ما هو انسب واسرع حل علي الأقل يكون حل مؤقت لشخص متعلق تماما بالنساء حياته كلها أصبحت متعلقة بيهم مش بس كده لا للأسف يمارس معهم اشياء سئ ومع العلم ظروفه غير مناسبة للزواج وبالإضافة أنه ملتزم بالصلاة.
الحل الأول دائما بالابتعاد عن اى مصدر يساهم فى هذا التقارب بينه وبين النساء. حتى لو كان وسائل التواصل الاجتماعى... يقفلها.. حتى لو مش هيشيل تليفون حديث... كل التضييق اللى هتعمله مفيد ليك ومهم عشان توصل للهدف.
تم النشر الأحد، ٧ يناير ٢٠٢٤
دي شهوات وومكن تكون وساوس وعن تجربة استحضر نظرة ربنا ليك وانت بتعمل اي حاجة بزات لو ذنب استحضر نظرة ربنا ليك دلوقتي واستحضر لو نزل علي ملك الموت ووقفت بين ايد الله وانت عريان بالمعني الحرفي ربنا الي وسع كرسيه السماوات والأرض يعني عرش مقام رجليه لا مثيل لها ولما يجيلك فكرة زي دي حاول تقاوم بلاش تكون من ناس اول ما تجيلها فكرة ذنب تستسلم علي طول وتعمل ذنب لا لازم تقاوم وأبعد عن ايه حاجة تقربك من الفواحش سواء مكان معين أو ناس معينة بتشدك ابعد وانا اعتقد انك جواك خير وعندك صدق عشان سألت بص لو عايز طريق الهداية والإستقامة حاوط نفسك بالصحبة صالحة او اي حاجة تشدك علي عموم يعني مثلا انت عايز تلتزم في صلاة صلي في المسجد عشان المسجد في التزام ف مسجد هيشدك للصلاة عكس صلاة في بيت ممكن تكسل ولا آخرو وانت أساسا مأمور انك تصلي جماعة عايز مثلا تقرأ قرآن أو تحفظه شوف أكاديمية أو حاجة زي أكاديمية الي اعرفه ان اسمه أكاديمية لتحفيظ قرآن وأحضر محاضرات دينية المهم تحاوط نفسك بالناس دي انا بقولك عن تجربة
تم النشر الأحد، ٧ يناير ٢٠٢٤
الاهم من السؤال مين اللى طرح السؤال اي الشخص نفسه هو من كتب هذا السؤال؟ ام شخص اخر يكتبه لكي يجد طريقه يساعد بها! اي بالمختصر الاهم في الموضوع هو ان يكون صاحب الذنب هو من يريد التخلص منه ولديه النيه وبفرض ذالك على هذا الشخص تحديد المصدر الذي يجعله يرتكب هذه الرذيله بمعنى اخر الباب لهذه المعصيه ك ان تكون احد حسابات وسائل التواصل الاجتماعي التى تساعد على هذا ك حساب هو يستخدمه للتواصل مع النساء ف الحل البداية في الجهاد هو حذف الحساب ولو انه يبدا هذه المعصيه حين رؤيه النساء ومحاولة التعرف عليهم في الطرقات فعليه كمثال للحل هو انه قبل خروجه من منزله ان يحدد شى ليبحث عنه ك ان يعد عدد الاشخاص الذين يرتدون احزيه ذات لون معين وطبق على بقيه مصادر الذنب بهدا المنوال وبعد قفل باب المعصيه سيدخل في حال الجهاد لعدم العوده لها والتى بالطبع تاخذ وقت طويل جدا والاهم من ذالك الدعاء بان يبعده الله عن ذلك الطريق ولكن يوجد بعض النقاط التى اريد ان اعلق عليها اولها هو انه يريد حل مؤقت اجزم تماما انه حين يتزوج سيفعل ذالك ان لم يستطع التخلص من عادته السيئه اولا لكي لا يظلم من سيتزوج بها ثانيا ليس لانه يصلى اي يتجاهل كبر هذه المعصيه عليه بالتقرب من الله والصلاه فرض والتقرب من الله عن طرق النوافل وعليه الا ينسى ان الله لم يقل لا تزنو بل قال لا تقربوا الزنا. وربنا معاه في طريق الجهاد وعليه بالدعاء.
تم النشر الأحد، ٧ يناير ٢٠٢٤
بص اول حاجة لازم يبقي عندك ارادة عشان تمنع نفسك لانك انت اللي رقيت عليها مش حد تاني .. تاني حاجة حاول تبعد عن الاجواء او الاشخاص اللي بتخليك تقع في الذنب دا .. تالت حاجة لو عملت كدة والحمد لله مبقتش تقع في الذنب دا ورجعت بعد كدة وقعت فيه عادي جدا قوم من تاني وابدأ من جديد دي هتبقي زي نكسه مش اكتر ماتقولش انا مفيش فايدة فيا والكلام اللي تبخس بيه حقك دا .. اتمني ابقي قدرت افيدك
تم النشر الاثنين، ٨ يناير ٢٠٢٤
البعد عن مكان وجود النساء بشكل كبير خاصه يلي يعرفهم وغض البصر والدعاء
تم النشر الاثنين، ٨ يناير ٢٠٢٤
الحل هو أنك تتزوج ده لو أنت قادر على أنك تتزوج يعني ماديا المهم حاول أنك تعمل فرائضك
تم النشر الاثنين، ٨ يناير ٢٠٢٤
قراءه القرآن و كثرة الدعاء و البعد عن اى حاجه تتعلق بفعل هذا الشىء
تم النشر الاثنين، ٨ يناير ٢٠٢٤
اعرف يا صاحبي أنها إنسانة زيها زيك و افتكر أنها كده كده متر في متر في الاخر
تم النشر الاثنين، ٨ يناير ٢٠٢٤
لو ملتزم بصلاه وتفعل ذالك فعليك بقراءة القرآن الكريم ودا انسب حل
تم النشر الأحد، ٧ يناير ٢٠٢٤
لعرض السؤال في فدني اضغط هنا