السلام عليكم
انا واحده فاقده حنان الاب من الطفوله لحد الان وبابا ده بالنسبالي فلوس وخلاص عاتبته كذا مره ان هو مأثر في حقي ولكن ولاشيء بيحصل، اكتشفت خيانته لوالدتي كذا مره من شات ومكلمات مقرفه واجهته وبردو متغيرش.
تعبت وقرفت منه ومن العيشه دي، حصلي ظرف في الكليه وسبتها وقعدت في البيت سنه طول السنه مش بخرج برا خالص وفي البيت كل يوم زعيق وخناق وكده، المهم اني كنت بعزل نفسي عنهم وادخل اوضتي لحد لما مره في مره نزلت برنامج تعارف واتصاحبت على ولاد بس محدش يعرفني من غير هويه يعني وخلاص كنت دايما بحب اي اهتمام من اي ولد حتي لو كلب اهتم بيا اكون مبسوطه لحد وكنت عارفه ان ده غلط ومسحت الابلكيشن كذا مره ونزلته تاني لحد لما ارتبطت من عليه والشخص ده عرفني يعني وعرفته كل حاجه عني وقرر انه يخطبني وكدا بس انا مش بحبه انا كنت حابه اهتمامه بياا انا حاليا تعبانه جداا ومنهاره عشان ظلمت الشخص ده وهو ميستهلش ده علقته بيا وانا مكنتش عارفه وقتها والله وعماله اصلي وادعي اني ربنا يغفرلي كل العك ده وان ده كل بذنب ابوياا انا عارفه ان المفروض معلقش غلطتي عليه بس هو السبب في اللي انا وصلتله بقيت عاوزه حب واهتمام من اي حد تعبت من الموضوع ده بجدد وقرفانه من نفسي هل ربنا ممكن يسامحني علي كل ده وميحسبنيش بذنب الولد اللي علقته بيا ارجو الرد
اكتر حاجة عارف انها بتأثر في نفسية اي حد من صغره هو انه ميلاقيش الحنية اللي بيحتاجها في البيت لانها بتخليه يدور على اي حاجة شبها وللاسف بيلاقيها برا في صور كتيرة واوقات مبيبقاش عارف الصح من الغلط .. طيب خليني اقولك ان قصة انك شايلة ذنبه دي انسيها واركنيها على جنب انتوا الاتنين كنتم غلط والاولى انك تبصي لغلطتك وهي انك تبعدي عن التطبيقات والبرامج دي وتفوقي لنفسك ميصعبش عليكي هو مسيره هيفوق ويعرف ويفهم ان ده كان مينغعش خصوصا انه كان وقت مزيف .. شوفتك قولتي انك قطعتي علاقتك بيه وقفلتي كل حاجة ياريت تستمري على كدة ومتدوريش على حنية برا وادعي ربنا يرزقك بزوج صالح يعوضك عن كل حاجة وادعيه كمان يرزقك بذرية صالحة تقدري تديهم وتعوضيهم عن اللي دورتي عليه على الاقل انتي هتبقي فاهمة كويس احتياجاتهم .. احيانا الغلط بيكون القلم اللي بيخلينا نفوق والاهم انك موقعتيش في حاجة كبيرة.
تم النشر الأحد، ٢٩ سبتمبر ٢٠٢٤
وعليكم السلام ورحمه الله وبركاته. جميل جدا انك رجعتي نفسك وانك عرفتي الغلط فين اه فهمتي نفسك من جواها ايه اللي دفعك علشان تروحي في الاتجاه ده كل ده بيدل على ان في وعي جميل جدا في ضمير صوته عالي بيبدا ينبهنا علشان نرجع نرتب الاوراق من اول وجديد. طيب هل نفضل واقفين في مرحله ان احنا بس سامعين صوت الضمير وان احنا حللنا وعرفنا وفهمنا وخلاص لا ننقل على المرحله اللي بعدها بقى المرحله اللي بعدها بقى مرحله الترتيب من اول وجديد فانا دلوقتي كان في حاجه محطوطه في مكان غلط يلا نشيلها من المكان الغلط ونحطها في المكان الصح انا كنت موجهه قماشه عليه واحتياجاتي الاحتياجات بتاعه الاهتمام والاحتياجات بتاعتها العاطفه وكل الكلام ده كنت واخداها في اتجاه وحاطه لها. منبع غلط ابدا اعيد تغيير الدفه كده واعيد الترتيب وارجعها المكان صح طب ايه المكان الصح المكان الصح ان انا اقدر اخذ الاهتمام ده من اي حد بس يكون حد صح ماما لو ماما بتقدر تدومي من خالو من عمه من جدو من اي حد انا. ممكن اخد منه ده وده مش هيكون عيب ولا حرام ولا فيه غلط؟ طيب خلاص انا قعدت الترتيب طب وبقى الحاجات اللي هي باظت بسبب ان انا كنت حاطه الموضوع في اتجاه غلط الشخص ده الشخص ده انت ضروري جدا تبقي صريحه معاه وتتكلمي معاه بكل وضوح انك حابه تصلحي الاوضاع وان الطريق اللي انت كنت واخداه ده غلط وانت عرفتي ان هو غلط. تقدري تقولي له احنا ممكن اه نتخطب ولكن انا عارفه ان اهلي مش هيوافقوا بخطوبه زي دي تمام طيب حتى لو هو قال لك لا وسيبيني احاول واجي اتقدم انت قدامك حاجه من الاثنين يا اما تعمليه بنصيحه يعني احد الاعضاء اللي كان كتبها لك انك تبداي تاخذي الشخص ده من اول وجديد وتتعرفي عليه من اول وجديد بس في السياق الصح في السياق بتاع الخطوبه او تقدري انك همم خلاص لو مش حابه تعملي ده انك تبلغي اهلك ان في حد عايز يتقدملي وانا مش حابه ان انا احرجه مني لنفسي وارفض ممكن الموضوع يجي منكم انتم افضل بس يعني دي ممكن تكون الحلول اللي ممكن تعمليها علشان تصلحي الاوضاع الحاجات.
تم النشر الأحد، ٢٩ سبتمبر ٢٠٢٤
وعليكم السلام ورحمة الله وبركاته، أول خطوات التعافي والنجاح في التغير، الاعتراف بالخطأ وعدم إلقاء اللوم على تقصير الآخرين في حقنا، حتى لو كان تقصيرهم أو خطأهم بالفعل هو الشرارة التي أدت لوقوعنا في الخطأ لكن نحن من استمرينا في الطريق. الله منحنا الوعي والإدراك وأمامنا طريق الصواب والخطأ ونحن من نختار في أيهما نسير. إذا نضجنا وعرفنا أننا من نملك زمام أمور حياتنا سنعرف أن أفعالنا وقرارتنا نحن المسؤولون عنها، نحن من بيدنا أن نغير حياتنا ونتخلص من التأثير السلبي للأهل أو الآخرين علينا. أنتِ عرفتِ أنكِ أخطأتِ، اخرجي من دائرة اللوم سواء لوم والدك أو نفسك وابدأي في تصحيح مسارك. لا جدوى من البكاء على اللبن المسكوب كما يقولون. توقفي عن الشعور بالقرف من نفسك واليأس فهذا من وساوس الشيطان ليجعلك تيأسين من رحمة الله. اكتفي بالتوبة وقومي بها بشروطها واعزمي على عدم العودة للذنب وأكثري من الاستغفار وتقربي من الله وحافظي على الصلاة وحاولي أن تستحضري الخشوع فيها قدر ما تستطيعين. كل هذا سيعينك إن شاء الله في الخروج من هذه الدائرة من لوم النفس والندم. بالنسبة للشاب، ما دام طلب التقدم لخطبتك لماذا لا تمنحينه الفرصة ليأتي رسميًا؟ كثيرًا ما يختلف الناس في الواقع عن شخصياتهم على السوشيال ميديا وربما وجدتِ شخصيته في الواقع مناسبة لك. إذا تقدم قومي بصلاة استخارة ولو كان هناك خير في الموضوع سيتيسر أو العكس. إذا تمت الخطبة امسحي ما عرفتِه عنه سابقًا وحاولي التعرف عليه في مرحلة خطبة ذات ضوابط شرعية ودون كلام في الحب والتركيز على العواطف بل ليكن تركيزك على معرفة إذا كان مناسبًا كزوج أم لا. إذا لم يكن ممكنًا أبدًا أن تسمحي بفرصة الخطبة فلا بأس، اعتذري له واطلبي منه السماح لتكوني قد أرحتِ ضميركِ من ناحية الإحساس بالذنب. تحياتي.
تم النشر الأحد، ٢٩ سبتمبر ٢٠٢٤
الناس مالهاش ذنب في أخطاءنا، انتي ظلمتيه، انك تزيفي مشاعر وتديهاله دا ظلم انك توعديه بحاجة وتخلفي وعدك دا ظلم النبي صلى الله عليه وسلم قال:( من كانت عنده مظلمة لأخيه فليتحلله منها، فإنه ليس ثم دينار ولا درهم من قبل أن يؤخذ لأخيه من حسناته، فإن لم يكن له حسنات أخذ من سيئات أخيه فطرحت عليه). يعني لو بينك وبين الجنة خطوة مش هتدخليها غير والإنسان اللي ظلمتيه دا يسامحك. مش بقولك كملي معاه غصب عنك بس اطلبي منه يسامحك واعتذريله يمكن يسامحك ويارب يسامحك وماتعمليهاش تاني.
تم النشر الأحد، ٢٩ سبتمبر ٢٠٢٤
السلام عليكم ورحمة الله وبركاته اول حاجه انتي غلطتي انك اتكلمتي مع شباب مش من محارمك حتى لو كان بسبب اهلك انا عارفه انه كان وقت صعب عليكي بسبب فقدان الحنيه وحاسه بيكي جدا انا نفس حالتك ع فكره بس احنا كبار بالشكل الي يخليني افكر وافرق بين الحلال والحرام وان الدنيا دي دار ابتلاء ف حالتك دي انا بقولك عن تجربه خلي يكون عندك صحبه صالحه الصحبه الصالحه بتصلح أووي واقراأي القرآن اسمعي فيديوز ديني بالنسبه للشاب الي انتي اتعرفتي عليه لو مش حابه تكملي معاه تتأسفي واعتذزي منه عشان وجوده معاكي وانتي مش حباه هيتظلم معاكي أكتر
تم النشر الأحد، ٢٩ سبتمبر ٢٠٢٤
وعليكم السلام ورحمة الله وبركاته، أحمد الله أنكي شاركتيني مشاعرك وأفكارك. فقدان حنان الأب وتأثيره على شخصيتك وتجربتك في الحياة هما موضوعان حساسان يتطلبان فهمًا عميقًا وتعاطفًا. من الطبيعي أن يبحث الإنسان عن الحب والاهتمام، خاصة عند فقدان مصدر الحنان والرعاية مثل الأب. إن مشاعرك تجاه اهتمام الآخرين بك مؤشر على الحاجة إلى الشعور بالقبول والمحبّة، وهذا أمر إنساني جدًا. لكن الأهم أن نبدأ في فهم أنفسنا واحتياجاتنا بشكل أعمق. علاقتك مع ذلك الشخص الذي ارتبطتي به، بالرغم من عدم مشاعرك الحقيقية تجاهه، تعكس تلك الحاجة إلى الحب والاهتمام. من المهم أن نتذكر أن كل إنسان له الحق في الشعور بالحب، ولكن يجب أن يكون ذلك الحب مبنيًا على الاحترام الحقيقي والتفاهم المتبادل. أما بالنسبة لظروفك مع والدك، فقد يكون من المفيد توجيه مشاعرك ناحية ما حدث وكيف أثر عليك بدلاً من إلقاء اللوم على نفسك أو الآخرين. ابحثي عن طرق للتعبير عن مشاعرك، سواء من خلال الكتابة أو الحديث مع شخص تثقين به. فيما يتعلق بسؤالك عن المغفرة، إن الله سبحانه وتعالى هو الغفور الرحيم. ليست مغفرتك مرتبطة بما حدث بقدر ما هي مرتبطة بنواياك ورغبتك في التغيير. الاستغفار والتوبة هما طريقان لبدء صفحة جديدة في حياتك. ادعي الله بصدق، واعملي على تحسين نفسك وتوجهي نحو ما يحقق لك السعادة والسلام الداخلي. يمكنك أيضًا التفكير في استشارة مختص نفسي للمساعدة في التعامل مع مشاعرك وتوجيهك نحو اتخاذ خطوات إيجابية في حياتك. للحب والاهتمام أشكال عديدة، ومن المهم أن تتعلمي كيف تمنحي نفسك هذا الحب أولاً قبل البحث عنه من الآخرين. أسأل الله أن يوفقك ويسهل أمورك ويمنحك السعادة والسكينة.
تم النشر السبت، ٢٨ سبتمبر ٢٠٢٤
اشغلي نفسك باي حاجه تانيه وهو هيروح من فكرك مع الوقت
تم النشر الأحد، ٢٩ سبتمبر ٢٠٢٤
لعرض السؤال في فدني اضغط هنا