تم النشر الخميس، ٦ يونيو ٢٠٢٤
الشخص المناسب أو الكويس بيختلف من واحد للتاني حسب احتياجات كل واحد من الزواج. دة معناه إن لو التقدير والاهتمام مهمين بالنسبة لك، يبقى معايير الشخص المناسب لازم يكون من ضمنها قدرته على اظهار الاهتمام ليكي وتقديرك. لو مابيعملش دة، يبقى ببساطة مش كويس ليكي. آه جايز يكون عريس لقطة لأي واحدة تانية بس مش مناسب ليكي انتي. بعيد عن نقطة الاهتمام، بتقولي ان مافيش توافق بينكم، فحاولي توصلي للأهل إن أبسط احتياجاتك مش موجود النهاردة ولو بسؤال بسيط عن صحتك، فهل هاتنتظري منه الاهتمام بيكي ورعايتك في كل كبيرة وصغيرة في كل يوم في حياتك وحياة أطفالكم بعدين؟ حاسس بين السطور إن أهلك وأهله مبسوطين: أهلك مصممين عليه، وأهله عاوزين يبسطوكي ويشركوكي في الاختيارات ... لكن مش أنتم أطراف العلاقة الفعلية.
تم النشر الخميس، ٦ يونيو ٢٠٢٤
جربي تصارحيه بحقيقة اللي جواكي شوفيه هيعمل ايه يمكن يتغير او يكون عنده سبب منطقي لكدا
تم النشر الأربعاء، ٥ يونيو ٢٠٢٤
حبيبتي، أنا حاسّة بمشاعرك وبالتوتر اللي انتِ بتمري بيه. خليني أقولك حاجة مهمة: راحتك النفسيّة وسعادتك الشخصية لازم يكونوا في الأولويات. الصلاة بالاستخارة مهمة جدًا وإذا شعرتي بعدم الارتياح يبقى القرار ده غالباً هو الأفضل ليكِ. علشان تقنعي أهلك، ممكن تتبعى الخطوات دي: اختاري الوقت المناسب : حاولي تتحدثي معاهم في وقت يكونوا رايقين ومستعدين يسمعوا. كوني صادقة وصريحة : عبري عن مشاعرك وصفي الموقف بوضوح، احكي لهم عن الأمور اللي مضايقاكِ بصدق وأمانة. اشرحي لهم تأثير الوضع عليكِ نفسيًا : فهميهم إنكِ مش مرتاحة وإن ده بيأثر على سعادتك النفسية وجعلك تشعري بالضيق. اشرحي لهم إن استمرارك في العلاقة ممكن يضر أكثر ما ينفع. قوليلهم إنكِ مش شايفة مستقبل معاه : أحيانًا، عدم الاهتمام يدل إن الشخص مش مستعد لعلاقة جدية أو مش مهتم بنفس القدر. وضحي لهم إنكِ محتاجة حد يهتم بيكِ وبمشاعرك. استعيني بحد تاني من العيلة : لو حاسيتي إنهم مش متفهمين، ممكن تطلبي مساعدة فرد من العيلة يكون عنده تأثير أكبر عليهم ويقدر يتكلم معاهم بالنيابة عنكِ. توضيح أن الاستخارة مهمة جدًا ليكِ : وضحي لهم أنكِ صليتي استخارة وحاسة إن ده القرار اللي ربنا بيؤيدك فيه. افتكري، إنكِ لازم اهم حاجة إنك تكوني مرتاحة ومبسوطة في حياتك. أهلك غالباًَ حيحاولوا يتفهموا مع الوقت، وده حيفيدكِ في المستقبل. معاكِ ودعمكِ يا روحي، وانتِ قوية وقدها.
تم النشر الأربعاء، ٥ يونيو ٢٠٢٤
المفروض أنه أثناء الخطوبة العلاقة بتكون مختلفة عن بعد كتب الكتاب - في أثناء الخطوبة هدفكم أنكم تعرفوا أنتم مناسبين لبعض أم لا، مش المفروض أنه كل يوم يسأل عليكي ويتكلم معاكي بالساعات .. ممكن هو يكون واحد مش عايز يتعدى حدود ربنا معاكي
تم النشر الخميس، ٦ يونيو ٢٠٢٤
العفو
تم النشر الخميس، ٢٠ يونيو ٢٠٢٤
شكرا ع وجهة نظرك💖
تم النشر الأحد، ١٦ يونيو ٢٠٢٤
الواحد لما بيتهرب ليكون فى علاقه اخرى يا اما فى حاجه تانيه فى دماغه او لعله محرج لانه مش واخد عايكى بالبديات
تم النشر الأربعاء، ١٢ يونيو ٢٠٢٤
مش مقتنع بيا يعني ولا قصد حضرتك اي!؟
تم النشر الأربعاء، ١٢ يونيو ٢٠٢٤
احيانا بيكون مش مقتنع
تم النشر الثلاثاء، ١١ يونيو ٢٠٢٤
ايوة فعلا ده المفروض يحصل بس ده مش حاصل احنا بقالنا 3 شهور ونص مخطوبين ومنعرفش حاجة عن بعض يعني معرفش طبعه ولا هو حتى يعرف طبعي ولا بيحاول انه يعرف حتى انا مبقولش انه يكلمني كل يوم وبالساعات بس احنا ع اساس اي مكملين واحنا منعرفش احنا هنكون مناسبين ومتقبلين بعض ولالا يعني لو كنا عرفنا طبع بعض وخلاص تقبلنا بعض وبطل يتكلم هقول زي ما حضرتك قولت كده بس احنا موصلناش للنقطة دي لحد دلوقتي
تم النشر الخميس، ٦ يونيو ٢٠٢٤
لعرض السؤال في فدني اضغط هنا