سؤالك عن ازاي تطلعي من ذاكرتك نهائي .. ده سؤال في حد ذاته غلط، احنا مش روبوت هدوسي على زرار ف تمحي كل حاجه من دماغك. الوعي نص الطريق وعيك بنفسك انك كنتي في علاقة خطر، وعارفه أن النهاية مش في صالحك ابدا، وعيك ده نص الحل، والحلول التانية محتاجة مجهود، لكن في الحقيقة هي تستاهل كل المجهود اللي ممكن يتعمل علشان تبقي كويسة. أقبلي اقبلي الفقد، من الحاجات اللي بتصعب حاجات كتير علينا هي أننا مش قادرين نتقبل، فكرة صعبة مش كده؟ هي آه صعبة لكن مش مستحيلة، ما هي لو كانت مستحيلة كان زمان الناس كلها ماتت ورا اللي بيحبوهم،لكن بيعدوا، وبيكملوا، وبيعيشوا. "المشاعر المكبوتة لا تموت". -فرويد الإنكار عمره ما كان ولا هيكون حل، خدي وقتك في الحزن، خدي وقتك في البكاء، الحزن له قدسية زي الفرح، بل إن الحزن مشاعر عظيمة لأنها الطريق أو النفق اللي بيكون في آخره النور. مينفعش تقسي على نفسك وتعنفيها "وتقولي، لأ مش انا اللي ابكي، مش انا اللي ازعل"... لأ وليه متزعليش، ازعلي لان من حق أي إنسان أنه يحس بالمشاعر ديه، المشاعر المكبوتة مش هتموت هتفضل جواكي، لحد ما يحصل موقف ما، وتنفجري فيه، وعلى فكرة ممكن ساعتها الموقف ده يكون ميستاهلش، ازعلي، وابكي، وخرجي كل اللي جواكي. بلاش شخصية بديلة الدخول في علاقة تانية بعد الانفصال، مش هتعالج ابدا اي شيء، بل هتضرك انت والشخص الاخر. استبدلي العلاقة بالرياضه، بالشغل، بالمذاكرة، بالكورسات، أتعلمي حاجة جديدة نفسك تتعلميها من زمان، العبي رياضة تخرجي فيها طاقتك، اعرفي ناس جديدة ولذيذة وايجابية، اخرجي بره غرفتك، بره الكومفورت زون بتاعتك. تعملي إيه كمان؟ من الحاجات اللي هتساعد جدا في انك تنسي أو تتعافي هي انك تفرغي كل مشاعرك في الكتابة، أو انك تحطي لحد مقرب، بل بالعكس اوقات الكتابة تغني عن الكلام مع حد، لان اوقات كتير الواحد بيكون محتاج يطلع كلام محدش يعرفه غيره وبس. اقطعي علاقتك بكل صفحاته على السوشيال ميديا، عمرك ما هتعرفي تتعافي وانتي لسه بتراقبي صفحاته على الميديا. من الحاجات المهمة أننا نعرف أن العلاقات ممكن لا تدوم. للاسف ناس كتير بتكون عامله توقعات خرافية جدا، طموح العلاقة بيكون عالي جدا، لدرجة أنها بتدخل في حالة إنكار بعد كدا. مش شرط علاقة الصداقة تدوم. مش شرط الارتباط يدوم، مش شرط يتحول لخطوبة، مش شرط يتحول لجواز. مش شرط يعني من حق اي حد في العلاقة أنه يخرج منها، احنا مش أملاك لبعض، انتي شخص كامل متكامل وهو شخص كامل متكامل. كل مرحلة من مراحل الحب، سواء في الاول كانت ارتباط أو جواز أو خطوبة، هي مرحلة مُكملة للأخرى، ومش معنى كدا إننا منعملش احتمال أنها متكملش، طبعا ممكن متكملش، وطبعا احنا محتاجين سياسية التقبل، وسياسة الرفض. أتمنى لك السلامة
تم النشر السبت، ١ يوليو ٢٠٢٣
افترضي أن الشاب دة كان هندي من الطائفة التي تعبد البقر - أعزك الله - فهل كان سيستحق أن يظل في مخيلتك أو عاطفتك إنسان بعد أن يفرغ من الحديث معك يذهب ويسجد لبقرة؟ لا يستحق مجرد الذكرى .. أليس كذلك؟ الأمر مع الشاب السورى لا يختلف كثيرا لأنهم كما عرفت بنفسك طائفة لا تمت للإسلام بصلة. قال تعالى ( ولَعَبْدٌ مُؤْمِنٌ خَيْرٌ مِن مُشْرِكٍ ولَوْ أعْجَبَكم أُولَئِكَ يَدْعُونَ إلى النّارِ واللَّهُ يَدْعُو إلى الجَنَّةِ والمَغْفِرَةِ بِإذْنِهِ ويُبَيِّنُ آياتِهِ لِلنّاسِ لَعَلَّهم يَتَذَكَّرُونَ ) تأملي في هذه الآية كثيرا
تم النشر السبت، ١ يوليو ٢٠٢٣
التعارف علي الانترنت بهدف الزواج فيه لعب وغش كتير اوي وعدم جدية
تم النشر السبت، ١ يوليو ٢٠٢٣
اشغلى نفسك بتعلم مهارات جديده لغه أو حتى لعبه جديده او رياضه أو أي شئ وستنسينه بالتأكيد وطبعا مع مسح جميع الذكريات المتعلقه بذاك الشخص
تم النشر السبت، ١ يوليو ٢٠٢٣
ركزي على الأشياء السلبية في العلاقة وفي شخصيته. هذا سيساعدك على تذكر لماذا انفصلتما وسيجعله أقل جاذبية في عينيك.
تم النشر السبت، ١ يوليو ٢٠٢٣
حطي في دماغك ان مش كولو زي بعض
تم النشر السبت، ١ يوليو ٢٠٢٣
لعرض السؤال في فدني اضغط هنا