انا كنت مبهجه وبحب الحياه اوي وكنت مطرقعه وبحب اهزر واعمل مقالب ف صحابي من 2020 اتغيرت واتبدلت بقيت مطفيه وبكتئب كتير وبحب العزله ولو حد قال كلمه تزعل بعيط بس م ببين لحد اني زعلت وسعات بحس اني مغروره مع اني م كدا خالص بعدت عن كل الناس حرفيا مفيش حد فحياتي ابدا مفيش اي حد احكيلو ولا عندي اصدقاء كان عندي وبعدت عن الكل بقيت احب الوحده وكياني المنفرد انا عندي عقد كتير وبجد محتاجه دكتور نفساني جوا عقلي في كذا شخص بيتكلم في حلقات كتير ظلمه جوايا صراع وتعبت من جو الضلمه ال انا عيشت نفسي فيه دا
طب ايه حصل في 2020؟؟ والوضع الحالي مضايقك في ايه؟ يعني شخصيتك دلوقتي مش عجباكي وحابه نفسك الاول ولا حاجه تانيه؟
تم النشر الأربعاء، ٢١ ديسمبر ٢٠٢٢
سافري وغيري جو ابعدي انك تقعدي لوحدك اسمعي قران كتير... صاحبي تاني واخرجي معاهم شوفي افلام كنتي بتشوفيها زمان اسمعي سلسله دينيه...باختصار اشغلي يومك عشان متقعديش لوحدك و تحسي انك مكتئبه
تم النشر الثلاثاء، ٢٠ ديسمبر ٢٠٢٢
كنت هقولك ال يخرجك من ده انك تنجحي في اي مجال ادري فيه بما ان ربنا لم يشاء لك ، متوقفيش شوفي طريق تاني تنجحي فيه اتعلمي أعمال يدويه واشتغلي ف مكان تعلمي فيه المجالات كتيييير اوي ميعرفش بين الطبيب و استاذ الحرف اليدويه غير ال يتفوق ف مجاله
تم النشر السبت، ٢٤ ديسمبر ٢٠٢٢
ايه اللي حصل من ٢٠٢٠ خلاكي كده؟ هل مثلا تجربة كورونا واللي مرينا بيه كلنا، هل كان ليه اثار عليكي بشكل ما سلبية. طبعا كلنا كنا في البيت بشكل شبه دائم وقتها. وفيه ناس كتير اتاثرت بشأن اللي حصل. ولكن ممكن تقوليلي ايه اللي حصل من ساعتها خلاكي الشخص ده حاليا .. الشخص المنعزل!
تم النشر الأربعاء، ٢١ ديسمبر ٢٠٢٢
لعرض السؤال في فدني اضغط هنا