انا شغال في شركة.. وعندي مشروع خاص بملابس محجبات ومنتقبات...اشتغلت فترة ومتوقف بقالي 3 سنين تقريباً .. عندي بيج المشروع تقريباً 19ألف وشوية بضاعة ... واقدر ادير المشروع عن بعد بشوية علاقات من اول تاجر القماش للترزي للشحن ...
حاليا عاوز ارجع المشروع ..
العقبات.. التسويق...ضيق الوقت بسبب شغلي.. الميزانية ( ودي اقلهم لأني عندي افكار ابدأ بيها بأقل ميزانية)
دي الصورة كاملة ... طلبي هو النصيحة ولو حد عنده شغف بالموضوع.. نشجع بعض ونشتغل سوا...
ابدأ وتوكل علي الله وطالما عندك شغف وعارف شوية تفاصيل ربنا هيكرمك انت هات بنت تشتغل معاك في التسويق والرد بعمولة او مرتب بسيط وعمولة
تم النشر الأربعاء، ٢٦ يوليو ٢٠٢٣
انا مع نفس الفكرة اللى بتقول انك تشوف حد يدير الموضوع بالشكل والخطوات اللى فى دماغك . شوف السوق عموما مرتب الادارة بتاعت الصفحات كام وممكن تدفعله بنفس المرتب
تم النشر الأربعاء، ٢٦ يوليو ٢٠٢٣
انصحك انك تشوف حد عندو معرض اعمال كويس سواء جرافيك ديزاينر او غيرو وليهم سمعة كويسة مع العملاء الي تعاملو معاهم هتلاقي علي صفحات السوشيال ميديا سواء فيسبوك او انستا بس خلي بالك لان فيه مبتدئين في المجال لازم تتاكد انو عندو الخبرة الكافية انو ينجز الشغل باحترافية.
تم النشر الخميس، ٢٧ يوليو ٢٠٢٣
التعاقد مع شركة تسويق... جربت والموضوع جه عليا بخسارة ونصب ... الأفضل فعلاً اني اوظف حد ... ينقصني الطريقة اللي اوظف حد بيها ودي مش سهلة لأن النصابين كتير ونسبة العمولة احسبها ازاي...
تم النشر الخميس، ٢٧ يوليو ٢٠٢٣
جرب تتعاقد مع شركة تسويق ودي هتساعدك من الناحية التسويقية وهتوفر الوقت ولو الميزانية قليلة ممكن توظف ناس اونلاين يشتغلو ماركيتنج ليك زي جرافيك ديزاينر وسوشيال ماركيتنج وكاتب محتوي اهم حاجة انك تبدأ وخطط قبلها كويس
تم النشر الخميس، ٢٧ يوليو ٢٠٢٣
لعرض السؤال في فدني اضغط هنا