انا مش عارفه اي الحاله ال انا فيها دي انا مخنوقه وتعبانه وكارهه الحياه ومعنديش شغف تجاه أي شيء ومش مستمتعه بأي حاجة انا الحمد لله بصلي وبقرأ قرآن يمكن الجانب الديني هو الوحيد السليم في حياتي
افكاري كلها سلبيه وانتحاريه بس مش عارفه احدد هي مجرد افكار ولا اي انا عارفه انه حرام بس مثلا ببقى ماشيه اقول يسلام لو اموت دلوقتي أو بدعي في اي وقت اني اموت كدا في صمت وارتاح رغم اني فالطريق وانا ماشيه باخد بالي من الطريق وبعمل حساب العربيات يعني انا مش مقبله ع الانتحار لا انا نفسي اموت طبيعي من عند ربنا وارتاح انا لسه 17 سنه بس حاسه ان الحياه صعبه والله تعبت وكمان انا 3 ثانوي ولما قولت لماما كدا اني مش حاسه اني كويسه كلمتني براحه عادي أن ال انا فيه دا بسبب الثانويه وانه طبيعي بس والله مش عارفه احدد بجد دا بسبب الثانويه ولا اي انا عايزه حد يشخصني عشان امسك طرف خيط لحالتي دي
انا حتى الحاجات ال بحبها مش بتفرحني يعني شغلت مسرحيه بحبها جدا وقعدت اعيط عياط هستيري وانا بسمعها مع انها مسرحيه كوميدي وكمان مليش نفس اذاكر خالص ولا عندي طاقه لحاجه غير النوم بنام بشكل صعب
اسفه طولت عليكم وارجو الإفادة.
بصي أنا هقولك حاجة، ربنا عمره ما بيشيل حد فوق طاقته و عمرك ما هتشيلي حمل مش بتاعك، لو فاكرة إنك جاية الدنيا دي علشان ترتاحي تبقى غلطانة، ربنا سبحانه وتعالى قال " إنا خلقنا الإنسان في كبد " يعني هتفضلي طول حياتك تعبان، الراحة الأبدية وقت الحساب غير كدة دي راحة مؤقتة مش أكتر، اتقي ربنا في تصرفاتك و في الناس اللي حولك، و معلش انت مش هيحصل معاك أكتر من اللي حصل مع الصحابة و رغم كل اللي حصلهم قالوا ربنا ولا تحملنا ما لا طاقة لنا به و اعف عنا و اغفر لنا و ارحمنا، ف استعيني ب ربنا و ابدأي من جديد انت كدة كدة مش خسران حاجة، حاولي تتعرفي على ناس جديدة و حاولي تتجنبي التفكير في اللي بيضايقك حاولي تعملي حاجة جديدة و بالنسبة للالتزام حاولي تزودي التزامك اقرأي في الدين اشتري كتب تحاول تغير تفكيرك ،و ربنا يوفقك يارب و يرزقك الخير أينما كان
تم النشر الجمعة، ١٢ أبريل ٢٠٢٤
فيه حاجه معينة حصلت معاكي من فترة ومتعاملتيش معاها؟ والموضوع ده حصل من امتى ؟ يعني على الحال ده من امتى بالظبط؟
تم النشر الخميس، ١١ أبريل ٢٠٢٤
انا كنت زيك كدا ولله روحي اماكن جديدة اتعرفي علي ناس جديدة اهتمي بنفسك اشتري ملابس جديدة حولي تغيري تفكيرك ان انتي ليكي مستقبل جميل ومستنيكي روحي جيم وعلي قد ماتقدري اهتمي بالدراسة ولو كان ف حد بيسببلك اكتئاب ابعدي عنو
تم النشر السبت، ١٣ أبريل ٢٠٢٤
انا معاكي في كلامك دا بس انا بعيط بس وبفكر فالموت بس وبنام بس ، هعدي الشهرين دول ازاي انا دراستي متاثره وحتى معنديش شغف للجامعه ذي صحابي ولا متحمسه لأي شيء كأن كل شيء مش فارق
تم النشر الجمعة، ١٢ أبريل ٢٠٢٤
بصي انا هقولك جملة واحدة فقط وهتفتكري كلامي دا بعدين ، كل اللي انت فيه هيتغير ١٨٠ درجة لما تخلصي ثانوية عامة وتلاقي نفسك انسه ف الجامعه ايا كان جامعة ايه وكلية ايه بس هتحسي بفرق كبير جدا واهم حاجه أن جانبك الديني سليم قربي من ربنا اكتر وخلاص كلها كام شهر وكل الهم دا هينزاح وتشوفي بنفسك الفرق
تم النشر الجمعة، ١٢ أبريل ٢٠٢٤
اكتئاب يجب الذهاب لمختص نفسي و اخذ الدواء و بحول الله تتغير حياتك
تم النشر الجمعة، ١٢ أبريل ٢٠٢٤
لعرض السؤال في فدني اضغط هنا