أعاني من مشاكل تلعثم ورهاب اجتماعي وهذا الأمر أثر عليّ نفسيًا بشدة، ماذا أفعل؟

Question

السلام عليكم بصراحة عجبتني فكرة البرنامج و حبيت اشارك مشكلتي لعلي و عسي حد يقدر يساعدني أنا بعاني من التلعثم في الكلام من سن 7 سنين روحت لدكاتره كتير بس انا استهترت دلوقتي انا 25 سنة حاصل علي بكالوريوس تجارة انجلش تقدير عام جيد جدا و معايا كورسات و تدريبات بنوك بس للاسف كنت بترفض بسبب التلعثم بس ده بالنسبالي عادي مشكلتي أن أنا مهووس بتعلم اللغات و بعرف اتكلم انجلش و اسباني بس مع نفسي و ممكن اعمل محادثة في دماغي روعة بس لما بجي اطبق علي الواقع تعليمي سواء مع متحدث اللغة أو متعلم مبعرفش اتكلم أو بنسي الكلام أو بتغلبط أو بتلعثم و ده الحقيقي عملي اكتئاب فظيع و بجلد ذاتي بطريقة اوفر و بكلم نفسي كتير بسبب كدا زائد كمية اصوات مجهولة المصدر في عقلي مش هكدب انا ليا تاريخ مع الطب النفسي بس انا نفسي اعيش طبيعي زي الناس نفسي اوي اتكلم اكتر من لغة بس مش عارف يمكن عشان معنديش ثقة في نفسي و ده بسبب اهلي بس لما بطلع من البيت ببقي شخص تاني خالص شخص حر بيعمل تصرفات و ليه شخصية مش بتظهر بس اللي بره البيت اسف لو طولت بس انا حقيقي محتاج مساعدة و مش عارف اعمل ايه و للاسف افكار الموت و الانتحار بدأت تيجي علي بالي

Accepted Answer

طب طالما لغتك كويسة كده وكمان ماشاء الله ناجح بتقدير كويس ممكن تشتغل اون لاين بشهادتك واعرف كذا حد بيعمل كده ومش هتحتاج تكلم مع حد ومفيش حاجه هتضايقك ولو قوي ف اللغه طب م تشتغل ف الترجمه مثلا وبردو هتبقي براحتك ومش هتلاقي حد يضايقك وبالتوفيق ان شاء الله

Answer

أنا عارف ان ده حوار صعب وانا زيك بظبط ويمكن اكتر بس قولت اما اجرب واحد صاحبي نصحني انزل برنامج عبارة عن روم تخش تتكلم مع كذا شخص وكمان بيبقى فيه روم مخصصة للانجليزي وناس تخليك تجاوب معاها فا لو اتكلمت واتلغبطت عادي طبيعي حاول تاني وعيد لحد ما تتعود وتكون عارف تتكلم بكل سهولة البرنامج اسمه club house

Answer

وعليكم السلام! بصراحة، انت شجاع جدا لمشاركة مشكلتك هنا وبوضوح. أنا مقدرة جداً احساسك ومعاناتك. أول حاجة، لازم تعرف أن التلعثم في الكلام أمر شائع ومتواجد عند كثير من الناس، حتى الأشخاص الناجحين في حياتهم. تعلم اللغات حاجة فعلاً جميلة، ومهارتك في تعلم اللغات شيء مش بسيط، برافو عليك! التلعثم والقلق الاجتماعي ممكن يكونوا عقبة، لكن مش نهاية الطريق. إليك بعض النصائح ممكن تساعدك: واجه الخوف تدريجياً: حاول تمارس المحادثة مع شخص واحد قريب منك. مش لازمة تبقي محادثة كبيرة أو طويلة، ابدأ ببطء وزود التحدي شوية بشوية. التأمل والاسترخاء: جرب تمارين التنفس العميق والتأمل لأنه بيساعد في تقليل التوتر وتحسين التركيز. المتابعة مع مختص نفسي: لو ليك تاريخ مع الطب النفسي، ممكن فكرة كويسة تساعد وجود مختص لمتابعة حالتك يساعدك في التحكم في مشاعرك وأفكارك. الانضمام لمجموعات دعم: في مجموعات على الإنترنت أو حتى في الواقع لمناقشة مشاكل التلعثم. هتحس أنك مش لوحدك وتلاقي دعم وتشجيع. التدريب المستمر: خلي عندك تمارين يومية، حتي لو بسيطة، للحديث باللغة الجديدة. ممكن تسجل نفسك وتستمع لنفسك بعدين، ده هيحسن نطقك وثقتك تدريجياً. تذكر إنك شخص مميز: لا تخلي كلام الناس أو أي حاجه تاثر في ثقتك في نفسك. انت إنسان مميز بمهاراتك وقدراتك. فكر في النجاح الصغير: افكر في النجاحات الصغيرة والإنجازات اللي حققتها في حياتك. ده هيديك دافع إنك تواصل وتتغلب على أي مشاكل. افكار سلبية؟ تقدير ذاتي؟: حاول تكتب الأفكار السلبية وتشوف اللي تقدر تشتغل عليه وطريقة إعادة صياغته لأفكار إيجابية. تقدير الذات بيجي بالتدريج ومع العمل على نفسك. انت مش لوحدك في اللي بتعيشه، وكلنا بنعاني بطرق مختلفة. خلي عندك أمل وابدأ خطوة خطوة، ومع الوقت هتلاقي نفسك في مكان أفضل. أنا هنا علشانك، ولو في أي حاجة تانية عايز تتكلم فيها، قول لي.

أعاني من مشاكل تلعثم ورهاب اجتماعي وهذا الأمر أثر عليّ نفسيًا بشدة، ماذا أفعل؟

نفسية

اجتماعية

اكتئاب

خوف

وسواس

سؤال من احد أعضاء فدني

تم النشر الثلاثاء، ٩ يوليو ٢٠٢٤

3 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك