هل الشخصية الحساسة بتتولد حساسة ولا طريقة التربية والبيئة المحيطة ليها علاقة بالموضوع؟؟؟؟
هل الصفة دي بتزيد فينا لما الناس تفضل تطلقها علينا؟؟؟؟
هل بإدينا نغيرها؟؟؟؟
هل المشكلة فينا اننا حساسين وبنزعل على حاجات بسيطة من وجهة نظرهم او بنفهمها غلط ولا المشكلة فيهم انهم مش عارفين يفهمونا ويتقبلونا زي ما احنا؟؟؟؟؟
ولو انا شخصية حساسة زي ما بيقولوا تنصحوني بإيه ؟؟؟؟
لاني بقيت بحس ان المشكلة فيا لاني بفهم كل حاجه غلط وبحساسية وبزعل على حاجات تافهه
واني المفروض اغير من طريقة تفكيري
مفيش حد بيتولد بحاجه معينه فيه كل واحد اكيد واجهه صدمه فحياتو خلقت في شخصيه معينه مثلا شخصيه عنيفه في التعامل شخصيه حساسه شخصيه مش بيفرق معاها حاجه شخصيات كتير جدا بتتخلق من البيئه الي احنا عايشين فيها سواء كان من اهل او ناس قريبين مننا عملولنا صدمات فا بالتالي عقلنا بقا بيحمينا ان احنا نتعرض لنفس المواقف دي تاني ممكن يكون حد قريب منك اذاكي وانتي كنتي لسه بتكبري واتعرضتي لصدمه ومن وقتها بقيتي حساسه جدا بسبب ان الشخص ده سببلك فراغ عقلك لحد الان مش عاؤف يملاه ف بالتالي بقيتي حساسه بالنسبه لان الشخصيه دي بتزيد فينا انتي الي بتحددي ده بتحددي بنفسك انتي عايزه تبقي ايه زي ان احنا منديش الحاجه اكبر من حجمها نسبح كتير لما نتعرض لمواقف زي دي وعلفكره ده بجد التسبيح بيخفف من سوء الموقف الي احنا فيه وايوه بادينا نغيرها احنا بايدينا كل حاجه دلوقتي انتي في مجتمع مبيقدرش حاله حد سواء كان اجتماعي او انطوائي او حساس كلنا بناكل في بعض لازم تتاقلمي علي ده وتحاولي ان انتي تتعايشي مع مجتمعنا اكيد الموضوع صعب شويه علي انك شخصيه حساسه بتاخدي كلها حاجه علي صدرك اوي مع انها ممكن لغيرك مش مستاهله بس كل واحد بيشوف الموضوع من وجهه نظرو حاولي متفكريش كتير اشغلي وقتك استشيري حد في المواقف الي تحسي نفسك فيها مديقاكي اوي بس فلغالب هيقولك اي التفاهه دي لانو مش نفس شخصيتك اتمني اكون قدرت افيدك بقدر الامكان انصحك بعدم الانصات لكلام حد لان كلنا بننتقد وكلنا فينا عيوب والقبول حاجه من عندنا ربنا مش لازم كل الناس تحبك وتتقبلك وتقولك كلام حلو ومتزعلكيش الناس مش كلها طيبه وحنينه في ناس نفوسها وحشه اوي طلاما الحاجه من وجهه نظرك مش تافهه يبقا مش تافهه متخليش حد يقولك كده غيري من طريقه تفكيرك براحتك بس براحه كل حاجه واحده واحده وهتتعودي يبقا مش فارق معاكي هما بيقولو ايه
تم النشر الجمعة، ١٨ أغسطس ٢٠٢٣
ان الشخص يكون حساس يعنى هو معندوش صلابه نفسيه كافية انه يتحمل اللى بيستقبله من بره والصلابه دى طبعا بتتكون من البيئة المحيطة ومن اللى بيتعرضله الشخص هو لسه طفل ...لانه بيحتاج حاجات تبنيه وهو اصلا لسه صغير وهش جدا فى انماط من التربية والسلوكيات المحيطة بتخلى الشخص هش زى ما هو وهو طفل ...فبيفضل احساسه طفولى من اقل خبطة بيصرخ جامد ...لان ده احساس الطفل انه بيجرب اام ده لاول مره وميعرفش ان لسه فى درجات اكبر من كده اصلا ... التقبل مهم طبعا ....ومهما كانت شكل شخصياتنا فاحنا محتاجين التقبل والاحتواء انصحك بايه وانتى شخصية حساسة ؟ انصحك ترمى نفسك فى البحر عشان تتعلمى العوم ....بس وانتى محضره عوامه عشان متغرقيش اتعاملى مع الناس وازعلى وحسى كل حاجة عشان مناعتك النفسية تقوى وتقدرى تعرفى درجات الاحساس والمواقف وتعرفى كل حاجة ايه رد فعلها المناسب تعرفى ان الخربوش مش زى جرح السكينة ( لاقدر الله )
تم النشر الأربعاء، ٢٣ أغسطس ٢٠٢٣
الشخصية الحساسة ليست وصمة عار يجب علينا التبرأ منها. بل هي طبيعة شخصية، والطبائع لا ننفر منها بل نحاول تطويعها وفهم كيفية التعامل معها. أما عن الطريقة التي يصبح بها الشخص حساس فأنا لست خبيرة، ولكن بناء على تعاملي مع طفلي، والعديد من الأطفال، بل ومع التطبيق على نفسي رأيت أننا نولد بها من الأساس، ومع تركيز من حولنا على كوننا حساسين من عدمه، ومع كثرة ضغطهم علينا نشعر وكأن هذا عيب بنا ونحاول التخلص منها. الحل يكمن في التعرف على نفوسنا وعلى طبيعة الشخصية الحساسة وكيفية التعامل معها
تم النشر الاثنين، ٢١ أغسطس ٢٠٢٣
هل الشخصية الحساسة بتتولد حساسه؟ مفيش اي دليل ممكن نقول حاليا انك توارثتي الشخصية ديه من احد الوالدين تبعا للجينات .. هل ده ممكن يكون له تأثير اساسا؟ - ممكن ولكن منقدرش نشوف دليل ملموس على حالتك بالذات. طيب هل البيئة بتأثر؟ - طبعا بالتاكيد .. البيئة ليها تأثير وعامل كبير جدا، والتربية والتنشئة الاجتماعية هي اللي ممكن تشكل الشخص. هل الصفة ممكن تزيد لما الناس تقول على الشخصيات ديه انهم حساسين؟ - ممكن انا ارد بسؤال تاني عليكي؟ هل الشخصية ديه نفسها عيب شخصي ؟ وصمة عار ؟ اكيد لأ .. الشخصية الحساسة زيها زي اي شخصية .. لها مميزاتها وعيوبها المشكلة فيهم ولا في الشخصيات ديه؟ - وجهة نظري في الاتنين .. يعني ايه؟ يعني مش معنى ان فيه عيوب معينه مثلا في شخصيتي ... ان لازم اللي قدامي افرضها عليه واقوله (تقبلني زي ما انا) ما هو انا كده بقى ومش هتغير وانت لازم تتقبلني زي ما انا! افرض هو مش عارف يتقبل؟ يعني مثلا انتي اتخطبتي لواحد وطلع بيدخن وانتي مش عايزة .. يجي يقولك انتي لازم تتقبليني زي ماانا؟ اتجوزتي واحد وطلع بخيل؟ يقولك انتي لازم تتقبليني زي ما انا؟ اكيد لأ - احنا مش مطالبين اننا نتقبل حد واحنا مش عايزين ده، في نظير حاجة تانية هما لازم يتعاملوا معاكي طبعا بطريقة مختلفة ويحاولوا انهم يفهموكي ويتعاملوا معاكي بشكل مناسب ولو فيه عيوب معينه واضحة معالمها ، انتي اللي تاخدي القرار بانك تغيريها .. طالما العيوب ديه مؤذية ليكي ومؤذية للناس اللي حواليكي. يعني انتي كمان متضررة من العيوب ديه .. فهماني! ازاي تتعاملي مع نفسك ومع اللي حواليكي؟ https://fedni.net/q/44029438/ازاى-اقلل-التعاطف شوفي السؤال ده
تم النشر السبت، ١٩ أغسطس ٢٠٢٣
في نظريات علمية كتير ع أن شخصياتنا في چينات بتأثر عليها يعني فعلا ممكن تكوني مولودة حساسة بس ده ميمنعش أن برضو التربية بتأثر بايديكي تغيرها أو لا فدي مُختلف عليها بصراحة و بما اني حساسة زيك و مش قادرة اغيرها فهقولك ازاي اتعاملت مع الموضوع لحد دلوقتي انا حرفيا ممكن كلمة تخليني منامش الليل بس واحدة واحدة بقيت احاول اتكلم مع نفسي و أقول إن ال قال الكلمة دي مش قصده و اني عارفة نفسي كويس و عارفة اني مش معيوبة و مكنش قدامي حاجة أصح اعملها مثلا و مغلطش فحاجة بعدها اتعلمت اخد موقف و أواجه يعني حد قالك كلمة تردي فساعتها ،، و لو موقف محرج مثلا متهربيش لا اتعاملي عاادي و هما نفسهم هيحسو انك متحرجتيش و الموقف هيعدي و هيتنسى ،، اعرفي دايما أن عقلك هو ال بيكبر الحاجة لكن هي فالحقيقة و الله بسيطة فوق م تتخيلي 💜
تم النشر الجمعة، ١٨ أغسطس ٢٠٢٣
اتوقع انها من كثره الانتقدات من الي حولينا
تم النشر الخميس، ١٧ أغسطس ٢٠٢٣
لعرض السؤال في فدني اضغط هنا