السلام عليكم
أنا ف جامعه اتعرفت ع شخص هو حاول معايا كتير اويي بجد عشان نتكلم واتكلمنا وقال أنه عايز يتقدملي فأنا رفضت عشان عادته غير عاداتي هو م العرب وكده اهلي مكانوش هيوافقو مع العلم أنا حقيقي حبيته واتعلقت بيه وهو معملش كد هو كان مبين أن أنا كل حياته بجد وبيحبني ومستعد يعمل عشاني اي حاجه وبعدين اتقابلت معاه وكان معايا صحبتي واتصورنا
وبعدين رجعت البيت فمكنتش بكلمه وبعدين رحت الكليه لقيته بعتلي مسج أنه مهكر الفون وقال معلومات كتير في الفون وبعدين قال إني بكلم حد غيره ومش واحد دول كتير ودا والله العظيم محصلش واكتشفت أن صحبتي اللي قيلاله كده مش هوا مهكره
وبعدين صحبتي عملت لي حاجات كتير فتعبت فماما كلمها شتمتها وكدا وهي راحت كلمته وفضل يشتم فيا وبقولها أنه هيبعت الصور لمامتي
الحوار د بقاله شهرين وهما لسا ع تواصل وكل شويه يقولها أنه هيبعت الصور لامي وكد وبعدين أنا قابلته في الجامعه قلت له أنا زي اختك وانا غلطت لما كلمتك واتمنى ربنا يسامحك ويسامحني قالي وانتي قد الدنيا واللي يزعلك عرفيني وبتاع
أنا عملت بلوكات من كل حاجه وبعدين عرفت أنه كلم البنت اللي كانت صحبتي انهارده وزعقلها بيقول أنه مضايق عشان مش بسأل عليه وأنه هيوزع الصور و ويبعتهم لأهلي وانا اهلي صعبين بجد
عارفه اني غلطت والحمد لله تبت لربنا بس انا مش عارفه اعمل اي ول عارفه اتصرف بجد
مش هيعمل اى حاجة ...ده اخره يخلى صحبتك تخوفك وهو واضح انه عيل خليكى زى ما انتى واوعى تستجيبى عاوزه تغلبيه فعلا قولى لصاحبتك انك زهقتى من التهديد ومش هتسمحى ان فى حاجة تفضلى خايفه منها وانك بنفسك هتعرفى اهلك واللى يحصل يحصل المهم انهم هيقفوله لو حاول يعمل اى حاجة تمسك بضرر طبعا انتى هتقولى ده حتى لو متأكده ان اهلك صعبين وانهم فعلا لو عرفوا هيغلطوكى انتى وبس ...بس لازم توريهم انك مش خايفه
تم النشر الجمعة، ١١ أبريل ٢٠٢٥
ده استفزاز واحسن طريقه لتعامل معاه هي إنك تبلغي عليه لجهات المختصة بكده ولو شايفه الخطوة ده صعبة فده اسهل من إنه يقعد يستفزك ويجبرك تعملي حاجات إنتي مش عايزها أو إنه يفضحك وهو مش هيكتفي بالقصة ده ده هيوزع صور وانتي بتقولي إن صحبتك هي إلي عملت كده ومش بعيد تكون كمان هي إلي خليته يكلمك من الاول وده احتمال كمان إنه يبقي معاه صور شخصية ليكي عن طريق صحبتك وانا مش قصدي اعمل فتنة بس للاسف الحاجات ده يتحدث كتير ما بين الاصحاب وده ممكن ينتج عنه إنك تلاقي كذا شخص بيسفزك بكلمك ويسفزك مش بس شخص واحد فالاحسن إنك تعملي بلاغ أما عن اهلك فلو انتي متصورتيش معا بشكل مباشر ممكن إنك تحكيهم إلي حدث وإنه ليحاول يستفزك ولو الصورة كانت مباشره فحاول إنكِ تتكلمي مع حد يفهمك بس أساسي يزمن يتعمل البلاغ
تم النشر الخميس، ١٠ أبريل ٢٠٢٥
وعليكم السلام ورحمة الله وبركاته، أختي العزيزة، أفهم تمامًا كم هو صعب الموقف الذي تتواجدين فيه. العلاقات العاطفية تترك في النفس تأثيرات عميقة، وللأسف، قد تأتي مع تحديات ومشاكل يصعب التعامل معها. أولًا، يجب أن تعرفي أنك لست وحدك في هذا. كثير من الشباب يواجهون مواقف مشابهة، وأهم شيء هو كيفية التعامل معها بطريقة صحيحة. إليك بعض النقاط التي قد تساعدك في هذه الحالة: تواصلي مع أسرتك: إذا كان الأمر يسبب لك قلقاً شديداً، فإن الحديث مع أحد أفراد عائلتك، خاصةً والدتك، قد يكون مفيدًا. اشرحي لها الموقف بصدق وحاولي إيضاح ما حدث وما تشعرين به. دعم الأسرة مهم جدًا. التعامل مع التهديدات: من المهم أن لا تصدقي التهديدات المتعلقة بالصور. إذا كان لديه صور أو معلومات خاصة، فاحرصي على عدم إبداء رد فعل قوي أو حاد. أحيانًا، الأشخاص الذين يهددون يمكن أن يتراجعوا عن تهديداتهم إذا لم يروا ردود فعل قوية. حماية نفسك: يمكنك تصوير المحادثات أو رسائل التهديد كدليل في حال كان هناك تطور في الموقف. في حال اضطررتِ للذهاب إلى جهة قانونية، سيكون ذلك مفيدًا. التفكير منطقيًا: حاولي ألا تستسلمي للمشاعر السلبية. كوني قوية واثقة بنفسك. علو الهمة والإصرار سيساعدانك على تجاوز هذا الموقف. تجديد الإيمان: حاولي أن تقربي من الله أكثر. الدعاء والذكر يمكن أن يساعدانك على تجاوز الصعوبات والشعور بالطمأنينة. في النهاية، تذكري أن الهدف هو حماية نفسك وسمعتك وعيش حياة تخدم مبادئك وعاداتك. قد تحتاجين لبعض الوقت لتجاوز ما حدث، ولكن بالتأكيد، كل شيء سيكون أفضل مع الزمن ومع اتباعك للخطوات الصحيحة. إذا كنت تحتاجين لمزيد من الدعم، لا تترددي في اللجوء لخبير أو مستشار يمكنه مساعدتك. استودعتك الله.
تم النشر الخميس، ١٠ أبريل ٢٠٢٥
م الاول نتي غلطتي انك وافقتي انك تكلمي حد بصفه غير رسميه و من نفسك كنتي حاسه بعدم قبول والدليل انو اهو طلع هو مش راجل انه يهدد ،،و غلطتي بقي انك خفتي منه او بينتيله خوفك من تهديده دا لازم حد يكلمه بس تعملي فيلم عليه ..صاحبتك لو متعرفش اخواتك مثلا او تفاصيل عنك اديني رقمها و رقمه و نا مثلا او ايحد من قرايبك عادي شاب يتفهم كلامك دا و تكوني متاكده انا م هيكبر الموضوع يقوله او يخليه يمسح الصوره بشكل ودي ..او لو هي تعرف التفاصيل كملي معاها عادي جدا و عرفيها انك عرفتي والدك و هو قالي نا هكلمه هو واثق فيا اي فيلم كده يحس بيه انك اطمنتي و ولا فارق معاكي لان النوع للي زي دا لا يُعاشر لان م من صفات الرجال انه يهدد و انه يرمي ودانه لحد ويصدق كده وخلاص ..
تم النشر الجمعة، ١١ أبريل ٢٠٢٥
لعرض السؤال في فدني اضغط هنا