في شريكة الحياة: التوقعات اللي وضعتها لها علاقة بالراحة النفسية عندك. لكن حاول تكون أكثر مرونة في التفاصيل. يعني مثلا، موضوع اللبس والتفضيلات الشخصية ممكن تلاقيها صعبة تحققها كلها في شخص واحد. الحب ليس مجرد شكل أو طريقة لبس، لكنه توافق روحي واهتمام مشترك. الخوف من عدم النجاح في العلاقة: الخوف من إنك تظلم بنات الناس طبيعي وبيحصل للكثيرين اللي بيبحثوا عن شريك حياة بطريقة جدية. ممكن تنظم الوقت اللي تقضيه في البحث وتقلل من الإحباط عن طريق مرونة أكبر في التوقعات. الاهتمام بأهلك: مسؤولية الاهتمام بالأهل جزء كبير من حياتك وظروفك. لكن الزواج مش بالضرورة هيعني تخليك عنهم. البنت اللي تختارها وتحبك وتعزك هتفهم ده وتشاركك في حمل المسؤولية بشكل أو بآخر. اليأس والإحباط: لما تشعر بيأس أو إحباط، افتكر إن مرات الرزق بيجي في وقت ما نكنش مستنيين. استمر في محاولاتك والبحث بتفاؤل، وإن شاء الله هتلاقي شريكة حياتك. النصيحة الختامية: خليك منفتح للنقاش مع ناس تثق في رأيهم (زي الأصدقاء أو أفراد العائلة)، وحاول تكون مرن في توقعاتك. مفيش حد مثالي، والمهم هو التوافق النفسي والروحي. خليك واثق إن ربنا مدبر الأمور، وكمل بتفاؤل وخطوات ثابتة.
تم النشر الثلاثاء، ٩ يوليو ٢٠٢٤
الخوف هيخلي عمرك يضيع على الفاضي خاطر وسلم امرك لله وعيش حياتك واستخير قبل كل خطوه وتوكل علي الله
تم النشر الخميس، ١١ يوليو ٢٠٢٤
مش عارفه بس حاسه حوار الشغل دا المفروض تدلها الحريه انها تشتغل يعني وتحقق ذاتها لو عاوزه لي تفرض علي واحده انها تقعد مالشغل .. اما بالنسبه للبس فمعاك حق فيها بس مينفعش تغصبها برضه ممكن تاخد واحده بتلبس بناطيل واسعه وواحده واحده ساعدها تغير الاستايل تحاول انت مثلا تجبلها دريس وتقولها اي رأيك تشوفيه كدا من غير ما تبقا اللي هو انت عاوز تاخد واحده بالمواصفات دي وهتغيرها يعني هتغيرها احنا مبناخدش الناس عشان نغيرها احنا بناخدهم عشان يبقوا احسن نسخه من نفسهم ونبقا احنا كمان ذلك .. والزواج رزق طبعا من عند ربنا ربنا يرزقك ببنت الحلال والذريه الصالحه
تم النشر الأربعاء، ١٠ يوليو ٢٠٢٤
عادي عاوزه يبقا ليها دخل لنفسها او تحقق ذاتها فحاجه معينه البنت زي الولد علفكره ليها حق تشتغل وتوصل للمكانه اللي هي عوزاها وتحقق ذاتها اي المشكله وفي بنات بتبقا لا حابه قعدة البيت وكدا وانك انت اللي تكون بتصرف مش حاجه بس هي بتختلف للشخص بس معظم البنات دلوقتي حابه تشتغل وتحقق حاجه معينه .. لما تتعاكس دا مش غلط منها الغلط فتربية الشخص اللي عاكس ومغضش بصره خد بالك ممكن تبقا لابسه واسع ومحترم وهتتعاكس برضه .. في بنات بتبقا عندها القابليه مثلا انها تكون علاقتها أحسن مع ربنا ف احنا بنجتهد وفي واحده ها بيبقا خلاص مقتنعه ان دا اللبس صح و و بس طبعا البناطيل مش لبس صح للبنات بس يكفي حتي تكون بتلبس اصلا بناطيل واسعه او كدا وتكون مستعده انها تطور علاقتها مع ربنا انا كان عندي صاحبه لبسها كان وحش اوي ولما اتخطبت ابتدت تلبس واسع وتحب الدريسات وكدا ف هي علي حسب الشخص بس هرجع تاني اقولك مينفعش تجبر حد علي حاجه برضه وهي مش مقتنعه بيها ف انت حاول تختار واحده تتناسب معاك بس طول فعلا ما انت بتدور علي حاجات معينه مش هتلاقي بسهوله مش مشكله تتجوز واحده بتلبس بناطيل واسعه عادي بس شخصيتها متناسبه معاك وحوار الشغل دا مش مقياس انت مش هتكيسها لازم تدلها مساحتها زي ما انت برضه هتبقا عاوز مساحتك يعني مثلا لو هي حابه تخرج مع صحباتها هتمنعها ؟ اكيد لا ... تقبل الروح والشخصية اللي تتناسب معاك الأول بعدين ابقا بص عالجوانب اللي انت عاوزها دي وربنا يرزقك ببنت الحلال اللي تناسبك
تم النشر الأربعاء، ١٠ يوليو ٢٠٢٤
طاب و ليه تشتغل اذا كنت مكفى البيت و زيادة ؟ و نقطه كمان تعب و مرمطه المواصلات .. ده غير معاكسه الشباب او نظراتهم لكل بنت ماشيه .. اما موضوع اللبس ده للاسف مبدا صعب انسانه تتغير لو مش مقتنعة من البدايه .. فهبقى مجبر انى اقنعها و ممكن توافق و ممكن لا .. 🙅♂️ و ممكن توافق عن غير اقتناع كمان .. لكن لو هى استايل لبسها من البدايه كده و مقتنعه به من عيى ما حد يجبرها .. او يقولها حاجه . ده اللى بدور عليه .. فلعله خير و ربنا يرزقنى
تم النشر الأربعاء، ١٠ يوليو ٢٠٢٤
لعرض السؤال في فدني اضغط هنا