كيف أتخلص نهائيًا من العادة السرية بعد أن عرفت أنها حرام وقررت التوبة منها؟

Question

السلام عليكم ورحمة الله وبركاته في الأول معذره عن الموضوع اللي هتكلم عليه بس بجد لازم الاقيله حل بأسرع وقت ممكن انا بمارس العاده السريه من أربع سنوات ولغاية السنه اللي فاتت انا مكنتش اعرف اصلا يعني اي عاده سريه ولا كنت اعرف ان الشيء اللي انا بعمله ده حرام ومكنتش اعرف ان هي دي العاده السريه والحمد لله ربنا كشف لي الغطاء وعرفني ان اللي انا بعمله ده هو العاده السريه واول ما عرفت ان الفعل ده كبيره من الكبائر وان ربنا هيغضب مني لو مارستها تاني وان ممكن لا قدر الله ادخل النار بسببها فانا قررت اتوب وندمت اوي علي اني كنت بعمل معصيه بس أنا والله ما كنت اعرف انها حرام انا مكنتش اعرف هي اي اصلا المهم اني من ساعة ماعرفت وانا بحاول اني ابطلها بس الموضوع صعب بالنسبالي لان دي بقت عاده عندي ومش قادره اني ابطلها بس بحاول وهفضل احاول انا كنت بفضل احسب الأيام اللي مش بعمل فيها الذنب ده وكل مره كنت بعدي مده كبيره وما اعملش الذنب بجد كنت ببقي مبسوطه جدا واقول الحمد لله كان ممكن أفضل شهر معملهاش وآجي مره اروح واقعه في المعصيه واعملها وارجع اندم واتوب واكتر مده وصلتلها هي 40 يوم المشكله بقا اننا دلوقتي في رمضان وانا حاليا بقيت بمارسها كل يوم واوقات اكتر من مره في اليوم يعني انا والله تعبت وعايزه ابطلها نهائي والله انا بكون بعملها وانا مش عايزه وبكون من جوايا بستغفر ربنا انا والله بحب ربنا جدا ومش بحب اني اعصيه بس نفسي بتغلبني وانا خلاص مش قادره عايزه حل يعني احنا في شهر كريم والمفروض اني اعمل حاجات تقربني من ربنا مش تبعدني عنه انا خايفه من عذابه ومن غضبه عليا ونفسي ابطل الذنب ده واتمني ان حد يفيدني ويقولي اعمل اي علشان ابطلها وجزاكم الله خيرا

Accepted Answer

السلام عليكم، جيد إنك عرفتِ حرمانية العادة وقررتِ التوبة عنها. طبعًا 4 سنين دخلتك في إدمان وطبيعي تاخدي وقت عشان تعالجي الإدمان ده لكن مش مستحيل خالص ومفيش شيء صعب طالما صدقتِ ربنا التوبة وعاوزة توقفي فعلا والاستعانة بالله بصدق قادرة تغير حالك بإذن الله. خدي بالك من حاجة مهمة، العادة بتبطل الصيام فلو مارستِها وأنتِ صايمة فصيامك للأسف باطل وهتضطري تعيدي الأيام دي بعد رمضان. ولو بعد الفطار فما زالت ذنب عظيم وخصوصا مع حرمة الشهر. *** المهم دلوقتي إنك تقومي دلوقتي وتتطهري وتصلي وتستغفري كتير وتتوسلي ربنا في الدعاء عشان يقويكِ ومتخليش الشيطان يحسسك باليأس من نفسك ومن رحمة ربنا. أنتِ إن شاء الله أقوى من وساوس الشيطان ونفسك الأمارة بالسوء فبلاش تيأسي واستمري في المقاومة. ربنا بيقول "والذين جاهدوا فينا لنهدينهم سبُلنا" فكملي، واحنا في شهر رمضان ومفيش أفضل من الشهر ده عشان تقربي من ربنا وتغيري حياتك جذريًا إن شاء الله. فيه على التطبيق أسئلة كتير عن العادة، اكتبي في شريط البحث أو اضغطي على قسم العادة السرية وهتلاقي نصائح كتير من الخبراء. جربي كمان تتابعي صفحة واعي على الفيسبوك، فيه شباب كتير تعافوا معاهم. ربنا يهديكِ ويوفقك للخير.

Answer

شوفي يا غالية عشان تبتدي العلاج صح لازم تعرفي إيه الأسباب إللي بتوديك للمعصية دي مثلاً ملامستك لأعضائك التناسلية بإستمرار بدون سبب أو إنك تكوني لوحدك في البيت دي الأسباب أنتِ كده عرفتِ السبب أحاول أمنع السبب دي أول خطوة تاني حاجة أول ما تجيلك الشهوة روحي أتوضي ولو قدرتي تصلي ماشي مقدرتيش خلاص الوضوء كفاية أنه يمنعك ويهديك شوية ويبعد عنك الشيطان وبعدين أقرائي سورة الفاتحة برضو مهمة جداً حاولي تنسي وتعملي نشاط جديد تعملي آي حاجة "قرآن ، تجويد ، مهارة جديدة ، دراسة" وأعرفي حاجة أنا سمعت حد قال لي كلام أثر فيا سيدنا يوسف لما إمرأة العزيز عرضت نفسها عليه ليزني بها رفض وأبى شوفي أنتِ مش متخيلة الموقف حطي نفسك مكانه واحد مع وحده والباب مقفول عليهم وهي اللي عرضت نفسها عليه وكمان دي مش آي وحده دي إمرأة العزيز يعني وحده شديدة الجمال وصاحبة منصب عالي دي سيدة مصر كلها زمان قام هوعمل أيه رفض وهرب منها عشان ميعملش الذنب قام ربنا معوض عليه ب إيه عطاله ملك مصر كلها عشان ترك الذنب واستعصم وانت كمان أعملي ذيه لما تجيلك الشهوه فكري نفسك أنك لو عملتي كده انك هتتحرمي من الحاجات اللي نفسك فيه ومن التوفيق ومش هتنجحي في حياتك ولو تركتيه ومعملتيش الذنب ربنا هيعوضك وعوض ربنا لا يوصف و أعتبري نفسك دي حاجه وانت بتربيها لما تجيلك الشهوه قوليلها اليوم لا وحاولي ده امتحان من ربنا وبعد الكلام ده كله لازم مجهود منك مينفعش عربية تتحرك وهي ماسكه فرامل ده امتحان من ربنا ليك اجتهدي عشان تعديه وحملي البرنامج ده اسمه" انا مقلع " وخلاص كده كلامي خلص وافتكري انا كتبتلك في اول الكلام "يا غالية " ف خليكِ غالية ومتبقيش رخيصة عند ربنا وسلام..

Answer

وعليكم السلام ورحمة الله وبركاته، أختي العزيزة. أولاً، أشكرك على شجاعتك في الحديث عن هذا الموضوع الحساس. من الرائع أنك أدركت خطورة العادة وأنت تسعين للتوبة والرجوع إلى الله. التوبة الصادقة هي من أعظم الأعمال التي يمكن أن يقوم بها الإنسان، والله سبحانه وتعالى رحيم بعباده ويقبل التوبة من عباده المخلصين. إليك بعض النصائح التي قد تساعدك في التغلب على هذه العادة: الاستغفار والدعاء : استمري في الاستغفار وطلبي من الله العون والقوة. قولي في دعائك: "اللهم أعني على طاعتك واغفر لي ذنوبي". تغيير البيئة : حاولي الابتعاد عن المواقف التي تجعلك تضعين نفسك في تلك الوضعيات. إذا كان هناك أشياء معينة تُذكّرك بها، فاحذفيها من حياتك. ملء الفراغ : حاول أن تشغلي وقتك بنشاطات مفيدة، مثل قراءة القرآن، حضور الدروس الدينية، ممارسة الرياضة، أو أي هواية تحبينها. ملء وقتك بأشياء إيجابية سيقلل من فرص العودة إلى العادة. مواجهة الرغبات : عند شعورك بالرغبة، حاولي أن تنظري إليها كفكرة عابرة. تذكري لماذا تريدين الإقلاع عنها وما هي النتائج الإيجابية لذلك. التواصل مع الصالحين : حاولي أن تتواصلي مع أناس ذوي جوانب إيمانية قوية، وشاركيهم همومك. الصداقات الصالحة تعينك على الثبات. استغلال فضل رمضان : رمضان هو شهر الرحمة والمغفرة. حاولي استغلال هذا الشهر الكريم في زيادة الطاعات، مثل الصلاة وقراءة القرآن، لتعزيز إيمانك وشعورك بالقرب من الله. تذكري دائماً أن التوبة ليست فقط عن توقف الفعل، بل أيضاً عن العودة إلى الله والندم على المعصية. اجعلي التوجه إلى الله هو أسلوب حياتك، وكوني صابرة على نفسك. أسأل الله أن يوفقك ويسدد خطاك، ويجعل لك من كل هم فرجًا ومن كل ضيق مخرجًا. وأي استفسار أو دعم إضافي، لا تترددي في طرحه.

كيف أتخلص نهائيًا من العادة السرية بعد أن عرفت أنها حرام وقررت التوبة منها؟

نفسية

دينية

إدمان

العادة السرية

سؤال من احد أعضاء فدني

تم النشر الخميس، ١٣ مارس ٢٠٢٥

3 إجابة

22 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك