ابي مش بيسأل عني من زمان لانه منفصل عن ولدتي وانا كنت بعاني من كلام الناس عليه بسبب انه عذب امي كتير لا بيسال ولا بيصرف ولا يعرف عني حاجه ويوم ما اهل امي قالوله المفروض تصرف عليها زي عيالك وكدا باع واشترى فيا وقالهم لو مش قادرين على اكلها وشربها هتوها المهم لا اخدنا ولا عطينا والايام عدت وبقيت بكبر وساعات اسمعهم بيتكلمو عليه وامي بتبكي وكدا بعيد عن ان كان بيصعب عليا نفسي كتير بس ربنا عوضني باهل امي احسن عيشه واحسن لبس واحسن تربية الحمد لله المهم حد كلمني من فتره وقالي انتي عاق لوالديك وانتي بتعملي حاجه غلط مع اني حاولت اتواصل مع ابويا بس دايما في حاجز بينا دايما هو مش شبهي مش بحس تجاهه باي حاجه لا حب ولا كره المهم حسيت بذنب واني ممكن ادخل النار بسببه على الرغم من ظلمه ليا فهل فعلاً انا عاقة وهل فعلاً هدخل النار انا عندي 18سنه وحاسه اني عاصيه ومذنبه مع ان هو السبب وانا بحاول لان اهل امي ربوني على الحب والعمل الصالح ومحدش فيهم ممانع ارجو من حد يكون فاهم دين كويس الاجابه
السلام عليكم ورحمه الله وبركاته اولا يعني ربنا يقويكي على الظروف دي والمجاهده دي اللي انت بتجاهديها لنفسك انا عارفه ان هي حاجه مش سهله بس خلينا يعني ايه نكون احقاقا للحق وزي ما انت بتفكري ارضاءا لله ولاوامر ربنا ففي قدر من البر هو بيتوقف على كل واحد فينا وعلى ظروف كل واحد مش كل الظروف زي بعض. فاا اللي انت هتقدري عليه اعمليه اللي هو زي ما بنقول كده ده اضعف الايمان ده اقل حاجه يعني لو انت هيبقى تواصلك معاه بانك بتبعتي له رساله السلام عليكم ازي حضرتك عامل ايه انا بسال عنك. كفايه خلاص هيكون باذن الله ربنا راضي عنك وما تكونيش عامله قطيعه بشكل متعمد ما تكونيش قاصده ما تتواصليش مع باباك انت بتعملي اللي عليك هو بقى تواصل هو رد ما ردش لا يكلف الله نفسا الا وسعها يا بنتي هتبقي انت عملتي اللي عليكي ارضاء بس مش اكتر من كده ولو في اي ظروف. قدرتي تزودي التواصل ده عن كده بانك تعملي مكالمه تليفون كل فتره حتى لو مره في الشهر ازاي حضرتك عامل ايه يا رب تكون بخير او في المناسبات ازي حضرتك كل انا بكلم حضرتك عشان اقول لك كل سنه وانت طيب وبس كده وشكرا خلاص يكفيك والله يا بنتي مش اكتر من كده برده ليه ارضاء ومرضاه لله لنفسك علشان تبقي يعني ابتعدتي عن اي شبهات بانك تكوني قاطعه للرحم او تكوني مش بتبري ابوكي وفي اي ظروف خليكي عارفه كويس جدا انه لو ابوكي احتاجك ممكن ضروري انك تلبي اللي هو هيطلبه منك خلي بالك من النقطه دي كويس بس طبعا ما تكونش حاجه فيها اذيه ليكي ولا فيها حاجه تكون ضد ارادتك يعني يا رب اكون افدتك بنصيحتي وربنا معاكي.
تم النشر الأربعاء، ٣١ يوليو ٢٠٢٤
انتِ تعانين مثلي تقريبا، لكن الفرق اننا نعيش مع والدي حاليا ومجبورين ونكرهه، لكني احاول اجتناب معصيته وعقوقه، اما فأنت افعلي ما امرك به اللَّه صلة الرحم والبر في ابوك اذا امكنك، فهو بالنهاية ابوك وعليك فعل ما امرك اللَّه تجاهه، اما عن مشاعر الكره او الحب فليس بيدك، لكن بيدك ان تسألي عنه ومكالمته هاتفيا وزيارته على الأقل، بذلك ستكوني قدمتي واجبك امام اللَّه ولوجه اللَّه تعالى
تم النشر الاثنين، ٢٩ يوليو ٢٠٢٤
السلام عليكم ورحمه الله الافضل الاتصال برقم فتاوي الأزهر الشريف و رقمه ١٠٧ و هما هيفهوكي ايه دورك ناحيه والدك في هذه الحاله من الناحيه الدينيه
تم النشر الاثنين، ٢٩ يوليو ٢٠٢٤
عزيزتي أين عقوقك له؟ صدقًا لا أفهم ما هي وجهة نظر الذي كلمك ونصحك. جبر الله قلبك يا فتاة!
تم النشر الاثنين، ٢٩ يوليو ٢٠٢٤
أولاً، أنا هنا عشان أقولك إن مشاعر الذنب والتوتر اللي حاسة بيهم هم مشاعر طبيعية، وخاصة لما يكون فيه مشاكل أسرية صعبة. فكر معايا شوية، أبوكي هو المسؤول عن تصرفاته، وأنتِ مش ممكن تتحملي نتائج تصرفاته الغلط. كونك ترعاه هو فعل جميل، لكن إذا كان هو مش عاوز يتفاعل معك، فما تقدريش تعملي حاجة. يعني، التواصل مش ممكن يكون من طرف واحد. مش عيب إنك تحسّي بالحنين أو تتمني تقربي منه، بس كمان مهم تعرفي إن وجود حاجز بينكم هو مش غلطك. بالنسبة للناس اللي قالوا إنك عاقّة، مهم تعرفي إن الدين مليان رحمة. صحيح إن علاقة الأبناء بالآباء مهمة، لكن البنت كمان ليها حق تحمي نفسها من الألم اللي مقدرش تتحمليه. كونك تحبي الناس اللي حوليك وتعيشي في بيئة مليانة حب ورعاية هو شيء مهم جداً. الذنب شعور صعب فعلاً، لكن الأهم إنك تعرفي إنك عايشة حياتك بطريقة إيجابية، وتحاولي تحسني من نفسك وتكبري. ربنا حط لك فرصة لبداية جديدة مع أهلك وعائلتك الثانية، وحسبي إن البقاء وسطهم هو نعمة. في النهاية، إذا حسيتِ إنك تحتاجي مساعدة أكتر، ممكن تتكلمي مع حد يقدر يساعدك من ناحية نفسية أو دينية. ربنا يحبنا جميعاً، وكل واحد له طريقه في التعامل مع مشاعره.
تم النشر الاثنين، ٢٩ يوليو ٢٠٢٤
مش ذنبك اذا برك بريه بكل خير
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا