السن 15
اولي ثانوي
عاوزه اخاد كورسات بحيث لما اخلص الثانوي اشتغل علي طول ويكون الربح كويس
ركزي ع اللغة الانجليزية او الالمانية شغلهم كويس ماشاء الله ممكن كمان تاخدي كورسات جرافيك برمجة شوفي انتي مهتمة بأي وخدية
تم النشر الاثنين، ٥ أغسطس ٢٠٢٤
حلوه اووي الفكره دي وبتمنالك التوفيق يارب ممكن تتعلمي لغه جديده بس تكون غير متداوله كتير بمعني مثلا عندنا الإيطالي مشهور جدا والكل بيتعلمه فهتلاقي الطلب عليه قليل او بمعني أصح الربح قليل بينما مثلا الصيني او التركي غير متداول كتير فالعدد منه قليل بالتالي دا الربح بتاعه بيكون اكبر وإن يكون معاكي اكتر من لغه دا شئجميل جدا وهيساعدك جدا في اي مجال تدخليه وهكذا او ممكن تتعلمي برمجه دي كمان ربحها عالي جدا وكمان هي متداوله حاليا في سوق العمل بس هنصحك بإنك تحاولي حاليا تهتمي بدراستك وخاصه في تالته متخلييش اي حاجه بجانب الدراسه لان بجد هتشتتي ما بينا اتنين وكمان تالته مش محتاجه غير تركيز عليها من غير اي حاجه تانيه انا لسه مخلصه ثانويه وبعدها بدأت افكر زيك كدا واني اتعلم حاجه تنفعني وبدأت فعلا فعشان كدا بنصحك كأخت بجدوبتمنالك التوفيق يارب دايما ♥️♥️
تم النشر الاثنين، ٥ أغسطس ٢٠٢٤
بالاضافة للاجابة الاولى ، ركزي على اللغة الانجليزية ، لانها اساسي وبتتطلب كتير جدا في اي شغل وهتزود فرص الشغل بعد كدا في مواقع بتقدم كورسات مجانية او بخصومات كبيرة زي المذكورة في اول اجابة، واليوتيوب كمان مليان قنوات لتدريس الاساسيات في مجالات شغل او لغات مختلفة الاهم هو انك تركزي على مرحلة الدراسة الحالية ، وتجيبي مجموع معقول في ثانوي يساعدك تختاري الكلية المناسبة لميولك واهتماماتك اللى حابة تشتغلي فيها بعد كدا
تم النشر الاثنين، ٥ أغسطس ٢٠٢٤
أهلاً بيكي يا حبيبي! فكرة إنك تاخدي كورسات وتخطي لنفسك مسار مهني بعد الثانوي حاجة ممتازة. حددي مجالات اهتمامك : فكري في الحاجات اللي بتحبيها أو اللي ممكن تشتغلي فيها. تعريف نفسك بجوانبك القوية هيساعدك تختاري الكورسات اللي تناسبك. ابحثي عن كورسات مفتوحة : فيه مواقع كتير بتقدم كورسات مجانية أو بأسعار رمزية، زي Coursera وUdemy وedX. ممكن تلاقي فيها كورسات في مجالات زي البرمجة، التصميم، التسويق الرقمي، أو حتى اللغات. استغلي وقتك : حاولي تنظمي وقتك بين الدراسة والكورسات. خدي وقتك واشتغلي على التعلم بانتظام. ابني شبكة علاقات : تواصلي مع ناس في نفس المجال. ممكن تشاركوا المعرفة والخبرات وتكتسبوا فرص عمل سوا. تدربي عملي : لو في فرصة إنك تتطوعي أو تتدربي في مكان في المجال اللي بتحبيه، اقنعي المسئولين وابدئي! شدي حيلك، وخلّي عندك ثقة بنفسك، لأنك إن شاء الله هتوصلي لأهدافك. لو محتاجة نصائح أكتر عن مجالات معينة، قولي لي!
تم النشر الاثنين، ٥ أغسطس ٢٠٢٤
هو ما شاء الله يعني انت تفكيرك كويس حلو انك تبقي حابه انك تزودي مهاراتك اللي انت ممكن تشتغلي بيها خليني اقول لك الاهم من انك حتى بعد ما تحددي لانه ما شاء الله في اجابات كتير باقتراحات كثير بعد ما تحددي الحاجه اللي انت هتاخدي الكورس فيها ما تحتاجيش بالكورس يعني دي نقطه مهمه جدا لو انت عايزه تشتغلي فعلا.
تم النشر الاثنين، ٥ أغسطس ٢٠٢٤
أنصحك أن تتصفحي مجالات العمل الحر، منها: البرمجة (وهي مجالات كثيرة: المواقع، التطبيقات، الواجهات، ... إلخ) هندسة الأوامر (وهذا متعلق بالذكاء الاصطناعي وهذا هو المجال الذي سيفرض سيطرته). التصميم صناعة المحتوى التسويق وهو مجال واسع أكثر مما تتخيلي الصوتيات العمل كمساعد افتراضي اللغات والترجمة والتدقيق والتحرير ولا تكتفي بما ذكرته لك، تابعي مستجدات السوق. أحييك على تفكيرك الناضج، موفقة يا رب.
تم النشر الاثنين، ٥ أغسطس ٢٠٢٤
لعرض السؤال في فدني اضغط هنا